Ibeliu 11:4 - Loina Nuahuana

⁴ Coinega Ebeli wete ma'ina hemisa 'ipwaoli Yehoba 'oina, 'oinega 'ina pwaoliina Keni 'ina pwaoli 'ibwebwe'ana sineya, ta Yehoba 'iyaliyaya Ebeli 'ina pwaoli weyahina ta 'i'ahwa dumwaluweya. Ebeliina bale'u 'i'ebesine pwaiya, ma hesi 'ina hemisega 'oida 'ihehe'ita.

Ibeliu 11:4 ပူးပေါင်းရင်းမြစ်များ

Madiu 23:35

“Ma 'ana 'ebelosaloha 'oina tobwebwe'ana 'adi lohe'amasa 'ana maisa mabwaiyana 'omi waloba. Loheya nugenugetana Ebeli tauna tobwebwe'ana silohe'amasiya, eeta silolohe'amasa 'ana siga Balakaya natuna Sakaliya wete silohe'amasiya Hada He'asisi ma 'ebe pwaoli gamwagamwanidiya.

Luke 11:51

beno Ebeli silohe'amasiya ma 'oinega silolohe'amasa ma 'ana siga Sakaliya 'ina tuta 'oina silohe'amasiya Hada He'asisi ma 'ebepwaoli gamwagamwanidiya. Moisa tuwa lohe'amasaedi mabwaiyadi 'adi maisa mehau 'omi waloba.

Taito 1:16

Taudi sigwae 'abehega Yehoba sisanapuya, ta 'idi paihowa 'oinega Yehoba siuhaleya, weyahina taudi togala ma wete loina 'ana tosinala, 'oinega paihowa bwebwe'ana geya 'eta 'adi lobwaina.

Ibeliu 11:2

Tubudao mwalohene tanuwatuhu yahidi taudi 'idi hemisa weyahina Yehoba 'i'ahwa bwebwe'anediya.

Ibeliu 12:1

Ma tohemisao baibaiwadi galewega si'e'ebubugita, ta sawasawahida ginaula mwaudi 'oidiyega ta'aisinedi, ma 'oinega tapili waiwai 'ebepiliina 'ana 'eda 'oinega, ta wete mumuga galadiyedi sipaipaigita ta'aisinedi.

Ibeliu 12:24

ta wete Yesu 'oina, tauna loina hauhauna 'ana to'eheleina, ta bweyahina 'ana losehusehula 'oinega 'i'abihetegita, ma geya gide Ebeli bweyahina, weyahina beno 'ebehesilae.

Ibeliu 5:1

Topwaoliyao madoudi Yehoba 'ihesinuwediya ta 'ilagudiya, ma tauna matana sipwaopwaoli tomota 'idi mumuga galadi weyahidi.

Ibeliu 9:22

Weyahina Mosese 'ina loina 'oidiya 'abehega ginaula mabwaiyadi bweyahega si'ehau. Ta mumuga galana 'ana nuwasam wete bweyaha 'oinega, ma 'eguma geya bweyaha 'idau gesowana nuwasam taloba.

2 Pita 2:8

Weyahina Lota togalaedi gamwagamwanidiya 'imiyamiya eeta 'idi mumuga galana 'i'ita'ita ma 'ihehesagohe eeta 'inuwagala madouna.

Yude 1:11

Nuwa'ole'oledi weyahina Keni 'ina 'eda galana 'oinega sitautauya, ma 'oinega 'idi wasawasa weyahina simumuga galana, gidemusa wete Balami mwalo mumugana. Coinega sihesilae, weyahina loina bwebwe'ana silogwahateya, mwalo gidemusa Kola tauna loina 'ilogwahateya.