Ibeliu 9:12 - Loina Nuahuana

¹² Coinega Yesu Tupwa He'asisi Hedade 'oina 'iluhuwa ma'aigeda, ta bweyaha 'oinega 'ipwaoli, ma bweyahina geya hebai goti bweyahidi bo bulumakau 'i'iudi bweyahidi, ta hesi tauna bweyahina, ta 'oinega 'ada 'abihe'ehau hataya talobeya.

Ibeliu 9:12 ပူးပေါင်းရင်းမြစ်များ

Maki 3:29

ma hesi 'aigeda tuwa geya, beno 'eguma taiya Yaluyaluwa Tabuna 'i'ahwa galagalae, Yehoba nata geya 'inuwanuwasam, ma bewa mumuga galanaina 'oina 'imiya hataya.”

Luke 1:68

“Bada tahepwatuwe tauna meIsileli 'ida Yehoba, weyahina tauna 'itauya pwaima 'oida ma 'abehega 'i'abihetegita ma miyamwau 'oinega 'ilihasigita.

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

Epeso 1:7

Eeta Natuna bweyahinega 'ilihasigita 'ida puiyao 'oidiyega ta Yehoba 'inuwasamudiya, beno tauna 'ina helau madou hedada 'i'ebwaegita. Ta 'ana madou geya 'ana lihemo.

Kolose 1:14

Weyahina tauna 'oina 'etolihasa talobeya, beno 'ida pui 'oidiyega 'ibuyogita.

1 Tesalonaika 1:10

ma Natuna wayamwayamwa ma to tuta 'oina ma galewega 'isuluma, tauna tuwa Yesuina Yehoba 'amasega 'i'abihetoholo hileya ma 'i'abihetegita, ma 'ane sahena 'ebe yatala 'oina talatulatu.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Ibeliu 1:3

Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

Ibeliu 10:19

Ciyagwao Yesu bweyahina 'idau pwaiya weyahida, 'oinega ma'ida 'atepatu taluhu Yehoba 'ina Tupwa He'asisi Hedade 'oina,

Ibeliu 10:4

Weyahina bulumakau ma goti bweyahidi geya sawasawahina ma pui 'ideuli yahuledi.

Ibeliu 13:12

Coinega Yesu wete 'asa 'ana 'ahwa'eda tuluhana muyamuya 'ilobeya, ma 'ane bweyahinega 'i'abihe 'ehaugita.

Ibeliu 5:9

ta 'oinega 'ina mumuga mabwaiyana dumwaluna. Tauda wete 'eguma tahematamatane 'abihetena hataya Yesuina 'oinega taloba,

Ibeliu 7:27

Ta topwaoliyao nugenugetadi sabwelo 'aigeda 'aigeda Yehoba 'oina sipwaopwaoli, taudi 'idi puiyao, ma tomota wete 'idi puiyao weyahidi. Ta hesi Yesu ma'aigedamo wahina 'itagwaleya ta 'ipwaoliyeya Yehoba 'oina weyahida.

Ibeliu 9:13

Ceguma ginaula bi'ibi'ina ta'abitoho ma wahida ta'abihebi'i ma goti bweyahina nuwana bulumakau bweyahina 'oidiyega talosehuligita, nuwana bulumakau mewahinena tagabu ma 'oinega tapwaoli Yehoba 'oina, beno 'ebe 'abihe'ehau wahida weyahina.

Ibeliu 9:14

Ta hesi Keliso bweyahina 'ebe 'abihe'ehau bwebwe'ana hedade, weyahina 'ateda 'i'abihe'ehaudi ma 'oinega paihowa besobeso talogwahatedi, ta Yehobaina mayawasina 'ina paihowao tapaihowadi. Weyahina Yaluyaluwa Tabuna miyamiya hatayana Keliso 'i'abihe waiwaiya, ta tauna ma'ina mumuga mabwaiyana dumwaluna ta geya 'aigeda wete galana 'oina, 'oinega tauna 'ipwaoliyeya Yehoba 'oina, beno 'i'amasa tauda 'ada 'ehau weyahina.

Ibeliu 9:15

Eeta Kelisoina loina hauhauna 'i'eweyama ta 'oinega tanaoma Yehoba ba'idadai tahe'iya'iyagu, weyahina 'eguma 'ihesinuwegita nata yawasida hataya 'igwae hemisaeya 'i'ebwaegita. Weyahina tauda loina nugenugetana taligehiya, 'oinega 'ilobwaineya ma ta'amasa, ta hesi Keliso weyahida 'i'amasa pwaiya sabi 'abihetegita.

Ibeliu 9:19

Weyahina loina mabwaiyadi 'ihepwailediya tomota 'oidiya, ta 'oinega bulumakau 'i'iudi bweyahidi ma goti bweyahidi we'aha ba'idana 'ihebweliyeya, ta 'i'eweya, ta sipi hunuhunuwana belabelalana 'i'eweya, ma 'aiwe sanina hisopa matana 'ibadiyeya, ta bweyaha ma we'aha 'alona 'ihebuteya, ta 'oinega buki ma tomota 'ilosehu sehulidiya,

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.

Ibeliu 9:7

ma hesi Tupwa He'asisi Hedadeina Topwaoli Madounamo 'oina 'iluhu, ma bolime 'aigeda 'oina ma'aigedamo. Ta tutaina 'iluhuluhu bweyaha 'i'ewa ta bweyahina 'ilosehusehule, gide 'ipwaopwaoli Yehoba 'oina 'ina mumuga galadi weyahidi, ta wete tomota mabwaiyadi 'idi puiyao weyahidi.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Heꞌitaꞌita 5:9

Ma wali 'ehauna siwaliyeya sigwae, “Moisa, 'owa sawasawahiu ma buki beno 'u'ewa, ma wete 'ana losipwa sawasawahiu ma 'ulihasi, weyahina silohe'amasigowa ta bweyahiuwega tomota 'uhemaisediya Yehoba weyahina, taudi bodaedi, 'enanaedi, susuwedi ma 'ebeloinaedi mabwaiyadi 'oidiyega.