Heꞌitaꞌita 3:3 - Loina Nuahuana

³ Ma mwalo he'itaina sihe'itegomiya ta wahesagoheya, sowasowana wanuwatuhuyahi ma wanuwahila eema wamuliya bwaibwaini. Ma 'eguma geya 'enowega wada toholowa, 'abwa 'oimiya yatauyawa ma yalohe'ate yohogomi gidemusa toyagaha, ta geya wasanapu tolahisa yalatuwa.

Heꞌitaꞌita 3:3 ပူးပေါင်းရင်းမြစ်များ

Madiu 25:13

“Coinega sawasawahimi wa'itayahi, weyahina sabweloina, nuwana tutaina yalohihilama, geya wasanapu.

Maki 13:33

Coinega walomatayahi, weyahina 'igu tuta hilama geya wasanapu.”

Maki 13:36

Geya'abwa yalatulatuma ma 'eno'enowega 'atemi yaloheyoho.

1 Tesalonaika 5:2

weyahina bo'i wasanapuya, 'abehega geya tasanapu, ma hesi 'ina tauyama 'abwa gide toyagaha 'ina tauyama gide nihuwanega,

1 Timoti 6:20

Timoti yo, ginaulaedi Yehoba 'i'ebwaegowa 'u'itayahi bwaibwainidi, ma sanapu 'abo'abodi ma he'ahwa panapanawa besobeso sahena 'umulimuliyedi.

2 Timoti 1:13

Mwalo guguyaedi bwebwe'adi ya'ebwaegowa, Yesu Keliso 'ana hemisa ma 'ana helau weyahidi, ee 'umuliya bwaibwainidi.

Ibeliu 2:1

Coinega sawasawahida ma gwaeyedi tahesagohediya tanuwatuhu yahidi, ma sahena tanuwanuwa naidedi.

2 Pita 1:13

Ma tuta bewa mayawasiguwa yamiyamiya, 'ilobwainegauwa ma yahenuwa lagugomi ma 'omi wahetapewa mumuga bwebwe'ana weyahina.

2 Pita 3:1

Ciyagwao, bewa 'igu leta heluwena 'oimiya, ma 'igu letaedi 'eluwa 'oidiyega yatohotoho ma yahenuwa laguwegomi ma wanuwatuhu bwaibwaini,

2 Pita 3:10

Ma Bada 'ina bwa'omatana 'ana sabwelo 'abwama 'ina tauyama gide toyagaha ma 'ilohesalutuigitamo, ma galewa sisawala ma'ina 'alapwasi madouna, ma ginaula mabwaiyadi galewa 'aiwe 'ala'alasina 'oinega 'i'ala hesawalidi, ma wete bale'u ta ginaula mabwaiyadi 'oina 'i'ala hesawalidi.

Heꞌitaꞌita 16:15

“Wahesagoha, 'abwa 'igu hapwesama gide toyagaha 'idi hapwesama tuwa, ma 'eguma 'owa taiya 'ulomatayahi ma 'a 'ale'o 'u'otemomosi, 'uyaliyaya, 'ane geya'abwa 'umwadina 'ino bugewa weyahina.”

Heꞌitaꞌita 2:25

Tuwa ma'imi hemisa watoholopa'ala 'ana siga yahilama.

Heꞌitaꞌita 2:5

Mwalo bwebwe'ami, ma wanuwatuhu ta'eha 'oinega wabe'uwa, 'oinega wanuwabui hila ma wapaihowa bwebwe'ana, gide mwalo. Ma 'eguma 'abwa geya wanuwabui, nata yatauyawa 'oimiya ma 'imi mayale 'oimiyega ya'ewa yahule.

Heꞌitaꞌita 22:7

Ma Yesu 'igwaeya, “Wa'ita! Bewa ma yanaowa, ma taudi gwae hemisa buki bewa 'oina 'adi tohematamatanao siyaliyaya.”

Heꞌitaꞌita 3:11

“Cabwa yatauyawa, ma to'aha gide 'oimiya 'imiyamiya, wa'abiyahi momosidi ma geya'abwa taiya maisaina 'oimiyega 'i'ewa'ewa yahule.

Heꞌitaꞌita 3:19

“Ma wanuwatuhuyahi 'abehega taiyawedi 'omi ya'atemuya muyaegomi, gwae pa'alinega ma loinega yagihe dumwaluwegomi. Coinega wahewaiwai ma 'imi puiyega wanuwabui.

Heꞌitaꞌita 3:2

“Coinega 'eno'enowega watoholo ma to'aha 'i'iuna 'oimiya 'imiyamiya wagihemadou, ma sahena mabwaiyana si'ama'amasa. Yasanapuya 'imi paihowao Yehoba matana tupwana geya dumwaludi.