Ibeliu 1:3 - Loina Nuahuana

³ Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

Ibeliu 1:3 ပူးပေါင်းရင်းမြစ်များ

Madiu 22:24

sigwaeya, “Bada, Mosese 'ina loina 'igwaeya, ‘Ceguma loheya mamwanena ma geya natudimo ma loheyaina 'i'amasa, loheyaina tasina hiwapeina ba'idana sihai, ma 'oinega 'eguma wahine 'ihenatuna natunao to'amasaina hesuwahenao.’

Maki 16:19

Cida Bada Yesu 'ina hemataluwa 'ana tomuliyao 'oidiya 'ilosaloha pwaiya ma 'ihaneya galewa, ma Yehoba 'ina 'ebeulega 'imiyatoiya.

Yoni 1:14

Ma Gwae huhuna 'iheloheya, ma bewa tuwa mahetedai tamiyamiya. Ma 'ina wasawasa madou hedadena 'i'abi hemaedaneya 'oima ta 'a'iteya, 'oinega 'asanapuya 'abehega tauna tuwa Yehoba natuna moisa, ma wete tauna tohelau moisa, wete mumugana mabwaiyana bwebwe'ana.

Yoni 1:29

Ci'adaleya, Yoni Yesu 'i'iteya 'itautauyama 'oina. Ma Yoni boda 'ihegwaediya 'igwae, “Loheya nage 'itautauyama Yehoba 'ina lami, tauna 'abwa mebale'u weyahida 'i'amasa, ma 'ida puiyao 'i'ewa yahuledi.

Yoni 1:4

Gwae huhunaina mayawasina moisa, 'oinega 'asilala 'i'eweyama ta 'i'abi latuheyama tomiya bale'u mabwaiyada 'oida.

Paihowa 2:33

Coinega Yehoba 'i'abihaneheya ta tauna 'ina 'ebeulega 'imiyamiya, ma tauna Yaluyaluwa Tabunaina Yehoba mwalo 'igwae hemisaeya, ma bewa tuwa 'i'ebwaya pwaimaiya, 'oinega paihowa bewa wa'ita'itadi ma wahehesagohedi, tauna 'oinega sitauyama.

Paihowa 7:56

ma 'igwaeya, “Wa'ita, galewa 'i'eso'eya, ta ya'iteya Loheyaina Yehoba 'ina 'ebeulega 'itotoholo.”

Loma 1:16

Tetelaina 'ana loguguya weyahina geya yada debamwadina, weyahina Yehoba 'ina waiwai 'oina 'imiyamiya, eeta 'eguma taiyawedi sihemisa 'i'abihetedi, beno tauma meYudiya 'oima ma muliyetega 'omi tomiya ganamuli 'oimiya.

Loma 8:34

Geya wete nata 'eta taiya 'ina gwae pa'alina 'oida 'ilagulagu, weyahina Yesu Keliso tauna weyahida 'i'amasa pwaiya ta wete 'itoholohila, 'oinega bewa tuta Yehoba 'ina 'ebeulega 'imiyamiya ma weyahida 'i'ahwa'ahwanoi.

2 Kolinita 4:4

Taudi geya sihemisa, weyahina bale'u bewa 'ina bada 'i'abihegibu pwaidiya, ma 'oinega 'asilala sahena si'ita'ita, beno Keliso 'ina wasawasa tetelina, tauna 'ana 'ita Yehoba gidemusa.

Kolose 3:1

Yehoba Keliso ba'idamiu 'ihetoholo hilegomiya, 'oinega galewa ginaulaedi wa'ebesedi, nobwa Kelisoina Yehoba 'ina 'ebeulega galewa 'imiyamiya.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Ibeliu 1:13

Ma hesi, Yehoba geya 'aigeda wete anelose 'oina 'ida gwae, “Cigu 'ebeulega 'umiyatoi ma 'ana siga 'a 'alehao yalagu dobihedi 'aeu gabulena.” Ma bewa gwaeina natunamo 'oina 'igwaeneya.

Ibeliu 10:12

Ta Keliso hesi ma'aigeda 'ipwaoliya mumuga galana weyahina, ta 'ina pwaoliina tuta mabwaiyana sawasawahina, ta 'ina pwaoliina mulina Yehoba 'ebeulanega 'imiyatoiya,

Ibeliu 12:2

Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.

Ibeliu 4:14

Cida Topwaoli Madouna ma 'ausalana 'imiyamiya, tauna Yesu, Yehoba Natuna, weyahida 'ihane pwaiya galewa, 'oinega 'ida hemisa 'oina ta'abiyahi momosi.

Ibeliu 7:27

Ta topwaoliyao nugenugetadi sabwelo 'aigeda 'aigeda Yehoba 'oina sipwaopwaoli, taudi 'idi puiyao, ma tomota wete 'idi puiyao weyahidi. Ta hesi Yesu ma'aigedamo wahina 'itagwaleya ta 'ipwaoliyeya Yehoba 'oina weyahida.

Ibeliu 8:1

Cigu gwae mabwaiyana huhuna bewa 'abehega 'ida Topwaoli Madouna, bewa tuwa 'imiyamiya galewa Tolohaneina 'ina wagahata wasawasa 'ebeulanega.

Ibeliu 9:16

Wasanapuya 'eguma taiya to'waiha loina mwalo 'ilaguya nuwana 'ileleya, 'ina tobwatobwa mabwaiyana 'adi heguyai weyahidi, ma muliyetega 'i'amasa, ta loinaina 'ina susuwao sida muliye.

Ibeliu 9:26

Moisa, 'eguma Keliso 'ina paihowa taudi topwaoli madoudi gide, 'ida 'amasa hilahila bale'u 'ana gihehemasalaha 'oinega ta tuta nige. Ta hesi ma'aigedamo tuwa, tuta 'ana 'ebelosaloha bewa 'oina, wahina tauna 'ipwaoliyeya, mumuga galadi 'adi nuwasam weyahina.

1 Pita 1:21

Eeta tauna Kelisoina 'oinega Yehoba wahemisaeya 'abehega tauna 'amasega 'igihetoholo hileya eeta 'ebemiya wasawasa 'oina 'ilaguya, 'oinega 'imi hemisa ma 'imi nuwatuhu walagu bwaibwainidi Yehoba 'oina.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.

2 Pita 1:16

Mwalo 'ida Bada Yesu Keliso 'ina waiwai ma 'ina tauyama 'ahepwailediya 'oimiya, ma 'ima hepwailaina geya tosonosonogao 'idi 'ote'otetelao 'oidiyega, ma hesi matamega tauna 'ina wasawasa 'a'iteya.

2 Pita 1:17

Ma tutaina mwalo mahetemai 'oyai 'amiyamiya Yehoba 'enana galewega 'ahesagoheya, 'igwaeya, “Bewa Natugu moisa, tauna weyahina yayaliyaya madouna.” Ma 'enanaina Tamana 'ina tupwa 'ehauna galewega 'itauyama eeta 'oyaina debana Yehoba hepwatu ta wasawasa 'asi'asilalaina Natuna 'i'ebwaeya.

1 Yoni 1:7

Ma hesi 'eguma tupwa 'asilala 'oina tamiyamiya, gidemusa Yehoba 'ina tupwa 'asilala 'oina 'imiyamiya, beno ta'ahwa 'iya'iyagu moisa, weyahina Natuna Yesu bweyahinega 'igihe'ehaugita 'ida puiyao mabwaiyadi 'oidiyega.

1 Yoni 3:5

Ma wete tasanapuya, 'abehega Kelisoina 'itauyama 'ida mumuga galaedi sabi 'ewayahuledi, ma tauna geya 'eta wete 'ina puimo.

Yude 1:25

Yehoba taunamo 'ada To'abihetena. Cabihetenaina 'ipaihoweya 'ida Bada Yesu Keliso 'ina paihowega. Coinega tahepwatuwe 'ina loina dumwadumwaluna ma waiwaina mwalohene ta nige ma tuta sinaonaoma 'oidiya. Emeni. Taugu Yude.

Heꞌitaꞌita 3:21

“Ma 'eguma 'oimiyega taiya 'ihewaiwai, 'abwa yatagwala 'oina ma ba'idagu 'amiyatoi 'igu wagahata wasawasa 'oina, gide tuwa taugu yahewaiwaiya, ta Tamagu 'ina wagahata wasawasaina 'oina ba'idagu 'amiya toiya.

Heꞌitaꞌita 4:11

“Cowa 'ima Bada ta 'ima Yehoba, 'ilobwainemaiya ma 'ahepwatuwego ma 'ahe'asisiyego, weyahina 'ino waiwaiyega ginaula mabwaiyana 'u'abi hemasalehediya. Cuboi 'ino nuwatuhuwega 'upaihowediya, ta nige mayawasidi.”