Ibeliu 3:6 - Loina Nuahuana

⁶ Ma 'iyamo Keliso Yehoba 'ina hada 'ihetapewa, geya topaihowa gide, ta hesi tauna natuna moisa. Tauda taboi Yehoba 'ina hadaina tuwa, 'eguma tahemisa hataya ma'ida 'atepatu ta ma'ida yaliyaya.

Ibeliu 3:6 ပူးပေါင်းရင်းမြစ်များ

Madiu 10:22

Ma tomota mabwaiyadi silo'alehegomi weyahina 'omi 'abehega 'agu tohemisao. Ma 'eguma taiyawedi si'alama'i'ita ma sitoholo pa'ala ma 'ana siga tuta 'ana 'ebelosaloha 'oina, 'abwa yaliyaya hataya siloba.

Madiu 16:18

Ma wete yahegwaego 'abehega saniu Pita, ta 'owa dimwa, ma 'oiuwa 'igu hekalesiya ya'abi, ma 'oinega sahena 'amasa bo nuwana mumuga galana sihewaiwai sine.

Madiu 24:13

Ma 'eguma taiya 'ihe'alama'i'ita ma 'itoholo pa'ala ma 'ana siga tuta 'ana 'ebelosaloha 'oina, yaliyaya hataya 'iloba.

Loma 11:22

He'ita bewama ta'iteya Yehoba 'ina helau ta 'ina loina pa'ala, weyahina tobe'u 'oidiya 'ina loina pa'alina 'ilagulagu, ma hesi 'omi 'ihelauwegomiya, ma 'eguma 'ina helauina walogwahate, 'omi wete 'ilasa yahulegomi.

Loma 12:12

Ma wanuwatuhuyahi 'abehega tuta 'inaonaoma Yehoba 'ina 'abihetena 'ilatuma, ma weyahina wayaliyaya, 'oinega 'imi miyamwau 'oidiyega wa'ahwa'ahwanoi Yehoba 'oina, ma'imi 'alama'i'ita.

Loma 15:13

Ta Yehoba 'iboinamo ma'ana hemisa, weyahina 'iboi tuwa 'oinega lema bwebwe'adi talobaloba, 'oinega nuwanuwagu ma ma'imi yaliyaya wahemisa eema 'ane 'imi miyamiya sibwebwe'ana, ma wete Yehoba Yaluyaluwanega 'i'abihe waiwaiyegomi, ma 'imi hemisaina 'ihemadou bwaibwaina.

Loma 5:2

Weyahina Yesu 'i'abihetegita ta Yehoba 'ina helau 'ilatuwa 'oida, ma 'oina tamiya bwebwe'ana. Coinega tanuwatuhuyahi ma'ida yaliyaya Yehoba 'ina wasawasa weyahina, tuta 'inaonaoma 'i'ebwaegita.

1 Kolinita 3:16

Eema wanuwatuhuyahi 'abehega tauda Yehoba 'ina Hada He'asisi, weyahina Yehoba Yaluyaluwana 'oida 'imiyamiya.

1 Kolinita 6:19

Coinega wanuwatuhuyahi 'abehega wahida Yaluyaluwa Tabuna 'ina hada, weyahina Yaluyaluwa Tabuina Yehoba 'oinega 'itauyama ma 'aloda 'imiyamiya, ma geya'abwa taudamo taloiloinegita, ma hesi Yehoba 'ida loinegita.

2 Kolinita 6:16

Wete geya sowasowahina hali 'ebe hemisao talagu luhuwedi Yehoba 'ina hada 'alona. Yehoba tauna mayawasina ta 'ina hada tauda, ma 'igwaeya, “‘Taugu taudi 'oidiya yalo'asa ma 'alodiya yayawala dadana ma taugu 'idi Yehoba ma taudi 'igu tomotao!’

Galetiya 6:10

Coinega 'ilobwainegita ma tuta mabwaiyana 'oidiya tomota baibaiwadi talemedi, ma hesi Yehoba 'ana tohemisao talemedi madouna.

Galetiya 6:9

Geya'abwa 'ida paihowa bwebwe'adi 'oidiyega ta'ala'ala 'i'iwasa, weyahina 'eguma geya'abwa tawe'a, 'abwa 'eli'eli bwebwe'ana taloba.

Epeso 3:12

ma 'eguma Kelisoina tahemisae ta'atepatu, 'ane sawasawahina taluhu Yehoba tauna matana, ma ta'ahwanoi 'oina.

Kolose 1:23

Beno 'eguma 'imi hemisa sahena 'iwe'awe'a, ma 'eguma watoholo pa'ala wasaina bwebwe'anaina wahesagoheya 'ana hemisa 'oina, ma sahena wa'ebe'ebesine. Wasaina 'ana lohatoto tomota mabwaiyadi bale'uwa sihesagoha pwaiya, ma taugu Paulo 'ana tohepwaila 'aigeda.

1 Tesalonaika 5:16

Wayaliyaya tuta mabwaiyana.

2 Tesalonaika 2:16

Yehoba Tamada 'ihelau moisa 'oida, 'oinega tuta mabwaiyana 'i'abihe yaliyayegita, weyahina tanuwatuhuya ginaulaedi 'abwa tauda weyahida 'ipaihowadi.

1 Timoti 3:15

ma 'eguma yaheheboi, leta bewa 'oinega 'usanapu to mumuga tauda totapwalolo 'ilobwainegita, beno tauda 'ida Yehoba mayawasina 'ina boda 'alona, weyahina tauda tohekalesiyao 'ina he'ita moisa 'ana to'ita'ita yahinao.

Ibeliu 1:2

Ma 'ebelosaloha tauda 'ida tuta 'ina gwaeyao 'ihepwailediya 'oida natuna 'oinega. Yehoba natunaina 'ihesinuweya, ma 'abehega ginaula mabwaiyadi 'oidiya 'ihetoloina, ta mwalohene natunaina ba'idana ginaula mabwaiyana sihemasalehediya.

Ibeliu 10:19

Ciyagwao Yesu bweyahina 'idau pwaiya weyahida, 'oinega ma'ida 'atepatu taluhu Yehoba 'ina Tupwa He'asisi Hedade 'oina,

Ibeliu 10:21

Ma wete 'ida topwaoliina lohane hedade, ta Yehoba 'ina hada weyahina 'ipaipaihowa.

Ibeliu 10:23

Coinega tatoholo pa'ala ma 'ida hemisa Yesu 'oina ta'abi'abiyahi, ma tahepwaila latuwe tomota 'oidiya, weyahina Togwae hemisaina geya 'i'abo, ta hesi 'ina gwaeyedi gide 'ipaipaihowa 'esedi.

Ibeliu 10:35

Coinega 'imi hemisaina wa'abiyahi momosi ma sahena walologwahate, weyahina 'abwa 'imi hemisaina 'ana maisa 'ausala hedade waloba.

Ibeliu 11:1

Ceguma to'aha tanuwatuhuyahi 'abehega 'abwa taloba, ma hesi bewa tuwa geya'abwa ta'ita'ita, beno hemisa moisa.

Ibeliu 3:14

Tauda mwalo 'ida hemisa Keliso 'oina talaguya, ma 'eguma 'ida hemisaina ta'abiyahi bwaibwaini ma 'ana siga tuta 'ana 'ebelosaloha 'oina, Keliso ba'idadai tayaliyaya mahemahetena.

Ibeliu 4:11

Ma 'ilobwainegita ma tatoho waiwai 'abehega 'ebe 'aiyawasiina taloba, ma sahena 'aigeda taiya 'ilologwahata, 'amuge ta 'ibe'u, taudi gide mwalo sibe'u 'esa.

Ibeliu 4:14

Cida Topwaoli Madouna ma 'ausalana 'imiyamiya, tauna Yesu, Yehoba Natuna, weyahida 'ihane pwaiya galewa, 'oinega 'ida hemisa 'oina ta'abiyahi momosi.

Ibeliu 4:16

Coinega ma'ida 'atepatu tanao ma ta'ahwanoi 'ada toloinaina 'oina, ta 'oinega 'ida miyamwau 'oidiya 'i'atemuyemuyegita, ta wete 'i'abihetegita.

Ibeliu 6:11

Coinega nuwanuwagu ma 'omi 'aigeda 'aigeda wahetapewa ta 'abehega 'abwa muliyetega 'imi hemisa huwaina mabwaiyana waloba.

Ibeliu 6:18

Ginaula waiwaidi 'eluwaedi miyamiya hatayadi, beno Yehoba 'ina gwae hemisa ma 'ina 'eta'wata'walulu. Coinega tasanapuya 'abehega Yehoba geya 'eta tuta 'i'abo. Weyahina tauda bo'i Yehoba 'oina tadena ta 'i'abihetegita, 'oinega ta'atepatu ma tanuwatuhuyahi 'abehega 'ina gwae hemisa 'oida geya'abwa 'i'ebe'ebesinegita.

1 Pita 1:8

Kelisoina tauna geya wa'ita ma tuwa wahelauweya, ma bewa tuwa wete geya wada 'iteya, ma tuwa 'oina wahemisa ma'imi yaliyaya 'oina geya'abwa tagwaegwae.

1 Pita 2:5

Coinega 'omi wete gide yowayowana mayawasina, yaluyaluwami watagwaledi, ma 'oimiyega Yehoba 'ina Hada 'ida 'abi, ma nage 'oina wahetopwaoli 'ehaumi, ma Yesu Keliso 'ilemegomi ma yaluyaluwamiyega wahetopwaoli bwebwe'ana Yehoba 'oina.

1 Pita 4:17

Ma tuta 'ilatu pwaima ma 'ane bwa'omatana 'ihegaina, ma 'oinega Yehoba 'ina tomotaiyao 'ida bwa'omatana nugetedi, eema muliyetega taudi wasana bwebwe'ana geya sihemihemise, 'idi galao 'ana maisa mwau hedada siloba.

Heꞌitaꞌita 2:18

Aneloseina totapwalolowedi Tayataila 'oina 'i'ita'itayahidi 'ina leta 'ulele meTayataila weyahidi, ma 'ugwae: Tetela bewa 'itauyama Yehoba Natuna 'oinega, tauna matana 'adi 'ita gide tuwa 'aiwe 'ininininima, ma wete 'ahena namanamalidi gide pwawati hauhauna sigabuya.

Heꞌitaꞌita 2:25

Tuwa ma'imi hemisa watoholopa'ala 'ana siga yahilama.

Heꞌitaꞌita 2:26

“Ma wete 'eguma taiyewedi 'omi Seitani wahewaiwai sineya, ta 'igu paihowaina tuwa wapaipaihowa ta 'ana siga 'ebelosaloha 'oina, loina ya'ebwaegomi ma tupwa mabwaiyadi waloinaedi, gidemusa Tamagu loina 'i'ebwaegauwa. Ma 'imi loinaina waiwaina 'oinega 'abwa waloina tomota 'oidiya, tuwa gide pwawatiyega walata ta'ahu'ahu pisalidi.

Heꞌitaꞌita 3:11

“Cabwa yatauyawa, ma to'aha gide 'oimiya 'imiyamiya, wa'abiyahi momosidi ma geya'abwa taiya maisaina 'oimiyega 'i'ewa'ewa yahule.