Ibeliu 7:26 - Loina Nuahuana

²⁶ Moisa, Yesuina sawasawahina ma 'ihetopwaoli weyahida, weyahina tauna mumugana mabwaiyana 'ausalana tuwa, ta geya gide togala tauda, 'oinega Yehoba Yesuina 'i'abilagasiya ta galewa 'ana tomiyao 'ilohane sinediya.

Ibeliu 7:26 ပူးပေါင်းရင်းမြစ်များ

Madiu 27:18

Weyahina Pailato 'isanapuya 'abehega he'ipi'ipiyega Yesu sitebaeya sabi lohe'amasina.

Maki 16:19

Cida Bada Yesu 'ina hemataluwa 'ana tomuliyao 'oidiya 'ilosaloha pwaiya ma 'ihaneya galewa, ma Yehoba 'ina 'ebeulega 'imiyatoiya.

Luke 1:35

Ta anelose 'igwaeya, “Yaluyaluwa Tabuna nata 'isuluma 'oiuwa, ma Yehoba 'i'abi hewaiwaiyego, ma natuu bwebwe'ana hedadena ma he'asisina 'uhenatune. Tauna nata sibwauwe Yehoba Natuna.

Luke 23:22

Pailato 'ina gwae hetoina 'oina 'ihegwaediya, 'igwaeya, “To'aha hede 'ina pui ta 'oinega 'abehega 'amasa 'iloba? Weyahina geya 'eta wete galana 'oina yalobaloba. Ma hesi sapimo 'ilobwaineya ma muliyetega yalihasi.”

Luke 23:41

ma loinaina 'owa ma taugu 'ilobwainegita, weyahina tauda togala, ma loheya bewa geya 'eta 'ina puimo.”

Luke 23:47

Nage 'oina tolo'alehao 'adi tohanugeta 'i'iteya Yesu yawasina 'igumwala, 'oinega Yehoba 'ihepwatuweya 'igwaeya, “Moisa, loheya bewa loheya bwebwe'ana.”

Luke 24:26

To'abihetenaina 'ilobwaine bwaibwainiya ma muyamuyaedi 'ida lobadi ma 'oinega muliyetega sanina 'ihemadou.”

Luke 24:46

Ma 'oidiya 'igwaeya, “Bewa gide silele 'esediya 'igwae, ‘To'abihetenaina muyamuya ta 'amasa 'ida loba, ma sabwelo hetoina 'oina 'amasega 'ida toholo hila,

Yoni 14:30

Nata geya'abwa wete sauga saliyana 'oimiya yahehegwaegwae, weyahina bewa tuwa mebale'u 'idi toloina galana 'itautauyama. Tauna geya sawasawahina ma 'ihewaiwai sinegau.

Yoni 8:29

Tauna 'ihesumanegauma geya 'i'ebesinegau, deiguwa 'imiyamiya. Weyahina tuta mabwaiyana 'oidiya 'igu paihowa 'oidiyega ya'abi'abi heyaliyaya.”

Paihowa 3:14

“Moisa tuwa, Yesu tauna loheya dumwaluna ma bwebwe'ana, ma hesi walogwahateya, ta tomota 'adi tolohe'amasa 'aigeda nuwanuwami, ta weyahina Pailato 'oina wa'ahwanoiyeya.

Paihowa 4:27

“Moisa gogo bewa 'alona si'eto'autama ma Yesu si'aleha, tauna 'ino hewali dumwaluna ma hesihesinuwaina, taudi to'alehaowedi beno Helodi, ma Ponitio Pailato, ma meYudiya ma wete taudi geya meYudiya,

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Ibeliu 1:3

Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

Ibeliu 12:2

Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.

Ibeliu 2:10

Yehoba ginaula mabwaiyadi 'ihemasalehediya tauna 'iboi weyahina, eeta nuwanuwana natunao baibaiwadi 'itoedima tauna 'ina tupwa wasawasa 'oina. Cilobwaineya ma Yehobaina 'ada To'abihetenaina 'i'abihe 'asilale. Bewa lamuna muya madouna 'ilotohoya, ma hesi tuwa 'i'alama'i'ita, ta 'oinega mumugana mabwaiyana dumwadumwaluna.

Ibeliu 2:17

Coinega Yesu 'iheloheya tauda tasinao gide, ta 'ihetopwaoli madouna ma'ina 'atemuyamuya weyahida, ma Yehoba 'ina paihowa 'oina 'ihetapewa, ta 'ipwaoliyeya 'ida mumuga galadi weyahidi ta 'abehega Yehoba 'inuwasamudi.

Ibeliu 3:1

Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

Ibeliu 7:11

Libai tubunao taudi 'idi paihowa beno Yehoba 'ina loinao meIsileli tauda sihe'itegita, ta loinaina geya sawasawahina 'i'abihedumwalu bwaibwainigita, 'oinega nuwanuwada 'aigeda topwaoli hauhauna ma 'i'abihe dumwalugita, topwaoliina gide Melikisedeki, ma geya Eloni matubunao gide.

Ibeliu 8:1

Cigu gwae mabwaiyana huhuna bewa 'abehega 'ida Topwaoli Madouna, bewa tuwa 'imiyamiya galewa Tolohaneina 'ina wagahata wasawasa 'ebeulanega.

Ibeliu 9:14

Ta hesi Keliso bweyahina 'ebe 'abihe'ehau bwebwe'ana hedade, weyahina 'ateda 'i'abihe'ehaudi ma 'oinega paihowa besobeso talogwahatedi, ta Yehobaina mayawasina 'ina paihowao tapaihowadi. Weyahina Yaluyaluwa Tabuna miyamiya hatayana Keliso 'i'abihe waiwaiya, ta tauna ma'ina mumuga mabwaiyana dumwaluna ta geya 'aigeda wete galana 'oina, 'oinega tauna 'ipwaoliyeya Yehoba 'oina, beno 'i'amasa tauda 'ada 'ehau weyahina.

1 Pita 1:19

ma hesi he'isaina Yehoba 'ina lami bweyahina bwebwe'ana hedada 'oinega 'i'abihetegomiya, tauna Kelisoina bwebwe'ana hedada, geya 'eta to'aha galana 'oina.

1 Pita 2:22

Weyahina tauna geya 'ina galamo ma wete geya 'eta 'abo 'ahwanega 'ida latuwa.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.

1 Yoni 2:2

ma 'ida puiyao 'inuwasamudi, weyahina Yesu tauna wahina 'ipwaoliyeya 'ida puiyao weyahidi, ma wete mebale'u mabwaiyadi weyahidi.

1 Yoni 3:5

Ma wete tasanapuya, 'abehega Kelisoina 'itauyama 'ida mumuga galaedi sabi 'ewayahuledi, ma tauna geya 'eta wete 'ina puimo.

Heꞌitaꞌita 3:7

Aneloseina totapwalolowedi Piladelipiya 'oina 'i'ita'itayahidi 'ina leta 'ulele mePiladelipiya weyahidi ma 'ugwae: Tetela bewa 'itauyama tauna bwebwe'ana ma dumwaluna 'oinega, ma wete tauna nimana kihiina mwalo Debida 'ina 'ebeso'eina 'i'abi'abiyahi, ma 'eguma 'ahwa'eda 'iso'e, geya 'eta taiya sawasawahina ma 'igudu, ma wete 'eguma 'igudu, geya 'eta taiya sawasawahina ma 'iso'e.