Ibeliu 2:3 - Loina Nuahuana

³ Tauda wete 'eguma 'abihetenaina madounaina talogwahate, bwa'omatana taloba, ta geya sawasawahina tadenasine. Gwaeina 'abihetenaina weyahina 'ida Bada Yesu 'ihepwaila nugeteya, eeta 'ina gwaeyao 'ana tohesagoha nugetao si'ebwaegita tauda.

Ibeliu 2:3 ပူးပေါင်းရင်းမြစ်များ

Madiu 23:33

“Comi mwata natunao, ta geya sawasawahina ma 'asa 'ala'alatana* 'oinega wadena.

Madiu 4:17

Tuta nage 'oina Yesu 'ina lohatoto 'ihegaina ta 'igwae, “Cimi paihowa galadi 'oidiyega wanuwabui, weyahina nata ma Yehoba 'ihetoloina 'oida.”

Maki 1:14

Muliyetega Helodi ma'ina topaihowao Yoni deliya silaguluguheya. Yoni 'abwa deliya 'imiyamiya, ma Yesu 'ilatuwa Galili, ma wasa bwebwe'ana Yehoba 'oinega 'iguguyaeya, 'igwae, “Sauga 'ilatu pwaima Yehoba 'ihetoloina 'oida. Coinega 'imi puiyao 'oidiyega wanuwabui ma wasana bwebwe'ana wahemisae.”

Luke 1:2

He'ote'otetelaedi silelediya to'aha gide taudi matadiyega si'ita nugeteya, 'oinega gwaeina siloguguya ma sihe'ote'otetela 'oima,

Luke 1:69

Coinega 'ina hewali Debida 'ina susuwega 'ada To'abihetenaina 'i'abi latuheya 'oida.

Luke 24:19

Coinega Yesu 'igwaeya, “To'aha?” Ma taudi sigwaeya, “Nuwatuhuwedi Yesu gwama Nasaleta 'oina silatuwa. Loheyaina tauna palopita, ma wete Yehoba ma tomota matadiya 'ina gwaeyao ta 'ina paihowao waiwaidi.

Yoni 15:27

Ma wete 'omi weyahigu wahetohepwaila. Weyahina 'omi 'igu paihowa hauhau 'ebe hegaina eema 'ana siga bewa, 'omi mahetegwao.”

Paihowa 1:22

Yesu 'ina babitaiso Yoni 'oinega 'ana siga 'ina hane galewa, 'ina sakowasi mabwaiyana 'oidiya, ma 'ane loheyaina mahetedai tahehepwaila Yesu 'ina toholohila weyahina.”

Paihowa 2:22

Pita wete 'ihegwaediya, 'igwae, “MeIsileli 'omi gwae bewa wahesagohe, Yesu tauna gwama Nasaleta matamiya Yehoba 'ihe'itaeya 'abehega tauna 'ina topaihowaina, weyahina Yesu 'ina paihowa waiwaidi ma 'ebe henainaida Yehoba 'ina waiwaiyega 'ipaihowediya, ma wasanasanapudi weyahina gamwagamwanimiya 'ipaihowediya.

Paihowa 4:12

Ta geya 'eta taiya wete sowasowahina ma 'ilemegita. Beno tuwa Yesu. Ma geya 'aigeda wete sani bale'uwa 'imiyamiya ma 'oinega lemaina taloba.”

Loma 11:14

ma 'omi tomiya ganamuli nata taudi meYudiya sihe'ipi'ipiyegomi, ma 'ane 'idi he'ipi'ipiina weyahina nuwadi sibuidi ma 'etolema siloba Yehoba 'oinega.

Loma 2:3

Ma 'iyagwao, 'omi hali tomota wahehetala piliyedi, 'imi nuwatuhu 'abehega nata geya Yehoba 'ina bwa'omatana walobaloba, ma hesiyage nata wete 'iloinaegomi, weyahina mumugaedi 'omi gide wete wapaipaihowadi.

1 Kolinita 1:21

Weyahina sanapu bale'uwa gesowana 'oinega Yehoba tasanapu, ma hesi Yehoba 'ina nuwatuhu ta 'ina tetela 'ana lohatotomo 'oinega 'ana tohemisao tauda 'ilemegita. Tetelinaina mebale'u siheginaula bwagabwagaeya.

1 Tesalonaika 5:3

ma 'eguma tomota sigwae, “Cida miya mabwaiyana bwebwe'ana tuwa,” ma muliyetega hesilae taudi 'ilohesalutuidi, gide wahine 'ina 'abihelolo 'ina henatuna 'oina. Coinega nage gide hesilaeina, ma geya sowasowahina sidenasine.

1 Timoti 1:15

Gwae bewa gwae moisa, ma 'ilobwaineya ma tahemisae, weyahina Yesu Keliso bo'i bale'uwa 'itauyama togalaedi sabi 'abihetedi, ma hesi togalaedi mabwaiyadi 'oidiyega taugu tuwa gala hedada.

Taito 2:11

Yehoba 'ina helauina 'ilatu pwaima tomota 'ada 'abihetena weyahina,

Ibeliu 1:1

Mwalohene hali tuta ma hali tuta 'oidiya, ta nuwatuhu baibaiwana 'oidiyega Yehoba 'ina gwae palopitao 'i'ebwaediya, ta taudi sihepwaileya tubudao 'oidiya.

Ibeliu 1:14

Ta anelose taudi yaluyaluwa tuwa ma tohalewasa, taudi Yehoba 'ilagudiya ta 'abehega si'abihetegita tauda taiyawedi 'eguma 'abihetena weyahina 'ihesinuwanegita.

Ibeliu 1:2

Ma 'ebelosaloha tauda 'ida tuta 'ina gwaeyao 'ihepwailediya 'oida natuna 'oinega. Yehoba natunaina 'ihesinuweya, ma 'abehega ginaula mabwaiyadi 'oidiya 'ihetoloina, ta mwalohene natunaina ba'idana ginaula mabwaiyana sihemasalehediya.

Ibeliu 12:25

Coinega wa'ita yahigomi ma tauna galewega 'igwaegwae 'oida sahena 'enana walologwahate. Weyahina mwalo tomota tupwadi bale'uwa Mosese 'ina lohatoto 'oidiya silogwahateya, ta mwau silobeya. Ma bewa sauga Yehoba galewega 'ilologuguya 'oida, ta 'eguma 'enana talogwahate mwau madou hedade taloba.

Ibeliu 4:1

Cina gwae hemisaina 'abwa 'imiyamiya 'abehega 'ina 'ebe 'aiyawasi tauna 'oinega taloba, eeta 'ilobwainegita ma tamatauta 'amuge ta tupwami wabe'u ma sahena walobaloba.

Ibeliu 4:11

Ma 'ilobwainegita ma tatoho waiwai 'abehega 'ebe 'aiyawasiina taloba, ma sahena 'aigeda taiya 'ilologwahata, 'amuge ta 'ibe'u, taudi gide mwalo sibe'u 'esa.

Ibeliu 5:9

ta 'oinega 'ina mumuga mabwaiyana dumwaluna. Tauda wete 'eguma tahematamatane 'abihetena hataya Yesuina 'oinega taloba,

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.

1 Yoni 1:1

Mwalo gwaeina yawasida weyahina Tamana ba'idana simiyamiya, 'oinega tauma wete tenamega 'ahesagoheya, ma wete nimamega loheyaina 'a'abitohoya, weyahina 'ihapwesa pwaima ta matamega 'a'iteya, ma tauna weyahina 'ahehepwaila 'oimiya, beno tauna yawasida miyamiya hatayaina huhuna, ma mwalo tauna tamana ba'idana simiyamiya ma 'oima 'ihapwesama.

Yude 1:17

Ciyagwao, 'ida Bada Yesu Keliso 'ana tohepwailao 'idi gwae hemisa wanuwatuhuyahi tutaina mwalo sigwaeya, sigwae, “Tuta 'ana 'ebelosaloha 'oina tupwadi tomota nata mumuga dumwadumwaluna silotuyane, weyahina taudi 'adi lotohona galana 'iloiloinedi.”

Heꞌitaꞌita 7:10

ta 'enadi madounega sibwaubwau sigwaeya, “Cada lema 'ida Yehoba 'oinega, tauna wagahata wasawasa 'oina 'imiyatoiya, ma wete lamiina 'oinega.”