Ibeliu 11:16 - Loina Nuahuana

¹⁶ ma hesi geya sihila, weyahina nuwanuwadi 'asa bwebwe'ana hedade, beno galewa. Coinega geya'abwa Yehoba 'imwadi mwadinedi, ta hesi 'abehega tauna 'idi Yehoba, ta 'idi 'asa 'ihemasaleheya.

Ibeliu 11:16 ပူးပေါင်းရင်းမြစ်များ

Madiu 25:34

Ma 'oinega toloina taugu taudi 'igu 'ebeula 'oina yahegwaedi ma yagwae, ‘Comi Tamagu 'ina helauwega wayaliyaya, wanaoma ma 'imi 'ebeloinaina wa'ewa, beno bale'u 'ana hemasalaha hohau 'oinega 'i'atububuya weyahimi.

Maki 12:26

“Mwalona Yehoba Mosese 'ihegwaeya toholohila weyahina, 'eguma Buki He'asisi wahasili, nata wa'ita loba. Weyahina tutaina Mosese yoho 'awawa 'itautauya ma Yehoba 'aiwe 'ala'alasina 'oinega Moseseina 'ihegwaeya 'igwae, ‘Taugu Ebalahamo 'ina Yehoba, ma Aisake 'ina Yehoba, ma Yakobo 'ina Yehoba.’

Maki 8:38

“Ma 'eguma taiya 'owa weyahigu 'uhedeba mwadimwadina, wete 'igu he'itao weyahidi 'uhedeba mwadimwadina, ma 'uuhalegau yaso bewa galadi ma ganaganawalidi matadiya, 'abwa taugu Loheyaiguina wete yauhalego, tutaina Tamagu 'ina wasawasa maemaedanaina 'oinega yahilama ma aneloseyao wete ba'idagwao.”

Luke 12:32

Ma 'omi moisa Yehoba 'ina sipiyao, 'oinega sahena wa'ate'ateyoho, weyahina tauna 'ihesinuwa paigomiya ma 'ina 'ebeloina 'oina waluhu.

Luke 20:37

“Ma Mosese mwalohene 'ihe'ita bwaibwainigita to'amasa 'idi toholo hila weyahina. Saugaina Mosese pwatula 'alona 'itautauya ta Yehoba 'aiwe sabelulu 'oinega 'ihegwaeya, 'igwaeya, “Taugu Ebalahamo ta Aisake ta Yakobo 'idi Yehoba.’

Yoni 14:2

Casainaina Tamagu 'oina 'imiyamiya hada baibaiwadi sitotoholo, 'oinega 'asainaina 'oina yatauya ma 'imi 'ebemiya ya'atububudi. Gwae bewa 'eguma geya moisa, geya'abwa wete 'oimiya yahehepwaile.

Paihowa 7:32

'Taugu tubumwao, taudi Ebalahamo ma Aisake ma Yakobo, 'idi Yehoba.’ “Ma Mosese 'ina matautega 'idededela, ma genuwana 'i'ebubuna.

Pilipai 3:20

Ma tauda hesi 'ida tupwa galewa, eema nage 'oinega 'ada To'abihetena, tauna 'ida Bada Yesu Keliso, 'abwa 'ihilama, ta tauna weyahina tayamwayamwa.

2 Timoti 4:18

Mwauwedi 'oidiyega Cinapwanaina nata 'i'abihetegau ma 'ina 'ebeloina galewa 'oina yaluhu, 'oinega tada hepwatuwe hataya. Emeni.

Ibeliu 10:34

Ta wete tupwadi deliya silagudiya weyahidi wa'atemuyamuya, ta wa'abihetediya. Ta wete tutaina mwalo tomota 'imi tobwatobwao siyagahidiya wayaliyaya moisa, weyahina wasanapuya 'abehega galewa 'imi tobwatobwao 'ausala hedadedi ma miyamiya hatayadi simiyamiya.

Ibeliu 11:10

Ma hesi Ebalahamo 'inuwatuhu yahiya 'abehega 'asaina 'ana wahuwahu pa'alina 'oina 'iluhu, beno Yehoba tauna 'ina nuwatuhu gide ma 'i'abiya.

Ibeliu 11:14

Moisa, 'eguma ta'ahwa taumanaegita, beno gide tahepwaila latuwe 'abehega 'ida 'asa moisa ta'ebe'ebese.

Ibeliu 11:40

ma 'iyamo 'ebe yaliyaya tauda weyahida Yehoba 'ihepwaila nugeteya, 'abehega taudi ba'idadao 'abwa tamiya bwebwe'ana.

Ibeliu 12:22

Ta 'omi hesiyage wanao pwaima Saiyoni 'oyana 'oina, beno Yehoba tauna mayawasina 'ina 'asa, Yelusalemaina galewa 'oina, aneloseyao baibaiwa hedade simiyamiya ta siyaliyaliyaya gide guyai 'oina,

Ibeliu 13:14

Weyahina 'ebwa bale'uwa geya 'aigeda 'ida 'asa miyamiya hatayana, 'oinega 'ilobwainegita ma 'asa miyamiya hatayana tuta 'inaonaoma weyahina ta'ebese.

Ibeliu 2:11

Yesuina 'ada To'abihetena ma tauda 'i'abi 'ehaugita, ta tauna ma tauda Yehoba 'oinega tanaoma, 'oinega geya'abwa Yesu 'ihemwadimwadina weyahida, ta hesi 'i'ahwa'ahwa tasinegita,

Heꞌitaꞌita 21:2

Ma 'asa 'asi'asilalana ya'iteya tauna Yelusalema hauhauna galewega 'isulusuluma Yehoba 'oinega, 'ihepaseya gide tohai mewahinena 'ipasa ma mwanena ba'idana sihelobaloba.