Kolose 1:10 - Loina Nuahuana

¹⁰ Ta 'imi paihowaedi 'oidiyega 'ida Badaina wa'abihe yaliyaya. Ma wete mumugami bwebwe'ana 'ihuwahuwa, ta Yehoba 'ana sanapu 'oimiya 'ihemadou.

Kolose 1:10 ပူးပေါင်းရင်းမြစ်များ

Yoni 15:16

“Comi geya wahesinuwegau ma 'oimiya yahe'inapwana. Taugu hesiyage yahesinuwanegomiya ma 'abehega yahesumanegomi, wapaihowa, ma 'imi paihowaedi 'oidiyega huwaimi bwebwe'adi silatu, ma wete 'oimiya simiya hataya. Ma 'oinega to'aha nuwanuwami, ma saniguwega wa'ahwanoi, nata wete Tamagu 'i'ebwaegomi.

Yoni 15:8

Ma 'eguma moisa wamuliya bwaibwainigau, nata huwaimi bwebwe'adi silatu ma 'oidiyega tomota si'ita ma Yehoba sihepwatuwe.

Yoni 17:3

Yawasiina miyamiya hatayana bewa gidemusa 'ina 'eda: Ceguma tomota sisanapugo 'abehega 'owa moisa Yehoba, ma wete 'eguma sisanapugau 'abehega taugu To'abiheteguina 'owa 'uhesumanegauma.

Loma 1:13

Tasigwao, wanuwatuhuyahi tuta baibaiwadi 'oidiya yanuwanuwatuhu madouna togidega ma yahabo'enegomi, ma geya 'ida malamalaiya 'oiguwa, weyahina nuwanuwagu ma 'igu habo'ena 'e'enina 'ida hapwesa. Gide 'ane 'igu habo'enaedi taudi hali tupwa ganamuli 'oidiya bewa sauga 'e'enidi silagulagu.

Loma 4:12

Ma tauda wete Ebalahamo tamadai 'eguma 'ila'ilalaina ta'eweya 'wapida, ta geya 'abehega 'ila'ilala tuwa weyahina. Ma 'ida hemisa gide tuwa mwalo Ebalahamo 'ina hemisa, tutaina geya 'ila'ilala si'upwa wahina.

Loma 6:4

weyahina 'ina babitaisoina 'oina gide tauda ma Yesu Keliso ba'idadai ta'amasa, ma sigalihegita, ma wete tatoholohila ba'idadai. Kelisoina Tamana 'ina waiwaiyega 'itoholo hilama, ma tauda wete gidemusa 'igihetoholo hilegita, 'oinega yawasida 'ehauna talobeya.

2 Kolinita 2:14

Coinega Yehoba 'oina yaloyauwedo, weyahina Keliso 'ina waiwaiyega tuta baibaiwana 'i'abi'abi hewaiwaiyemai ma 'ima paihowega Keliso 'ana sanapu tupwa mabwaiyana 'oidiya 'idabalala gide hoya mahaina 'ausala hedade 'idabalala ma tomota sinisoniso,

2 Kolinita 4:6

Weyahina Yehobaina 'igwaeya, “Guguyou 'oina 'asilala 'ida saehane,” ma Yehoba 'atema 'isaesaehane, 'oinega tauna 'ina 'asilala Keliso manina 'a'ita'ita.

2 Kolinita 5:9

Ma 'eguma wahida tamiyamiya bo nuwana 'eguma ta'amasa, 'ida 'ebemasi tuwa to'aha Badaina nuwanuwana.

2 Kolinita 9:8

Ma Yehobaina sowasowahina ma 'ehele mabwaiyana 'ida losiwa 'oimiya, eema tuta baibaiwana sowasowahimi, ma wete ma'ana tupwa madouna 'imi 'ehele weyahina.

Epeso 1:17

Ma 'igu 'ahwanoi weyahimi 'abehega 'ida Bada Yesu Keliso 'ina Yehoba, tauna Tamada ta Tohewasawasa madouna, 'igihesanapugomi, ma tauna wada sanapu bwaibwaini,

Epeso 2:10

Ma hesi Yehoba 'iboimo 'ina paihowa 'ateda 'i'atububudiya Yesu Keliso 'oinega, ma 'abehega tapaipaihowa paihowaedi bwebwe'adi Yehoba mwalo hene 'ihesinuwediya weyahida.

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

Epeso 4:13

ma 'ane mabwaiyada tahemisa mahemahetena, ta wete Yehoba Natuna tada sanapu, ma'ida mumuga matuhadi, gidemusa Keliso 'ina mumuga matuhana, ma bwebwe'ana mabwaiyana.

Epeso 5:10

Ta wete watohotoho ma to'aha Bada nuwanuwana wada sanapudi ma wapaihowadi,

Epeso 5:15

Cilobwainegomiya ma 'imi mumuga wa'ita'ita bwaibwainidi ma geya'abwa wapaipaihowa besobeso ma hesi wada sanasanapu moisa,

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

Pilipai 1:11

ma'imi paihowa bwebwe'adi Yesu Keliso 'ina waiwaiyega, ta weyahidi tomota Yehoba sihepwatuwe ma si'ahwa bwebwe'ane.

Pilipai 1:27

Ta hesi wa'itayahigomi ma 'ane 'imi paihowao 'oidiyega tomota Keliso tetelina si'ahwa bwebwe'ane, eema 'eguma yahabo'enegomi, bo nuwana 'eguma yamiya hila, tuwa wasami bwebwe'ana yahesagohe 'abehega ma'imi 'atetagwala watoholo pa'ala, ta ma'imi nuwatuhu mahemahetena eema 'oinega wahetahetapewa wasa bwebwe'ana 'ana hemisa weyahina,

Pilipai 4:18

Ma 'imi 'eheleina Epapilodito 'itauyeyama, mabwaiyana yalobeya 'imaha tasitasiwa, gide 'ane 'imi pwaoli bwebwe'ana Yehoba 'oina, wagabu pwaiya eeta mahaina bwebwe'ana Yehoba 'inisoya, ta weyahina 'iyaliyaya.

Kolose 2:19

Ma hesi Keliso 'ana nuwatuhu geya 'oidiya, tauna debada, ta tauda yahinao gide nimana nana 'ahena, wahina 'aigeda tuwa. Wahinaowedi sipaipaihowa 'aigeda wahi 'ana bwebwe'ana weyahina ma 'imadomadou, ta 'ana madouina Yehoba 'ina paihowega.

Kolose 2:6

Bada Yesu Keliso 'oina 'atemi watagwala pwaidiya, 'oinega 'ilobwainegomiya ma tauna 'ina waiwaiyega watautauya.

Kolose 3:20

Gwagwama 'omi wete sauga mabwaiyana tamamiyao ma sinamiyao 'enadi wamuliyedi, bewa 'ida Bada 'ina 'ebeyaliyaya.

Kolose 4:5

Wete taudi geya Keliso 'ana tohemisao 'oidiya wapaihowa dumwalu, ma sahena 'imi sauga wamudamudali.

1 Tesalonaika 2:12

Ma wete 'alohatotowegomiya ma 'a'abihe waiwaiyegomiya, ta 'ahegwaegomi ma mumugami 'ibwebwe'ana, weyahina Yehoba bo'i 'ihesinuwegomiya 'ina 'ebeloina 'asi'asilalana weyahina.

1 Tesalonaika 4:1

Ciyamayao, nuwatuhu wete 'aigeda 'ida Bada Yesu weyahina 'ahenuwa lagugomi, ma 'aguguyegomi, beno mwalo mumugaedi 'ahe'itegomiya ta wasanapuya 'abehega bwebwe'adi, ta weyahidi Yehoba 'iyaliyaya, ma bewa tuta 'oidiya wamumuga, sowasowana wapaipaihowa hilahiladi.

2 Timoti 2:4

Cunuwatuhuyahi 'eguma tolo'aleha tauna nuwanuwana ma 'ina toloina 'ina nuwatuhumo 'ipaipaihowa, nata geya 'ina 'asa 'ana paihowa weyahidi 'inuwanuwatuhu.

Taito 3:1

Wete 'uhenuwa lagudi ma 'asa 'ana toloinao 'idi loina 'oidiya sitagwaledi, ma sihematamatana, ta paihowa bwebwe'adi sipaihowadi.

Taito 3:14

Ta 'idi bodao mabwaiyadi 'uhe'itadi ma siguibiga, ta sawasawahidi tomiyamwau si'abihetedi, ma sahena simiyamiya daidaita.

Ibeliu 11:5

Inoke wete 'ina hemisega geya 'i'amasa ma hesi wahina mayawasina Yehoba 'i'eweya galewa, weyahina Yehoba 'ihepwaila nugeteya 'abehega “Inokeina tauna weyahina yayaliyaliyaya.”

Ibeliu 13:16

Caigeda pwaoli wete Yehoba nuwanuwana madouna, beno helau tomota weyahidi ma'ida 'atemuyamuya.

Ibeliu 13:21

Ma Yehoba sowasowana ginaula baibaiwadi 'ausaladi 'i'ebwaegomi ma 'oidiyega 'ina nuwatuhu wamuliye moisa, ma 'oinega Yesu Keliso 'ina paihowega Yehoba 'i'abihe bwebwe'anigomi to'aha gide 'ina nuwatuhu, ma weyahimi 'iyaliyaya. Coinega Kelisoina tada hepwatu hatae. Emeni.

2 Pita 1:8

Ceguma ginaulaedi 'oimiya simadomadou moisa, 'ida Bada Yesu Keliso 'ana sanapu 'oina wahewaiwai, ma geya'abwa 'imi paihowa simudamudali.

2 Pita 3:18

Ma hesi 'ida Bada, tauna 'ada To'abihetena Yesu Keliso, 'ana sanapu ma 'ina helau 'oimiya 'imadomadou, ma tauna tahepwatu sauga bewa ta sauga baibaiwana sinaonaoma 'oidiya. Emeni. Taugu Saimoni Pita.

1 Yoni 3:22

ma 'eguma to'aha ta'ahwanoiye 'oina 'i'ebwaegita weyahina tauna 'ina loinao tahematamatanediya, ma 'ida paihowao weyahidi 'iyaliyaya.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

3 Yoni 1:6

Ma tasidaowedi 'eguma sihilama 'ino helau 'oidiya weyahina sihehepwaila tohekalesiyao 'oima. Moisa tuwa, taudi Yehoba 'ina topaihowao, 'oinega 'ilobwaineya 'eguma si'ebe'ebesinegomi nima'abiyadi wete wa'ebwaedi.