Heꞌitaꞌita 7:9 - Loina Nuahuana

⁹ Muliyetega ya'e'ebubuna ta boda madou hedade ya'itediya, geya 'aihasila. Bodaedi 'ebeloina 'aigeda 'aigeda 'oidiyega, ta susu 'aigeda 'aigeda 'oidiyega, ta boda 'aigeda 'aigeda 'oidiyega, ta 'enana 'aigeda 'aigeda 'oidiyega, mabwaiyadi wagahata wasawasa matana, ma wete Lami matana sitotoholo, ta 'adi 'ale'o wa'ewa'e'edi, ma sadasada nabaina si'abi'abi yahidi,

Heꞌitaꞌita 7:9 ပူးပေါင်းရင်းမြစ်များ

Luke 12:1

Boda madou hedada si'eto'autama ma sihetupa duidui, ma Yesu 'igwae nugeta 'ana tomuliyao 'oidiya, 'igwaeya, “Wa'ita yahigomi ma Palisiyao 'idi paihowa 'abo'abo sahena wapaipaihowadi, weyahina 'idi paihowa gide tuwa pwalawa 'ana 'ebe'abi heseseha. Cebe'abi hesesehaina 'eguma to'aha gide 'i'iuna, nata 'i'abi hemadou,

Luke 21:36

“Coinega wa'atububu hataya, ma tuta baibaiwana wa'ahwa'ahwanoi 'abehega ma'imi 'atepatu ginaulaedi 'oidiyega wahewaiwai, ma sowasowana watoholo taugu Loheyaiguina mataguwa.”

Yoni 12:13

Coinega tomotaedi sadasada lahwaina si'ewediya ma silatuwa 'edai Yesu sabi lobaina. Cedaina 'oina sitotoholo ma 'enadi madouna 'oidiyega sibwaubwau sigwae, “Yauwedo Cinapwana, Yehoba saninega 'utauyama, ma 'uhetoloina madouna 'ima 'asa Isileli 'oina.”

Loma 11:25

Ciyagwao, nuwanuwagu ginaula 'aigeda dahwadahwaina meIsileli weyahidi yahepwaile 'oimiya ma 'ane sahena wanuwanuwa hanehane, ma ginaula bewa wasanapu 'abehega nata meIsileliyedi sidebapa'ala 'ana siga 'omi tomiya ganamuli hesihesinuwami mabwaiyami 'abihetena wa'ewa.

Epeso 6:13

Bewa weyahina Yehoba 'ina tobwatobwa 'aleha mabwaiyana wa'otedi, ma 'ane geya'abwa wawe'awe'a 'abwa tuta galana 'oina, ma 'oinega ma'imi waiwai watoholo pa'ala.

Ibeliu 11:12

Moisa, Ebalahamoina 'ihetautaubada hedadeya, ta 'i'iunamo ma 'i'amasa, ta hesi boda madouna 'idabalala 'oinega, ta 'adi baibaiwa tuwa gide galewa 'ipwalao, ma wete nenegwala holai 'adi baibaiwa gide.

Ibeliu 12:22

Ta 'omi hesiyage wanao pwaima Saiyoni 'oyana 'oina, beno Yehoba tauna mayawasina 'ina 'asa, Yelusalemaina galewa 'oina, aneloseyao baibaiwa hedade simiyamiya ta siyaliyaliyaya gide guyai 'oina,

Heꞌitaꞌita 11:15

Ma anelose hesebenina 'ina yoguli 'imu'eya, ta galewega 'enadi madounega sigwaegwae, “To'abihetena ta Tamana Yehoba sihetoloina pwaiya bale'u 'ina 'ebeloina mabwaiyana 'oidiya, ma geya'abwa 'idi loinaina 'igumwagumwala.”

Heꞌitaꞌita 22:3

Ta hesi ginaula gala hedadedi 'abwa sisawala 'asaina 'oinega, ma Yehoba ta Lamiina 'idi wagahata wasawasa 'oina simiyamiya, ma Lamiina 'ina topaihowao 'oina sipaihowa.

Heꞌitaꞌita 3:18

Eeta yahenuwa laguwegomi ma 'oiguwega goula moisa wagimwane ma 'ane wahewasawasa, ma wete 'ale'o wa'ewa'e'edi wagimwanedi, ma wa'otedi. Geya'abwa mabubugewami watautauya. Wete mulamula wagimwane ma matamiya walagu, ma matami 'ilotayahala.

Heꞌitaꞌita 4:4

Ma wagahata wasawasa wete 'adi baibaiwa tuweniti powa simiya sakowasiyeya, ma wagahataedi 'oidiya taubadao site tuweniti powa simiyatoiya ma'adi 'ale'o wa'ewa'e'edi, ma wete debadi 'adi pasa wasawasa goula debadiya.

Heꞌitaꞌita 5:11

Ma wete aneloseyao ya'itediya baibaiwa hedada, geya 'aihasila, wagahata wasawasaina ma hebaiyedi ma wete babadaedi sitoholo sakowasiyediya,

Heꞌitaꞌita 5:9

Ma wali 'ehauna siwaliyeya sigwae, “Moisa, 'owa sawasawahiu ma buki beno 'u'ewa, ma wete 'ana losipwa sawasawahiu ma 'ulihasi, weyahina silohe'amasigowa ta bweyahiuwega tomota 'uhemaisediya Yehoba weyahina, taudi bodaedi, 'enanaedi, susuwedi ma 'ebeloinaedi mabwaiyadi 'oidiyega.

Heꞌitaꞌita 6:11

Coinega yaluyaluwaedi 'adi 'ale'o wa'ewa'e'edi 'i'ebwaediya, ta 'ihegwaediya ma tuta 'i'iunamo si'aiyawasi, 'ana siga tupwadi wete 'iyadiyao mebale'u silohe'amasidi, gide tuwa mwalo taudi silohe'amasidiya Yehoba 'ina paihowa weyahina, ma 'eguma 'adi hasihasila sawasawahina, 'oinega Yehoba mebale'u tolohe'amasaedi 'iloinaedi.

Heꞌitaꞌita 7:8

wete Sebuloni tuwelo tausani, ma Yosepa tuwelo tausani, ma wete Beniyamina tuwelo tausani.