Kolose 2:13 - Loina Nuahuana

¹³ Comi mwalo geya 'wapi'upwa* waloba, ta 'imi puiyao weyahidi gide 'ama'amasimi, ma hesi Keliso ba'idadai yawasi bwebwe'ana Yehoba 'i'ebwaegita, beno 'ida puiyedi 'inuwasamudiya.

Kolose 2:13 ပူးပေါင်းရင်းမြစ်များ

Luke 15:24

Weyahina natugu bewa mwalo 'i'amasa, ta nige mayawasina taloba hileya.’ Coinega sihegaina ma siguyai ma'idi yaliyaya.

Luke 15:32

ma hesi tasiu bewa 'i'amasa, ta bewa tuwa mayawasina taloba hileya, 'oinega 'ilobwainegita ma mahetedai tayaliyaya.’” Tetela bewa 'oinega Yesu Palisiyao ma loina 'ana tohe'itao 'igwae hegehegediyediya.

Luke 9:60

Ma Yesu 'igwaeya, “Tuwa nobwa tamauina, ma taudi to'amasa 'idi to'amasa sigalihedi. Ma 'owa hesi 'ino paihowa 'abehega 'uhetohalewasa Yehoba 'ina 'ebeloina weyahina.”

Yoni 5:21

Gide Tamagu to'amasa 'i'abi'abi hetoholo hiledi ma yawasidi 'i'ebwa'ebwaedi. Coinega taugu wete gide yawasi hauhauna tomota ya'ebwa'ebwaedi taiyawedi taudi yahesinuwedi.

Yoni 6:63

Yehoba Yaluyaluwana 'iboinamo yawasimi 'ana to'ebwaya, ma hesiyage wahimi geya 'eta wete 'ina lema 'oimiya. Cigu gwaeyedi ya'ebwaya pwaigomiya ma 'oidiyega yawasimi Yehoba Yaluyaluwana 'oinega wa'ewa'ewadi.

Loma 4:17

Gidemusa Yehoba 'ina Buki 'oina 'igwaeya, “Cowa yahesani pwaigowa 'abehega 'asa mabwaiyadi tamadiu.” Ta Ebalahamo 'ina hemisa 'ilaguya Yehoba 'ina gwae hemisaina 'oina, tauna Yehobaina sowasowahina to'amasa 'i'abihe toholohiladi, ma weteyage to'aha geya sida 'elomasaleha sowasowahina 'igwae ma si'elomasaleha.

Loma 6:13

Geya sowana 'eta wete to'wehimi, nimami nuwana matami, watagwatagwaledi paihowa galadi weyahidi, ma hesiyage watagwalegomi Yehoba 'oina, weyahina 'i'abihetoholo hilegomiya, ta bewa tuta mayawasimi, ee 'oinega wahimi mabwaiyana watagwale Yehoba 'ina paihowa dumwaluna 'oina.

Loma 8:11

Ma Yehoba Yaluyaluwanega Yesu 'amasega 'i'abi hetoholo hileya, ma 'eguma 'oimiya 'imiyamiya, nata 'omi Yehoba Yaluyaluwanaina 'oinega yawasi 'ehauna 'i'ebwaya wahimi 'ama'amasidi 'oidiya.

1 Kolinita 15:36

Coinega 'ilobwainegomiya ma wada sanapu 'abehega 'eguma patu ta'uma ma 'ibwala 'abwa patuina 'imwahulu.

1 Kolinita 15:45

Buki He'asisi 'ina hepwaila wete gidemusa 'igwaeya, “Loheya nugenugetaina, Adama wahina mayawasina; ma loheya heluwena yaluyaluwana 'oinega sowasowana yawasida 'i'ebwaegita.”

2 Kolinita 3:6

ma sowasowahina 'ina loina hauhauna weyahina 'ahehetopaihowa. Loinaina hauhauna geya lelelelena, ma hesi Yaluyaluwa Tabuna 'oinega, weyahina loina lelelelena 'amasa 'i'ebwaegita, ma tuwa loinaina Yaluyaluwa Tabuna 'oinega yawasida miyamiya hatayana 'i'ebwaegita.

2 Kolinita 5:19

Moisa, Yehoba gide Keliso 'alona 'imiyamiya, ta mebale'u 'itoegita tauna 'oina sabi he'iya'iyagu hila, ma 'ida puiyao 'inuwasamudiya ma sahena tahehemaisadi, 'oinega he'iya'iyagu hila tetelina 'i'ebwaegita ma tahehepwaila tomota 'oidiya.

Epeso 2:1

Ma 'omi mwalo gide 'ama'amasimi 'imi puiyao 'oidiyega ma Yehoba 'igihetoholo hilegomiya.

Epeso 2:11

Comi geya meYudiya ta 'asa ganamuli tomotainao, ma meYudiyaedi taudi natudiyao loheloheyadi 'wapidi si'upwa'upwadi, 'adi 'ila'ilala sipaipaihowa, ma sisinaligomiya, weyahina geya wahimi 'adi 'ila'ilalamo.

Epeso 5:14

ma 'eguma ta'ita pwaiya, tauna hesi 'asilalaina. Bewa weyahina Buki He'asisi 'oina 'igwaeya, “Cowa to'eno'eno 'amasega 'utoholo ma Keliso 'ina 'asilala 'oinega 'u'asilala.”

Kolose 2:12

Coinega Keliso ba'idamiu babitaiso wa'eweya gide 'amasa, ta wete Keliso ba'idamiu 'imi babitaisowega watoholo hila. Weyahina Yehoba 'ina waiwai wahemisaeya 'abehega Keliso 'amasega 'i'abihetoholo hileya.

1 Timoti 5:6

Ma taudi hesi yaliyaya besobeso weyahina sinuwanuwatuhu, beno taudi wahidi mayawasidi, ma yaluyaluwadi si'amasa pwaiya.

1 Timoti 6:13

Cowa Timoti yaloinaego Yehoba matana, tauna ginaula mabwaiyana yawasidi 'ana to'ebwaya, ma wete Yesu Keliso matana, tauna mwalo Ponitio Pailato 'oina gwae moisega 'igwaeya.

Ibeliu 6:1

He'ita nugenugetana Keliso weyahina wahesagoha pwaidiya ta wasanapudiya, 'oinega nuwanuwagu sanapu hauhaudi Keliso weyahina yahe'itegomi ta 'imi nuwatuhu 'oidiya waheloheya. He'itaedi tahesagoha pwaidiya ta tasanapudiya sahena talolohilahiladi. He'itaedi bewa: 'ida mumuga mwalo galadi 'adi logwahata, 'ida hemisa Yehoba 'oina,

Ibeliu 9:14

Ta hesi Keliso bweyahina 'ebe 'abihe'ehau bwebwe'ana hedade, weyahina 'ateda 'i'abihe'ehaudi ma 'oinega paihowa besobeso talogwahatedi, ta Yehobaina mayawasina 'ina paihowao tapaihowadi. Weyahina Yaluyaluwa Tabuna miyamiya hatayana Keliso 'i'abihe waiwaiya, ta tauna ma'ina mumuga mabwaiyana dumwaluna ta geya 'aigeda wete galana 'oina, 'oinega tauna 'ipwaoliyeya Yehoba 'oina, beno 'i'amasa tauda 'ada 'ehau weyahina.

Yemesa 2:17

Bewa gidemusa 'eguma hemisamo, ta geya paihowa ba'idana hemisaina gide 'ama'amasina.

Yemesa 2:20

Cowa yauyauleiu. Bewa 'ebe'ita ya'ebwaego 'abehega 'eguma hemisamo, ta geya paihowa, beno ginaula bwagabwaga.

Yemesa 2:26

Gidemusa tuwa 'eguma wahida geya yaluyaluwanamo, beno 'i'amasa pwaiya, ta 'eguma hemisa geya paihowa mahetena, hemisaina 'ama'amasina.

1 Yoni 2:12

Gwagwama yo, gwae bewa yaleleyawa weyahina 'imi puiyao Yehoba 'inuwasamudiya, Yesu saninega.