Heꞌitaꞌita 17:2 - Loina Nuahuana

² Ma bale'u 'ana kiniyao pui 'oina sihewaiwai toganawalaina ma'iyadiu, ma 'oinega mebale'u mabwaiyadi pui mumugana sinumeya ta sihebuwa.”

Heꞌitaꞌita 17:2 ပူးပေါင်းရင်းမြစ်များ

Yoni 2:10

'igwae, “Togidega ta waini bewa bwebwe'ana ne'abwega tuwa 'abwa 'ulagu latuheyama? Ma hesi 'uda sanapu 'abehega tauda mumugada beno waini bwebwe'ana ta'ebwae nugetedi tomota 'oidiya 'abwa muliyetega waini galana.”

Heꞌitaꞌita 14:8

Ma anelose heluwena 'imuliyeya ta 'ibwauwa, 'igwae, “Casa madouna Babiloni 'ibe'u pwaiya. Casaina 'ina mumugega boda mabwaiyadi 'ihenumediya, mumugaina beno wahi 'ana henuhenuwa mumuga galana weyahina.”

Heꞌitaꞌita 17:13

“Taudi site nima 'eluwaedi 'idi nuwatuhu mahemahetena, nuwanuwadi ma 'idi waiwai ma 'idi loina sitagwaledi hebaiina 'oina.

Heꞌitaꞌita 17:17

Weyahina Yehoba 'atediya 'ihenuwa laguweya ma 'ina nuwatuhu sipaihowa, beno 'idi paihowa mahemahetena, ma 'idi waiwai ta 'idi loina hebaiina 'abwa si'ebwae, ta tauna 'iloina 'ana siga Yehoba 'ina gwaeyedi 'ipaihowadi.

Heꞌitaꞌita 17:5

Ma manina sanina sileleya 'ana 'unuwadawada, 'igwae, “Babiloni madouna, beno toganawalao ta topui gala hedada sinadiu.”

Heꞌitaꞌita 17:8

Hebaiina 'u'iteya mwalo mayawasina ma 'i'amasa pwaiya, ma 'abwa 'ilatuma gaulaina madouna 'oinega ma 'itauya, ma 'oinega sigihegala bwaibwaini. Ta tomota mebale'u, taiyewedi taudi sanidi Yehoba geya 'ilele yawasi bukina 'alona, tutaina bale'u 'ana hemasalaha hauhau 'oina, taudi hebaiina 'abwa si'ita ma nuwadi 'ihenainaida, weyahina mwalo mayawasina, ta tuta bewa 'i'amasa pwaiya, ma 'abwa 'ilatu hilama.

Heꞌitaꞌita 18:23

Eeta mayale 'idi 'asilala 'oina geya'abwa silatulatu. Ma wete geya'abwa tohaiyedi 'enadi 'asaina 'oinega sihehesagohe. “Moisa, bale'u mabwaiyana 'oina bewa 'asaina 'ana towasawasao sihane hedadeya, ta 'idi 'oba 'oidiyega hali tupwa tomotaidi si'abowediya.

Heꞌitaꞌita 18:3

weyahina Babiloni 'ina wainiyega boda mabwaiyadi 'ihenumediya, wainiina beno pui galana. Tauna gide toganawala. Coinega bale'u 'ana kiniyao ba'idadiu sipuiya, ma 'ina puiyedi 'oidiyega to'ahwa'uneyao 'idi wasawasa madouna silobaloba.”

Heꞌitaꞌita 18:9

Ma bale'u 'ana kiniyao, taudi wahineina ba'idadiu silogwaliya ta simiya hemataganawala, taudi wete 'asaina weyahina sidou ma sidougwaegwae, 'eguma 'asa 'i'ala'alasi, ma 'asuna si'ita.

Heꞌitaꞌita 2:22

“Coinega 'abwa lohala ya'ebwae, ma 'eguma taiyawedi ma'iyanao silologwali, mwau madouna siloba, 'eguma 'idi paihowa galadiyedi geya 'oidiyega sinuwabui.

Heꞌitaꞌita 3:10

“Ma 'abwa tuta mwau 'ilatu bale'uwa, ma tomota mabwaiyadi 'itohodi, ma hesi 'omi mwauina 'oina ya'itayahigemi, weyahina 'igu gwae wahematamataneya, ma weyahigu wa'alama'i'ita.

Heꞌitaꞌita 9:21

Ma wete tomotaedi geya sida nuwanuwabuiya lohe'amasa ma 'oba ma logwali ma yagaha 'oidiyega. Tuwa debadi 'ipa'ala.