Ibeliu 11:7 - Loina Nuahuana

⁷ Nowa wete Yehoba 'ihe'iteya 'abehega to'aha 'abwa 'ilatu 'oidiya, 'oinega Nowaina 'imatauta ma 'ina hemisega 'ina waga sanina 'aki 'igoheya, 'itagiya, ta tauna ma'ina susuwao 'i'abihetediya. Nage 'oina 'ihe'itaeya 'abehega tomota mabwaiyadi togala, ma tauna loheya dumwaluna 'ina hemisa weyahina.

Ibeliu 11:7 ပူးပေါင်းရင်းမြစ်များ

Madiu 2:12

Ma muliyetega nihiyega Yehoba 'ihemataluwediya ma sahena Helodi 'oina sihilahila, 'oinega sitoholowa ma mali 'edega sitauya 'idi 'asa.

Madiu 24:15

“Cabwa 'ila'ilalaina palopita Daniyela 'ihepwaila nugetaeya 'ilatu, beno ginaula gala hedade ma didiga tupwa he'asisi 'oina 'itoholo. (Ceguma taiya gwae bewa 'ihasili 'inuwasabwalena.)

Madiu 24:25

Ma 'omi ginaula bewa weyahina yahepwaila nugeta pwaiya 'oimiya.

Madiu 24:38

Weyahina Nowa 'ina tuta tomota 'adi si'ai'ai ma 'adi we'aha sinumanuma ma sihehehai, ma wete sihaihai, ma 'ana siga Nowa 'ina waga 'igeluwa,

Madiu 3:7

Ma Palisiyao ma Sadusiyao baibaiwadi wete sinaoma sabi babitaiso, ta Yoni 'i'itediya ma 'ihegwaediya, 'igwae, “To'abo 'omi gide mwata! Ma wanuwatuhuya 'abehega nata Yehoba 'ina gamwasowala 'oinega wadena, 'awa?

Luke 17:26

“Cigu hilama 'ana tuta Nowa 'ina tuta gidemusa.

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Loma 10:6

Ma bewa tutaina tauda 'ida hemisa 'abehega Yehoba tauna 'i'abi 'ehaugita, ma tauna weyahina Yehoba 'ina Buki 'oina 'ihepwaila, 'igwaeya, “Geya sowana 'eta taiya 'oimiyega 'inuwatuhu ma 'igwae, ‘Taiya nata 'ihane Galewa?’” Bewa gwaeina 'ana sanapu 'abehega, “Taiya nata Keliso 'itoeyama.”

Loma 3:22

'abehega Yehoba mabwaiyada 'i'ahwa dumwaluwegita Yesu Keliso 'ana hemisa 'oinega, ma geya sowana 'eta taiya wete wataha 'i'abi'abihelatu tauda meYudiya ma tomiya ganamuli gamwagamwanida.

Loma 4:13

Ma Yehoba Ebalahamo 'igwae hemisaeya 'abehega tauna ma'ina susuwao bale'u mabwaiyana 'abwa siloinae. Ta 'ina gwae hemisa bewa geya 'abehega Ebalahamo 'ina guibiga loina weyahina, ma hesi 'ina hemisa weyahina, 'oinega Yehoba 'i'ahwa bwebwe'aneya.

Loma 9:30

Bewa 'oinega tasanapu 'abehega taudi tomiya ganamuli geya sitohotoho ma Yehoba 'i'ahwa dumwaluwedi, ma hesi 'idi hemisa tuwa 'oinega 'i'ahwa dumwaluwediya.

Galetiya 5:5

Weyahina tauda Yehoba tahemisaeya ma 'abehega 'i'ahwa bwebwe'anegita. Bewa 'ida nuwatuhuyahina Yaluyaluwa Tabuna 'oinega, eeta tauna weyahina tayamwayamwa.

Pilipai 3:9

ma wete nuwanuwagu Keliso mahetegu 'amiya, geya 'abehega taugu 'igu mumuga dumwadumwalunega, bo Mosese 'ina loinao 'oidiyega, ta hesi hemisa Keliso 'oina weyahina, beno 'ida mumuga dumwadumwaluna Yehoba 'i'ebwaegita 'ida hemisa Keliso 'oina weyahina.

Ibeliu 11:1

Ceguma to'aha tanuwatuhuyahi 'abehega 'abwa taloba, ma hesi bewa tuwa geya'abwa ta'ita'ita, beno hemisa moisa.

Ibeliu 12:25

Coinega wa'ita yahigomi ma tauna galewega 'igwaegwae 'oida sahena 'enana walologwahate. Weyahina mwalo tomota tupwadi bale'uwa Mosese 'ina lohatoto 'oidiya silogwahateya, ta mwau silobeya. Ma bewa sauga Yehoba galewega 'ilologuguya 'oida, ta 'eguma 'enana talogwahate mwau madou hedade taloba.

Ibeliu 5:7

Mwalo Yesu bale'uwa 'imiyamiya ma'ina dou 'i'ahwa 'ahwanoiya Tamana 'oina, ta nuwanuwana 'amasega 'i'abihete, 'oinega 'i'abiheteya weyahina Yesu Tamana 'ihe'asisiyeya.

Ibeliu 8:5

Ma 'idi 'ebe pwaoliina Hada He'asisi 'alona, Yelusalema 'oina. Ma Hada He'asisiina 'ebe'ita bo ma'ama'ayau tuwa, ta hesi Hada He'asisi moisana galewa 'imiyamiya. Weyahina mwalohene Mosese geya Hada He'asisi nugenugetana 'i'abiya ta muliyetega Yehoba 'ihenuwa laguweya 'igwaeya, “Mosese, 'unuwatuhuyahi hadaina 'ana 'ita mabwaiyana yahe'ita pwaigowa 'oyai, mabwaiyana 'uhe'au'aunawe, ta 'igu Hada He'asisiina 'u'abi.”

1 Pita 3:20

Yaluyaluwaedi tomota yaluyaluwadi, taudi mwalohene Nowa 'ina tuta Yehoba weyahidi 'ihe'alama'i'itana ma 'abehega 'oina sihemisa, ta geya. Coinega mabwaiyadi yagewa 'oinega sidamana, ma tupwadimo bwasiyega 'i'abihetediya, beno nima 'aigeda ma 'etoi, 'i'abihetedi wagaina Nowa 'i'abiya 'oinega.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.

2 Pita 2:5

Ma wete mwalo hene mebale'u mabwaiyadi geya 'ida 'atemuyamuyaediya, ma hesi yagewega togalaedi 'imutudiya. Ma Nowamo ma 'ina bodao site sebeni 'i'abihetediya, weyahina Nowa tauna mumuga bwebwe'ana 'ana tologuguya.

2 Pita 3:6

eeta muliyetega bwasiyega bale'u mabwaiyana 'igihegaleya.