Ibeliu 11:1 - Loina Nuahuana

¹ Ceguma to'aha tanuwatuhuyahi 'abehega 'abwa taloba, ma hesi bewa tuwa geya'abwa ta'ita'ita, beno hemisa moisa.

Ibeliu 11:1 ပူးပေါင်းရင်းမြစ်များ

Paihowa 20:21

ta 'igu he'ita 'oimiya tuwa mahemahetena, 'omi meYudiya, ma 'omi hali tupwa tomotaiyao, mabwaiyami yaguguya 'oimiya ta 'abehega mumugami galadi 'oidiyega wanuwabui Yehoba 'oina ma Bada Yesu wahemise.

1 Kolinita 13:13

Ginaula madouna 'etoi simiya hataya, 'aigeda tahemisa, 'aigeda tanuweya, 'aigeda tahelau, ma mabwaiyadi 'oidiyega helau 'imadou hedadeya.

2 Kolinita 11:17

Cigu gwae gagasa bewa geya 'ida Bada 'ina loinega, ma hesi yauyaulegu tuwa.

2 Kolinita 4:18

Weyahina 'ida 'ebemasi ginaulaedi geya ta'ita'itadi 'oidiya. Moisa, ginauledi ta'ita'itadi sawasawalidi tuwa, ma hesi ginaulaedi geya tada 'itediya taudi ginaula miyamiya hatayadi.

2 Kolinita 5:17

ma hesi wanuwatuhuyahi 'abehega taiya Keliso 'oina 'imiyamiya, tauna 'ihetomota hauhauna. Cina mumuga miyamiyaina 'igumwala pwaiya, ma hauhauna 'ilatuwa.

2 Kolinita 5:7

weyahina 'ida hemisa 'oinega tatautauya ma geya 'ebubunega.

2 Kolinita 9:4

Ceguma 'abwa tupwana meMasidoniya ba'idagwao 'atauyawa ma si'italobegomi 'imi helau geya wa'atububu, bewa 'ebedeba mwadina 'oiguwa ma wete 'oimiya, 'igu hepwaila nugetaina weyahina.

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Ibeliu 10:22

Coinega Yehoba tahahoho ma'ida 'atetagwala ta ma'ida hemisa moisa, ma 'oinega wahida ta'abihe'ehaudi we'aha 'ausalana 'oinega, ma wete 'ida nuwatuhu si'ehau, weyahina Yesu 'ina losehusehula 'oinega 'ida nuwatuhu galadi 'i'abihe 'ehaudiya.

Ibeliu 10:39

Ma tauda sahena talolohihila, weyahina beno 'ebe hesilae. Ma tuwa ma'ida hemisa ma 'oinega yaluyaluwada simiya bwebwe'ana.

Ibeliu 11:13

Tomota nugenugetadiyedi ma'idi hemisa, ma hesi si'amasa ta gwae hemisaedi huwaidi geya sida lobeya, ta hesi tuwa bwagebwagega si'iteya ta siloyauwedowa weyahina, ma wete taudimo si'ahwa taumanaediya gide taumana tuwa tupwa bewa bale'u 'oina.

Ibeliu 11:27

Coinega 'ina hemisega Itipita 'i'ebesineya, ta geya kini Peloina 'ina gamwasowala 'imataute, ma hesi 'i'atepatuwa 'abehega Yehoba 'i'iteya matana 'imiyamiya.

Ibeliu 11:7

Nowa wete Yehoba 'ihe'iteya 'abehega to'aha 'abwa 'ilatu 'oidiya, 'oinega Nowaina 'imatauta ma 'ina hemisega 'ina waga sanina 'aki 'igoheya, 'itagiya, ta tauna ma'ina susuwao 'i'abihetediya. Nage 'oina 'ihe'itaeya 'abehega tomota mabwaiyadi togala, ma tauna loheya dumwaluna 'ina hemisa weyahina.

Ibeliu 2:3

Tauda wete 'eguma 'abihetenaina madounaina talogwahate, bwa'omatana taloba, ta geya sawasawahina tadenasine. Gwaeina 'abihetenaina weyahina 'ida Bada Yesu 'ihepwaila nugeteya, eeta 'ina gwaeyao 'ana tohesagoha nugetao si'ebwaegita tauda.

Ibeliu 3:14

Tauda mwalo 'ida hemisa Keliso 'oina talaguya, ma 'eguma 'ida hemisaina ta'abiyahi bwaibwaini ma 'ana siga tuta 'ana 'ebelosaloha 'oina, Keliso ba'idadai tayaliyaya mahemahetena.

Ibeliu 3:6

Ma 'iyamo Keliso Yehoba 'ina hada 'ihetapewa, geya topaihowa gide, ta hesi tauna natuna moisa. Tauda taboi Yehoba 'ina hadaina tuwa, 'eguma tahemisa hataya ma'ida 'atepatu ta ma'ida yaliyaya.

Ibeliu 6:12

Sahena walologwahata, ma hesi tomotaedi wahe'au'aunawedi, taudi ma'idi 'alama'i'ita sihehemisa, ma 'oinega ginaulaedi Yehoba 'igwae hemisaediya si'ewadi.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.