Ibeliu 4:12 - Loina Nuahuana

¹² Moisa, Yehoba 'ina gwae mayawasina ta waiwaina gide 'elepa 'aleha 'ina matamatagi matupwa luwaluwana, ta sawasawahina 'ibadigita 'aloda moisa, beno nuwatuhu ta mumuga dahwanedi simiyamiya.

Ibeliu 4:12 ပူးပေါင်းရင်းမြစ်များ

Luke 8:11

Ma gwae hegehegedi 'ana lihasa bewa gide: Patuina beno Yehoba 'ina gwae.

Yoni 12:48

Weyahina taiyawedi 'omi 'eguma walogwahategau ma 'igu gwae wete walogwahatediya, nata tuta 'ana 'ebe losaloha 'oina loina waloba. Loinaina beno 'igu gwaeyedi 'oidiyega nata waloba.

Yoni 6:51

Weyahina taugu yawasimi 'ana 'e'ahai galewega yasuluma, ma taiyawedi 'omi 'eguma 'e'ahainaina 'oiguwega wa'ai, nata yawasimi miyamiya hatayana waloba. Ce'ahainaina beno taugu hesiyogu ya'ebwaegomi ma wa'ai, weyahina wahigu yatagwaleya mebale'u mabwaiyami yawasimi weyahina.”

Paihowa 2:37

Loheloheyaedi Pita 'ina gwae bewa sihesagoheya ta weyahina sinuwagala moisa, ma Pita ma'iyanao 'oidiya sihesilala, sigwae, “Tasimao 'alopuiya. Togidega nata 'apaihowa 'esa?”

Paihowa 4:31

Cidi 'ahwanoi bewa silosalohiya, ma hadaina 'oina simiyamiya 'ilonihuwa, ma mabwaiyadi Yaluyaluwa Tabuna 'ina waiwai 'oinega si'atepatu, ma Yehoba 'ina gwae sigwae latuheya.

Paihowa 5:33

Ta toloinao Yesu 'ana tohepwailao 'idi gwae bewa gidemusa sihesagoheya, ma sigamwasowala moisa, ma nuwanuwadi ma silohe'amasidi.

Paihowa 7:38

“Ma wete Moseseina yoho 'awawa tubudao mabwaiyadi ba'idanao 'oya Sainai 'oina simiyamiya, ma anelose Mosese loina bwebwe'ana yawasida weyahina 'i'ebwaeya.

Loma 1:16

Tetelaina 'ana loguguya weyahina geya yada debamwadina, weyahina Yehoba 'ina waiwai 'oina 'imiyamiya, eeta 'eguma taiyawedi sihemisa 'i'abihetedi, beno tauma meYudiya 'oima ma muliyetega 'omi tomiya ganamuli 'oimiya.

1 Kolinita 1:24

Ma hesi tauda Yehoba 'ana tohemisao 'ihesinuwanegita boda Yudiya ma hali bodao 'oidiyega, ma Keliso 'oinega Yehoba 'ina waiwai ta 'ina sanapu 'i'ebwaegita.

2 Kolinita 2:17

Ma tauma geya gide tolohatoto 'abo'abowao, taudi 'idi wasawasa tuwa weyahina silolohatoto, ma hesi tauma ma'ama hemisa, gide Yehoba 'iloinemaiya, 'oinega tauna matana Keliso tetelina 'agwaegwaene moisa.

2 Kolinita 4:2

Mumuga galadi ta 'abo'abowedi 'alogwahata pwaidiya, ma wete sahena Yehoba 'ina gwae 'abuibui 'abehega he'ita 'abo'abo 'oinega 'ahehe'ita, ma hesi he'ita moisa 'agwaegwae latuwe, ma 'omi mabwaiyami tauma 'ima mumuga 'ausalana Yehoba matana wa'ita.

Epeso 5:13

ma 'eguma 'aigeda paihowa galana 'ilohapwese 'asilala solana, sawasawahina ma ta'ita,

Epeso 5:26

'ada gihe'ehau weyahina, beno 'ida pui 'ana 'ebe deula we'ahaina 'ina gwae 'oinega,

Epeso 6:17

Wete 'ami 'abihetena wa'ewa 'abehega debami 'adi 'ahubodaboda, ma Yaluyaluwa Tabuna 'ina 'elepa 'aleha wa'ewa, beno Yehoba 'ina gwae.

1 Tesalonaika 2:13

Ciyamayao tuta mabwaiyana 'aloloyauwedo Yehoba 'oina, weyahina Yehoba 'ina gwae bo'i 'a'ebwaegomiya ta 'oina watagwalegomi, geya 'abehega tomota 'idi gwae, ma hesi Yehoba 'oinega. Moisa, gwaeina Yehoba 'oinega, ma wahemiseya, ma 'ana waiwai walotoho pwaiya.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

Ibeliu 13:7

Cami tohanugetao wanuwatuhu yahidi, weyahina mwalo Yehoba 'ina gwae si'ebwaegomiya, ta wete wanuwatuhuyahi 'idi hemisa huwaina 'abehega bwebwe'ana silobeya, eeta wahe'au'aunawedi.

Ibeliu 6:5

ta wete Yehoba 'ina gwae silotohoya 'abehega 'ausalana, ta 'ina waiwai tuta 'inaonaoma weyahina wete silotohoya,

Yemesa 1:18

Hesi tauna 'ina nuwatuhuwega, ta wete 'ina gwae moisa 'oinega 'ipaihowa nugetegita ma 'abehega tauda 'ana paipaihowao 'oidiyega tahemadou sinediya.

1 Pita 1:23

Comi bo'i wali'u hila pwaiya, geya tamamiyao 'ama'amasidi 'oidiyega, ma hesi Tamamiu mayawasina ma miyamiya hatayana 'ina gwae 'oinega.

Heꞌitaꞌita 1:16

ma wete 'ipwala sebeni 'ina 'ebeulega 'i'abi hanehediya, ma wete 'ahwanega 'elepa 'aleha mamata tupwa luwaluwaina 'ilatulatu, ma manina gide tuwa sinala 'ina ganinisa 'asudiladila.

Heꞌitaꞌita 19:15

Ta 'idi tohanugetaina 'ahwanega 'elepa 'aleha mamatana 'ilatulatu, tauna 'abwa 'elepaina 'oinega tupwa baibaiwadi 'ihewaiwai sinedi ma 'oidiya 'iloina pa'ala, ma wete waini 'ebe hida 'oina 'ihidadi, beno Yehoba Tohewaiwai hedade 'ina gamwasowala madouna.

Heꞌitaꞌita 19:21

Ma 'elepaina hosiina 'ana togelu 'ahwanega 'ilatulatuma, 'oinega hebaiina ma'ina palopita 'abo'abo 'idi tolo'alehao 'ilohe'amasidiya. Eeta bwasumo baibaiwadi sinaoma ta to'amasaedi wahidi si'aidiya, ta gamwadi 'i'otuwa.

Heꞌitaꞌita 2:16

Coinega tuta bewa mumuga galadiyedi 'oidiyega wanuwabui. Ma 'eguma geya, tuta 'i'iuna 'oina ma yatauyawa, yalo'alehegomi 'elepa 'alehaina 'ahwaguwega 'ilatulatu 'oinega.

Heꞌitaꞌita 2:23

Ma wete natunao yalohe'amasidi, ma 'oinega boda hekalesiyao mabwaiyadi sisanapu 'abehega taugu tomota mabwaiyadi 'idi nuwatuhu 'atediya mabwaiyana 'ana tosanapu, ma wete mabwaiyami 'oimiya yahemaisa to'aha gide 'imi paihowao, nuwana bwebwe'adi, bo galadi.

Heꞌitaꞌita 20:4

Ma wete tupwana wagahata wasawasa ya'itediya, ma 'oidiya taudi Yehoba loina 'i'ebwaediya simiyatoiya. Ta wete tomotaedi tani'odi si'upwediya, weyahina taudi Yesu 'ana tohepwailao ma Yehoba 'ina gwae 'ana tohepwailao, yaluyaluwadi ya'itediya, taudi geya hebaiina ma'ina dimwa tagitagina 'oidiya sida 'etuluha, ta geya 'ana 'ila'ilala manidiya ma nimadiya silagudi. Taudi bewa 'amasega sitoholo pwaiya, ta Keliso ba'idadiu siloiloina bolime tausani 'oidiya.