Ibeliu 8:3 - Loina Nuahuana

³ Bale'u 'ana topwaoliyao mabwaiyadi 'idi paihowa beno 'ehele ma pwaoli si'ebwa'ebwae Yehoba 'oina, 'oinega 'ida topwaoliina hauhaunaina 'ilobwaineya ma tauna wete 'aigeda 'ehele 'i'ebwae Yehoba 'oina.

Ibeliu 8:3 ပူးပေါင်းရင်းမြစ်များ

Yoni 6:51

Weyahina taugu yawasimi 'ana 'e'ahai galewega yasuluma, ma taiyawedi 'omi 'eguma 'e'ahainaina 'oiguwega wa'ai, nata yawasimi miyamiya hatayana waloba. Ce'ahainaina beno taugu hesiyogu ya'ebwaegomi ma wa'ai, weyahina wahigu yatagwaleya mebale'u mabwaiyami yawasimi weyahina.”

Loma 4:25

Tauda tuwa 'ida pui weyahina Yesu 'i'amasa, ma Yehoba 'i'abihetoholo hileya, ta beno 'oinega 'ideuligita ma 'i'ahwa dumwaluwegita.

Loma 5:6

Weyahina Keliso 'ina tuta 'ilobeya ma 'i'amasa, ma tauda 'abwaulena tawe'awe'a dadana, ee 'oinega Kelisoina 'i'amasa 'ida pui weyahidi.

Loma 5:8

Ma Yehoba 'ina helau 'ihe'itegita tutaina tauda togala, beno Keliso 'i'amasa weyahida,

Galetiya 2:20

Moisa, Keliso mahetegu si'abihe kelose pwaimaiya, 'oinega 'ama'amasigu, ma geya taugu yawasiguwega ma hesi Keliso yawasina 'oiguwa 'imiyamiya. Beno tuwa yamiyamiya, yawasiguina lamuna beno 'igu hemisa Yehoba Natuna 'oina. Weyahina Yesuina 'ina helauwega tauna 'itagwaleya ta weyahigu 'i'amasa.

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Ibeliu 2:17

Coinega Yesu 'iheloheya tauda tasinao gide, ta 'ihetopwaoli madouna ma'ina 'atemuyamuya weyahida, ma Yehoba 'ina paihowa 'oina 'ihetapewa, ta 'ipwaoliyeya 'ida mumuga galadi weyahidi ta 'abehega Yehoba 'inuwasamudi.

Ibeliu 3:1

Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

Ibeliu 5:1

Topwaoliyao madoudi Yehoba 'ihesinuwediya ta 'ilagudiya, ma tauna matana sipwaopwaoli tomota 'idi mumuga galadi weyahidi.

Ibeliu 7:27

Ta topwaoliyao nugenugetadi sabwelo 'aigeda 'aigeda Yehoba 'oina sipwaopwaoli, taudi 'idi puiyao, ma tomota wete 'idi puiyao weyahidi. Ta hesi Yesu ma'aigedamo wahina 'itagwaleya ta 'ipwaoliyeya Yehoba 'oina weyahida.

Ibeliu 8:4

Ma tauna 'eguma bale'uwa 'imiyamiya geya'abwa 'ihehetopwaoli weyahina topwaoli baibaiwadi simiyamiya, ta tuta mabwaiyana sipwaopwaoli, gide Mosese 'ina loina 'igwae 'esa ta 'abehega 'ehele si'ebwae Yehoba 'oina.

Ibeliu 9:14

Ta hesi Keliso bweyahina 'ebe 'abihe'ehau bwebwe'ana hedade, weyahina 'ateda 'i'abihe'ehaudi ma 'oinega paihowa besobeso talogwahatedi, ta Yehobaina mayawasina 'ina paihowao tapaihowadi. Weyahina Yaluyaluwa Tabuna miyamiya hatayana Keliso 'i'abihe waiwaiya, ta tauna ma'ina mumuga mabwaiyana dumwaluna ta geya 'aigeda wete galana 'oina, 'oinega tauna 'ipwaoliyeya Yehoba 'oina, beno 'i'amasa tauda 'ada 'ehau weyahina.