Heꞌitaꞌita 13:1 - Loina Nuahuana

¹ Citotoholo ta ya'e'ebubuna, ta 'aigeda wete hebaiina tauna holega 'ihanema, donanao 'adi baibaiwa nima 'eluwa, ma mwagunao 'adi baibaiwa sebeni, ma donanaedi mabwaiyadi ma'adi pasa wasawasa, ta wete mwagunaedi 'oidiya sani galadi silelediya.

Heꞌitaꞌita 13:1 ပူးပေါင်းရင်းမြစ်များ

Heꞌitaꞌita 11:7

Coinega tohepwaila 'eluwaedi 'idi hepwaila tomota 'oidiya 'igumwala, ma hebai 'aigeda gaulaina madouna 'oinega 'ihapwesama, ma 'abehega tohepwailaedi 'oidiya 'ilo'aleha ee 'ihewaiwai, ta 'ilohe'amasidi.

Heꞌitaꞌita 12:3

Wete 'aigeda 'ebe henainaida galewega 'ilatuma, beno hebai bwehabwehalina ma madouna, ta mwagunao 'adi baibaiwa sebeni ma donana 'adi baibaiwa nima luwaluwa, ta mwagunao 'oidiya pasa wasawasa simiyamiya.

Heꞌitaꞌita 13:11

Ta wete 'aigeda hebai hetoina ya'iteya bale'uwega 'ilatuma, ma donanao 'eluwa gide lami donanao, ma 'enana gide hebai nugenugetaina bwehabwehalina 'enana.

Heꞌitaꞌita 13:14

Ma tagwala 'iloba pwaiya ta 'oinega hebaiina holega matana 'aniyanaedi 'ipaihowediya, ma nage 'oina mebale'u mabwaiyadi 'i'abowediya. Ma 'ina 'abowedi 'oidiya 'igwae, “Da'ule 'aigeda watagi eema wapaihowa 'ana 'ita gide hebaiina 'elepega 'ihesilaheya ta 'ibwebwe'ana hila.”

Heꞌitaꞌita 13:15

Eeta sipaihoweya, ta hebaiina hauhauna ma'ina loina, 'oinega da'ule tagitagina yawasina 'i'ebwaeya, ta sawasawahina 'igwae, 'oinega 'iloina 'abehega 'eguma taiyewedi geya 'oina si'etuluha nata 'amasa siloba.

Heꞌitaꞌita 15:2

Ma wete ya'iteya gide hola 'ina daumwala ma wete ninininimana, ta holaina papalina boda sitotoholo, taudi sihewaiwai pwaiya hebai galana ma'ina dimwa tagitagina ma wete sanina 'ana hasihasila 'oidiyega. Ma tomotaedi nimadiya 'ebe gihedohedou Yehoba 'oinega,

Heꞌitaꞌita 16:13

Ma yaluyaluwa 'etoi galadi ya'itediya, 'adi 'ita gide 'we'we silatulatuma hebaiina bwehabwehalina 'ahwanega, ma wete hebaiina holega ma wete 'ina palopita 'abo'aboina 'ahwadiyega.

Heꞌitaꞌita 17:16

Ma dona nima 'eluwa ta hebaiina 'u'itediya, taudi 'abwa toganawala silo'alehe, ta 'ina tobwatobwao mabwaiyadi si'ewadi ma nimenimenamo 'imiyamiya, ma wete hesiyona si'ai, ta hilihiliyanao 'aiweyega sigabudi.

Heꞌitaꞌita 17:3

Ma Yaluyaluwa Tabuna 'oinega yalotohogauwa gide aneloseina 'itoegauwa tupwa yoho 'awawa, ma wahine 'aigeda ya'iteya hebai bwehabwehalina 'igeluya, ma hebaiina wahina mabwaiyana 'oina sani galadi silelediya, ma mwaguna 'adi baibaiwa sebeni, ma donanao 'adi baibaiwa nima 'eluwa.

Heꞌitaꞌita 17:5

Ma manina sanina sileleya 'ana 'unuwadawada, 'igwae, “Babiloni madouna, beno toganawalao ta topui gala hedada sinadiu.”

Heꞌitaꞌita 19:19

Ma ya'iteya hebaiina holega 'inaoma, ta bale'u 'ana babadao ma'idi tolo'alehao si'auta sabi lo'aleha hosi 'ana togeluina ma'ina tolo'alehao 'oidiya.