Kolose 2:20 - Loina Nuahuana

²⁰ Mwalo wa'amasa Keliso ba'idamiu, 'oinega mumuga gogo gabulena 'ana loina 'oimiya 'ilolaguwa, ma to'aha weyahina 'abwa wapaipaihowa gide gogo gabulena mumugana.

Kolose 2:20 ပူးပေါင်းရင်းမြစ်များ

Yoni 15:19

Ma 'eguma mumugami tomiya bale'u gidemusa tomiya bale'u sihelauwegomi, weyahina sisanapuya 'abehega 'omi 'iyadiyao. Ma 'iyamo sauga bewa 'oina, 'omi yahesinuwane pwaigomiya, 'oinega mebale'u 'oidiyega ya'ewa yahulegomiya. Eeta 'omi geya wete mebale'u 'idi boda 'oidiya wamiyamiya. Beno huhuna 'oinega mebale'u silogwahategomiya.

2 Kolinita 10:3

Moisa, bale'uwa tamiyamiya, ma hesi 'ida paihowa geya mebale'u gide.

Galetiya 4:3

Tauda gidemusa, weyahina mwalo 'ida 'ebe hemisao nugenugetaidi weyahidi tapaipaihowa,

Galetiya 6:14

Ma taugu hesi geya'abwa yagwaegwae hane. Beno tuwa 'ida Bada Yesu Keliso 'ana kelose weyahina yagwaehane, weyahina Keliso 'ana kelose 'oinega mumuga bale'u 'ilohe'amasiya ta 'ina loina 'oiguwa 'igumwala, ma wete taudi mumuga bale'u 'ana tomuliyao silogwahategauwa, tuwa gide taugu to'amasa.

Epeso 2:15

Tauna wahina 'ana lohe'amasa 'oinega Mosese 'ina 'etobodao mabwaiyadi 'igibodeya, eeta tauna 'ihegogonegita ma taheboda 'aigeda tauna mahetedai, ta geya gidemusa mwalo boda 'eluwa simiyamiya, eema bewa tuwa tamiya daumwala,

Kolose 2:14

Eeta 'ida lowaga 'ana loina mwauna 'i'upwa yahuleya, ma 'ana kelose 'oina 'itutu hepa'iya.

Kolose 2:16

Coinega sahena 'eta taiya 'i'ahwa'ahwa galagalaegomi 'ami bo nuwana 'ami we'aha weyahidi, 'eguma 'omi 'adi bwabwale geya wapaihowadi, nuwana wai'ena 'ehauna 'ana sauga, bo nana Sabati 'oidiya.

Kolose 2:21

To'aha weyahina tomota 'idi he'itao ta 'idi loinao wahehematamatanedi 'abehega gesowana 'e'ahai hehe'asisina wa'abi'abitohodi bo walolotohodi. Ta ginaulaedi sawasawalidi ma 'eguma tahepaihowedi, nata sigumwala.

Kolose 2:8

Gesowana teya 'i'abowegomi tomota 'idi sanapuwega, weyahina sanapuwedi ginaula bwagabwaga bale'uwega, ma geya Keliso 'oinega.

Kolose 3:3

Weyahina bo'i wa'amasa, ma bewa tuwa yawasimi Keliso ba'idamiu Yehoba 'oina.

Ibeliu 13:9

Coinega sahena loina hauhaudi ma hagahagadi wahehesagohedi, weyahina 'ateda 'ihewaiwai Yehoba 'ina helaumo 'oinega, ma geya 'e'ahai 'oidiyega. Loinaedi 'e'ahai weyahina gesowana si'abihetegita.

Yemesa 4:4

Comi tohemisa 'abo'abowao! Ceguma bale'u mumugaina wahelauweya, beno Yehoba walo'aleheya, weyahina 'eguma taiya bale'u mumugaina nuwanuwana, tauna Yehoba 'ana 'aleha.

1 Yoni 5:19

Ma wete tauda tasanapuya 'abehega Yehoba 'ihenatunegita, ma bale'u mumugaina 'ana topaihowao mabwaiyadi topuiina 'ina bodao.