Ibeliu 13:16 - Loina Nuahuana

¹⁶ Caigeda pwaoli wete Yehoba nuwanuwana madouna, beno helau tomota weyahidi ma'ida 'atemuyamuya.

Ibeliu 13:16 ပူးပေါင်းရင်းမြစ်များ

Luke 18:22

Cina gwaeina bewa gide Yesu 'ihesagoheya, 'oinega 'igwaeya, “Caigeda ginaula tuwa 'ilosapuligowa, beno 'abehega 'ino tobwatobwa mabwaiyana 'uhegimwaneyedi ma 'adi maisa towewelohe 'oidiya 'uheguyaiyedi, ta 'oinega 'unaoma, 'umuliyegau ma 'oinega 'abwa 'ino wasawasa galewa 'uloba.”

Paihowa 10:38

Wasaina 'abehega Yehoba Yesu gwama Nasaleta 'igihe waiwaiyeya Yaluyaluwa Tabuna 'oinega, ma 'isakowasi ma tomota 'ilemelemedi, ta 'eguma taiyawedi Tomudulele 'igihe lohalediya Yesu 'i'abihe bwebwe'anedi, weyahina Yehoba 'ina waiwai 'oina 'imiyamiya.

Paihowa 9:36

Ma 'asa Yopa 'oina, Yesu 'ana tomuliya 'aigeda wahine 'imiyamiya, sanina Tabita, ta 'ana bui Dokasa, 'ana bui hebai sanina diya, ma wahineina 'abihetena ta helau huhuna.

Loma 12:13

Ma 'eguma tasimiyao 'eta to'aha mwau 'ilatu 'oidiya, beno 'imi tobwatobwega wa'abihetedi, ma wete wabwauwedi 'imi hada.

Galetiya 6:10

Coinega 'ilobwainegita ma tuta mabwaiyana 'oidiya tomota baibaiwadi talemedi, ma hesi Yehoba 'ana tohemisao talemedi madouna.

Galetiya 6:6

Tapwalolo 'ana tohe'itao, 'eguma sinasinapu sihe'itegita, 'ilobwainegita ma tobwatobwa ta'ebwaedi, 'eguma to'aha 'oidiya 'ito'uto'upa.

Epeso 4:28

Toyagaha 'ilobwainediya ma silolagu, ma hesi paihowa bwebwe'ana nimadiyega sida paihowadi ma paihowaina 'ana maisa 'oinega lema sida 'ebwa'ebwaya towewelohe 'oidiya.

Pilipai 4:14

Ma 'iyamo 'igu miya mwau bewa wagihe malamalai pwaiya 'imi lemega, ta weyahina yaloyauwedo madouna 'oimiya.

Pilipai 4:18

Ma 'imi 'eheleina Epapilodito 'itauyeyama, mabwaiyana yalobeya 'imaha tasitasiwa, gide 'ane 'imi pwaoli bwebwe'ana Yehoba 'oina, wagabu pwaiya eeta mahaina bwebwe'ana Yehoba 'inisoya, ta weyahina 'iyaliyaya.

1 Tesalonaika 5:15

Wa'itayahigomi, sahena 'eta 'oimiyega galana 'ihehemaise galana 'oinega, ma hesi tuta mabwaiyana wahelau hilegomi ma wa'abihetena ma wete tomota hagadi wa'abihetedi.

2 Tesalonaika 3:13

Ciyamayao, paihowa bwebwe'adi weyahidi sahena wahewahi we'awe'a.

1 Timoti 6:18

Ma wete wasawasaedi 'uhemataluwedi ma paihowa bwebwe'adi ta helau ta 'ebwaya 'oidiyega sihewasawasa moisa.

Pilimoni 1:6

Nuwanuwagu ma 'ida he'iya'iyagu Keliso 'oinega 'ida 'abihewaiwaiyego ma wete ginaula mabwaiyadi bwebwe'adi Keliso 'oinega silatulatuma 'uda sanapudi.

Ibeliu 6:10

Yehoba 'ina loina 'oimiya dumwaluna, 'oinega 'imi paihowao geya'abwa 'inainaidedi, beno 'imi helauwao ta 'imi lemao Yehoba saninega, tohekalesiyao 'oidiya, mwalo ta 'ana siga nige bewa.

3 Yoni 1:11

Ciyagu, geya'abwa mumuga galana 'umulimuliye, ma mumuga 'ausalana hesi. Tobwebwe'anao taudi Yehoba 'ina bodao, ma topuiyao geya Yehoba sida sanapuya.