Ibeliu 9:11 - Loina Nuahuana

¹¹ Weyahina 'iboi 'ina pwaoliyega miya bwebwe'ana hedade 'i'ebwaegita, ta hali Hada He'asisi 'oina 'iluhuwa, ta hadaina madouna ta bwebwe'ana, beno tomota geya si'abi bale'u 'oina.

Ibeliu 9:11 ပူးပေါင်းရင်းမြစ်များ

Madiu 11:3

ma sihesilaleya, sigwae, “Togidega 'owa To'abihetenaina weyahiu 'ayamwayamwa, bo hali loheya 'ayamwayamwa?”

Madiu 2:6

‘Bedeliyema 'alona 'igu boda Isileli 'idi toloina 'abwa 'ilatuma, ma 'i'itayahidi. Bewa weyahina Bedeliyema 'asa wasawasa ma sanina madouna Yudiya 'asainao mabwaiyana 'oidiyega.’”

Maki 14:58

“Yesu 'ina gwae 'aigeda 'ahesagoheya 'igwae, ‘Hada He'asisi bewa tomota si'abiya, 'abwa yaligehi yahule, ma sabwelo 'etoi 'oidiya ya'abihila, ma geya tomota nimadiyega,’”

Yoni 1:14

Ma Gwae huhuna 'iheloheya, ma bewa tuwa mahetedai tamiyamiya. Ma 'ina wasawasa madou hedadena 'i'abi hemaedaneya 'oima ta 'a'iteya, 'oinega 'asanapuya 'abehega tauna tuwa Yehoba natuna moisa, ma wete tauna tohelau moisa, wete mumugana mabwaiyana bwebwe'ana.

Yoni 4:25

Coinega wahineina Yesu 'ihegwaehileya, “Yasanapuya 'abehega 'abwa nata To'abihetenaina 'itauyama, tauna sibwauweya Keliso. Tauna nata 'itauyama 'abwa ginaula mabwaiyana 'oida 'ilihasidi.”

Paihowa 7:48

Ma hesi wanuwatuhu 'abehega Yehoba tauna tomiya tabwana hedada geya'abwa hada tomota nimadiyega si'abi'abi 'oina 'imiyamiya, weyahina palopita 'aigeda Yehoba 'ina gwae mwalo 'ihepwaila pwaiyeya, 'igwae,

2 Kolinita 4:18

Weyahina 'ida 'ebemasi ginaulaedi geya ta'ita'itadi 'oidiya. Moisa, ginauledi ta'ita'itadi sawasawalidi tuwa, ma hesi ginaulaedi geya tada 'itediya taudi ginaula miyamiya hatayadi.

2 Kolinita 5:1

Wahida gide 'ida hada bale'uwa, tasanapuya 'eguma 'ilotaligeha, 'ida hada hauhauna taloba galewa, geya tomota nimadiyega sipaipaihowa, ma hesi miyamiya hatayana Yehoba tauna 'oinega.

Kolose 2:11

Ma wete Keliso 'oinega 'ami 'ila'ilala walobeya, gide 'upwa, geya 'wapimi 'oina, ma hesi bale'u mumugana 'atemiyega 'i'upwa yahuleya.

Ibeliu 10:1

Cabwa 'ebe yaliyaya moisa 'oida 'ilatuma, ma hesi Mosese 'ina loina gide ma'ama'ayaumo tuwa, ta geya 'ebe yaliyaya moisa. Mosese 'ina loinaina 'abehega bolime ma bolime hebai sihunuhunudi ta Yehoba 'oina sipwaoliyedi, ta paihowaedi geya sawasawahina ma 'i'abihe bwebwe'anedi.

Ibeliu 12:27

Bewa gide 'igwae 'esa weyahina ginaula hehemasalahadi 'ida 'abinihuwedi, ma 'oinega ginaulaedi geya sipa'ala sida be'u, ma ginaula pa'alidi sitoholo hataya.

Ibeliu 13:14

Weyahina 'ebwa bale'uwa geya 'aigeda 'ida 'asa miyamiya hatayana, 'oinega 'ilobwainegita ma 'asa miyamiya hatayana tuta 'inaonaoma weyahina ta'ebese.

Ibeliu 2:17

Coinega Yesu 'iheloheya tauda tasinao gide, ta 'ihetopwaoli madouna ma'ina 'atemuyamuya weyahida, ma Yehoba 'ina paihowa 'oina 'ihetapewa, ta 'ipwaoliyeya 'ida mumuga galadi weyahidi ta 'abehega Yehoba 'inuwasamudi.

Ibeliu 3:1

Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

Ibeliu 4:15

Tupwadi topwaoliyao geya sida 'atemuyamuyaegita 'ida we'a weyahidi, ta hesi Yesu 'ida miyamwau 'inuwa sabwalenidiya ta 'i'atemuyemuyegita, weyahina mwalo bale'uwa Tomudulele 'ina 'ebetoho mabwaiyana 'ilobediya gide tauda talobaloba 'esedi, ta Yesu geya 'eta wete 'ina pui.

Ibeliu 7:1

Ma Melikisedekiina meSalema 'idi kini, ta Yehoba Tolohanena moisa 'ina topwaoli. Mwalo hene Melikisedekiina Ebalahamo 'ilobeya, tutaina lo'aleha 'oinega 'ihilama. Ta Ebalahamoina toloinao baibaiwadi ma 'adi bodao 'ipe'udiya, 'oinega Melikisedeki gwae hemisa bwebwe'ana 'i'ebwaeya Ebalahamo 'oina.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

2 Yoni 1:7

Ma to'abowao baibaiwadi sihapwesa pwaiya bale'uwa ma siuhauhala sigwae, “Yesu Keliso geya 'iheloheya.” Ceguma taiya gide 'i'abo 'esa, tauna Keliso 'ana 'aleha.