Ibeliu 12:2 - Loina Nuahuana

² Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.

Ibeliu 12:2 ပူးပေါင်းရင်းမြစ်များ

Madiu 16:21

Tuta nage 'oina Yesu 'ihegaina ma 'ana tomuliyao 'ihe'itediya, 'igwae, “Cilobwaineya ma yatauya Yelusalema, ma nobwa muyamuya baibaiwadi yalobadi, babadao ta topwaoli madoudi ma loina 'ana tohe'itao 'oidiyega, ma nage 'oina silohe'amasigau, ma sabwelo hetoina 'oina Yehoba 'i'abihetoholo hilegau.”

Madiu 20:28

Wete gide taugu Loheyaiguina yasuluma bale'uwa, geya 'abehega tomota weyahigu sipaihowa, ma hesi sabi paihowa tomota weyahidi, ma wete yatagwalegauwa ma ya'amasa tomota mabwaiyami 'ami lihasa weyahina.”

Maki 14:36

'igwaegwae, “Tamagu, paihowa baibaiwana sowasowahiu, 'oinega nuwanuwagu ma muya biyoina bewa 'oiguwega 'u'ewayahule, ma hesi geya 'abehega taugu 'igu nuwatuhuwega, ta hesi 'owa 'ino nuwatuhuwega 'upaihowa.”

Maki 15:28

(-)

Maki 16:19

Cida Bada Yesu 'ina hemataluwa 'ana tomuliyao 'oidiya 'ilosaloha pwaiya ma 'ihaneya galewa, ma Yehoba 'ina 'ebeulega 'imiyatoiya.

Maki 9:12

Ma Yesu 'igwaeya, “Cehe gidemusa. Ilaitiya 'abehega 'ilatu nugetama, ma 'oinega ginaula mabwaiyana 'i'abihe dumwaludi. Ma hesi Ilaitiyaina 'ilatu pwaima, ma tomota sipaihowa galagala 'oina gide 'idi nuwatuhu, to'aha gide Buki Tabu 'ihepwaila nugeteya. Ma wete taugu Loheyaiguina to'aha weyahina Buki Tabu 'ihepwaila nugetegauwa 'abehega muya baibaiwadi yalobadi, ma wete tomota silogwahategau?”

Maki 9:24

Nage 'oina loheyaina 'igwae hedahedada, “Moisa tuwa yahemisa, ma geya yahemisa hedada. Nuwanuwagu ma 'igu hemisa 'ugihewaiwaiye.”

Luke 17:5

Eeta Yesu 'ana tohepwailaowedi sigwaeya, sigwae, “Cima hemisa 'u'abihewaiwai.”

Luke 23:11

Ma 'oinega Helodi ma'ina tolo'alehao Yesu silolotuyaneya ta si'ahwa galegaleya. Ma muliyetega kini 'ana 'wama sihe'oteya ma sihesumane hileya Pailato 'oina.

Luke 24:26

To'abihetenaina 'ilobwaine bwaibwainiya ma muyamuyaedi 'ida lobadi ma 'oinega muliyetega sanina 'ihemadou.”

Yoni 1:29

Ci'adaleya, Yoni Yesu 'i'iteya 'itautauyama 'oina. Ma Yoni boda 'ihegwaediya 'igwae, “Loheya nage 'itautauyama Yehoba 'ina lami, tauna 'abwa mebale'u weyahida 'i'amasa, ma 'ida puiyao 'i'ewa yahuledi.

Yoni 12:24

Coinega bewa tuwa yahegwae bwaibwainigomi, 'eguma hewana bale'u 'oina wadauni, 'italasawala ma solanega nata 'isiwa 'e'enina madouna ma bwebwe'ana taloba. Weyahina hewana 'eguma geya'abwa bale'u 'oina tadaudauni, ma 'italasawala, nata geya'abwa wete 'e'enina bwebwe'ana talobaloba.

Yoni 12:32

Ma hesi taugu 'eguma bale'uwega si'abi hanehegau 'aiwe 'oina, nata tomota mabwaiyadi yalisidima ma sinaoma 'oiguwa.”

Yoni 13:3

Ma hesi Yesu 'isanapu pwaiya 'abehega ginaula mabwaiyana Tamana 'i'ebwaya pwaiya ma 'iboimo 'iloina. Ma wete Yesu 'isanapuya 'abehega Yehoba 'oinega 'itauyama ma 'isanapuya 'abehega Yehoba 'oina nata wete 'ilohihila.

Yoni 6:40

Tamagu bewa gide wete 'ina nuwatuhu ma 'abehega taiyawedi 'eguma taugu natunaina si'itegauwa ma sihemisaegauwa, nata yawasidi miyamiya hatayana siloba. Ma wete tuta 'ana 'ebe losaloha 'oina 'amasa 'oinega ya'abi hetoholo hiladi.”

Yoni 8:56

Tamamiuina Ebalahamo ma'ina yaliyaya ma 'abehega 'igu sabwelo 'i'ita, 'oinega 'igu sabweloina 'i'iteya ma 'iyaliyaya madouna.”

Paihowa 2:36

“Bewa weyahina meIsileli mabwaiyami wasanapu bwaibwaini 'abehega Yehoba Yesu 'i'ahwa bada pwaiyeya ma tauna To'abihetena, tauna Yesuina wa'abihekelose pwaiya.”

Paihowa 3:15

Coinega yawasi bwebwe'ana 'ana to'ebwaya walohe'amasiya, ma Yehoba tauna 'amasega 'i'abihetoholo hileya, ta mabwaiyama 'a'iteya.

Paihowa 5:31

ma 'i'abilagasiya tauna 'ina 'ebeulega 'abehega tauna To'abihetena ma Tohanugeta, ma wete tauna To'abihenuwabui meIsileli tauda weyahida, ma 'oinega 'ida puiyao 'inuwasamudi.

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

1 Kolinita 1:18

Kelose tetelinaina tomota tupwadi si'ahwa 'abo'aboweya, taudi yaluyaluwadi 'ama'amasidi, ma hesi tauda tahemisaeya 'abehega Yehoba 'ina waiwai tetelaina 'oina 'imiyamiya, ma 'oinega 'ilemegita.

1 Kolinita 1:23

Ma tauda hesiyage tetelinaina talohatotoweya, Keliso 'ina 'amasa kelosemo 'oina weyahina, eema meYudiya silogwahateya ma wete tomiya ganamuli si'ahwa ginaula bwagabwagaeya.

Epeso 2:16

ma wete 'ida wataha 'oidiyega 'ilihasigita ta 'itoegitama Yehoba 'oina, ma tauna mahetedai tahe'iya'iyagu hila; ee 'ina paihowaina, tauna wahina 'aigeda tuwamo kelose 'oina situtu hepa'ineya, eeta 'oinega lo'alehaedi sigumwala.

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

Pilipai 1:6

Wete ma'igu hemisa 'abehega Yehoba 'ina paihowa bwebwe'ana 'ihegaineya 'atemiya, 'abwa nata tauna 'ilosalohi Yesu Keliso 'ina sabwelo madouna 'oina.

Pilipai 3:20

Ma tauda hesi 'ida tupwa galewa, eema nage 'oinega 'ada To'abihetena, tauna 'ida Bada Yesu Keliso, 'abwa 'ihilama, ta tauna weyahina tayamwayamwa.

2 Timoti 4:8

Coinega 'abwa 'ida Bada 'agu maisa, mumuga dumwaluna weyahina, 'i'ebwaegau. Ta maisaina weyahigu 'igibubu pwaiya ta 'imiyamiya. Badaina 'ina loina dumwaluna, ma 'eguma to sauga 'ilatuma, tauda ma wete taiyawedi 'ina hilama weyahina siyamwayamwana, mabwaiyada nata 'ada maisa 'i'ebwaegita.

Ibeliu 1:13

Ma hesi, Yehoba geya 'aigeda wete anelose 'oina 'ida gwae, “Cigu 'ebeulega 'umiyatoi ma 'ana siga 'a 'alehao yalagu dobihedi 'aeu gabulena.” Ma bewa gwaeina natunamo 'oina 'igwaeneya.

Ibeliu 1:3

Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

Ibeliu 10:14

Weyahina 'ina pwaoli 'aigedamo, ta sawasawahina tuta mabwaiyana 'oidiya 'i'abihe 'ehaugita ma 'i'abihe bwebwe'anegita.

Ibeliu 10:33

tutaina tupwana tomota si'abihedeba mwadinegomiya ma si'abihe muyamuyagomiya ta tuta tupwana mwalo 'iyamiyao ba'idamiyao wamuyamuya mahemahetena.

Ibeliu 11:36

Tupwadi wete 'adi 'alehao silotuyanediya, ma gulahega sihunuhunudi, ma wete deliya silagu luhuwediya ta sipaidiya.

Ibeliu 12:3

Yesuina wanuwatuhuyahi 'abehega 'i'alama'i'ita madouna togala 'idi lo'aleha 'oinega, ta 'oinega 'omi wete gide 'abehega sahena wahesabulolo nuwana wawe'awe'a.

Ibeliu 13:13

Tauda wete sowasowana tatauya 'asa tuluhana Yesu 'oina, ma 'ebe mwadina taloba tauna gide.

Ibeliu 5:9

ta 'oinega 'ina mumuga mabwaiyana dumwaluna. Tauda wete 'eguma tahematamatane 'abihetena hataya Yesuina 'oinega taloba,

Ibeliu 8:1

Cigu gwae mabwaiyana huhuna bewa 'abehega 'ida Topwaoli Madouna, bewa tuwa 'imiyamiya galewa Tolohaneina 'ina wagahata wasawasa 'ebeulanega.

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.

Yemesa 2:1

Cae tasigwao, 'omi 'ida Bada Yesu Keliso 'ana tohemisao, tauna tobwebwe'ana 'iya, 'oinega sahena 'imi hesinuwa tohewasawasao 'oidiya walagulagu.

1 Pita 1:11

Ma Keliso Yaluyaluwana 'atediya 'ihe'ita nugetediya 'ina muyao ma 'ina wasawasa muliyetega weyahidi eeta palopitaowedi sanapu si'ebeseya to tuta 'oina ma togidega 'abihetenaina 'ida hapwesa 'esa.

1 Pita 3:18

Gidemusa tuwa, Keliso ma'aigeda 'i'amasa 'ida galao weyahidi, ma tauna loheya bwebwe'ana, ma tauda galagalaida ma weyahida 'i'amasa, ta 'oinega 'itoegita Yehoba 'oina. Ma Keliso wahinamo silohe'amasiya, ma yaluyaluwana geya.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.

Yude 1:21

ma wete helauina Yehoba 'oinega wa'abiyahi, ma wayamwayamwana tolahisa 'abwa 'ida Bada Yesu Keliso 'ina 'atemuyemuyega yawasimi miyamiya hatayana 'i'ebwaegomi.

Heꞌitaꞌita 1:11

'igwaeya, “Ginauledi 'abwa 'u'itadi weyahidi 'uleledi buki 'oina, ma bukiina 'uhetune boda hekalesiya sebeni 'oidiya, beno Epeso, ma Simulina, ma Peligamo, ma Tayataila, ma Salidisa, ma Piladelipiya, ma wete Leodisiya 'oina.”

Heꞌitaꞌita 1:17

Ya'iteya ma 'ahena yabe'uwa gide tuwa ya'amasa. Coinega nima 'ebeulanega 'oiguwa 'i'abiya ma 'igwaeya, “Sahena 'umatamatauta, weyahina taugu 'ebe hegaina ma 'ebe losaloha.

Heꞌitaꞌita 1:8

Cida Bada 'igwae, “Taugu 'ebe hegaina ma 'ebe losaloha.” Tauna Yehobaina tohewaiwai moisa, mwalo hene, ta tuta bewa, eema tuta sinaonaoma 'oidiya 'imiyamiya.

Heꞌitaꞌita 2:8

Aneloseina totapwalolowedi Simulina 'oina 'i'ita'itayahidi 'ina leta 'ulele meSimulina weyahidi ma 'ugwae: Tetela bewa 'itauyama tauna 'ebe hegaina ta 'ebe losaloha 'oinega, tauna 'i'amasa pwaiya ta 'itoholo hila ta mayawasina 'imiyamiya. Tauna bewa 'ina hepwaila 'oimiya 'igwaeya,