Heꞌitaꞌita 12:3 - Loina Nuahuana

³ Wete 'aigeda 'ebe henainaida galewega 'ilatuma, beno hebai bwehabwehalina ma madouna, ta mwagunao 'adi baibaiwa sebeni ma donana 'adi baibaiwa nima luwaluwa, ta mwagunao 'oidiya pasa wasawasa simiyamiya.

Heꞌitaꞌita 12:3 ပူးပေါင်းရင်းမြစ်များ

Heꞌitaꞌita 12:1

Ma galewa 'ebe henainaida madouna 'ilatuwa, beno wahine 'aigeda, 'ana 'ale'o sinala gide, ma wai'ena 'oina 'itotoholo, ma debana 'ana pasa 'ipwala tuwelo.

Heꞌitaꞌita 12:13

Nage 'oina hebaiina bwehabwehalina 'inuwasabwalena 'abehega bale'uwa siula suluheya, 'oinega 'ipa'iya wahineina, tauna gwama loheyana 'ihenatuneya.

Heꞌitaꞌita 12:17

Coinega hebaiina 'igamwasowala hedadeya wahineina 'oina, ta 'inaowa wahineina 'ina susuwao 'ilo'alehediya, taudi beno Yehoba 'ina gwae 'ana toguibigao ma Yesu 'ana tohepwailao. Eeta hebaiina bwehabwehalinaina nenegwala holai 'itoholo baula.

Heꞌitaꞌita 12:4

Ma subwenega 'ipwala baibaiwadi 'i'ahusapidiya ta 'iulediya bale'uwa. Ceguma 'ipwalaedi mabwaiyadi tawatahidi 'etoi tupwa 'oidiya, 'aigeda tupwa 'oina 'ihunu hegumwalidiya, ta 'eluwa situpwa. Ta hebaiina bwehabwehalina wahineina matana 'itoholowa, ma 'eguma 'ihenatune, nata gwamaina 'i'ai.

Heꞌitaꞌita 12:7

Coinega galewa 'aleha 'ilatuwa. Calehaina anelose madouna Maikeli ma'ina aneloseyao ma hebaiina bwehabwehalina ma'ina aneloseyao ma'iyadiyao silolo'aleha.

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

Heꞌitaꞌita 13:1

Citotoholo ta ya'e'ebubuna, ta 'aigeda wete hebaiina tauna holega 'ihanema, donanao 'adi baibaiwa nima 'eluwa, ma mwagunao 'adi baibaiwa sebeni, ma donanaedi mabwaiyadi ma'adi pasa wasawasa, ta wete mwagunaedi 'oidiya sani galadi silelediya.

Heꞌitaꞌita 13:2

Ta hebaiina ya'iteya 'ana 'ita gide simai, ma hesi madouna ta waiwaina, ma 'ahenao 'adi 'ita gide beya 'ahedi, ma 'ahwana gide laiyoni 'ahwadi. Ma hebai nugenugetanaina bwehabwehalina 'ina waiwai hebaiina holega 'i'ebwaeya, ma wete 'ina wagahata wasawasa ta 'ina loina madouna 'i'ebwaeya.

Heꞌitaꞌita 13:4

Ma wete hebai nugenugetana 'oina si'e'etuluha, weyahina loina 'i'ebwae pwaiya hebaiina holega 'oina. Ma wete hebaiina holega 'oina si'e'etuluha, ma sigwae, “Geya 'eta taiya 'ina waiwai hebai bewa gide ma 'oinega 'oina 'ida lo'aleha.”

Heꞌitaꞌita 15:1

Ma 'aigeda wete 'ebe henainaida madouna galewa ya'iteya, beno anelose sebeni, ma'idi muyamuya galadi 'adi baibaiwa sebeni. Ta mwauwedi sebeni beno Yehoba 'ina gamwasowala 'ana 'ebe losaloha.

Heꞌitaꞌita 16:13

Ma yaluyaluwa 'etoi galadi ya'itediya, 'adi 'ita gide 'we'we silatulatuma hebaiina bwehabwehalina 'ahwanega, ma wete hebaiina holega ma wete 'ina palopita 'abo'aboina 'ahwadiyega.

Heꞌitaꞌita 17:12

“Ma donaedi nima 'eluwa 'u'itediya, beno kini 'adi baibaiwa nima 'eluwa, taudi geya sihegaina ma siloina, ta 'abwa siloina tuta to'uto'upana 'oina, hebaiina ba'idadiu.

Heꞌitaꞌita 17:16

Ma dona nima 'eluwa ta hebaiina 'u'itediya, taudi 'abwa toganawala silo'alehe, ta 'ina tobwatobwao mabwaiyadi si'ewadi ma nimenimenamo 'imiyamiya, ma wete hesiyona si'ai, ta hilihiliyanao 'aiweyega sigabudi.

Heꞌitaꞌita 17:7

Eema aneloseina 'ihegwaegauwa, 'igwaeya, “Geya'abwa nuwau 'ihehenainaida. Yada gihemaedane 'oiuwa to'aha wahineina ma hebaiina 'oina 'igeluwa, tauna mwaguna sebeni ma donanao nima 'eluwa, 'adi nuwasabwalena.

Heꞌitaꞌita 19:12

Ta matana 'adi 'ita gide 'aiwe 'ininininima, eema debana 'ana pasa wasawasaedi baibaiwadi. Ma wete sanina sileleya geya sawasawahina ma taiya 'eta 'isanapu. Ciboinamo 'isanapuya.

Heꞌitaꞌita 20:2

ta hebai bwehabwehalina 'i'abiyahiya, tauna mwata nugenugetana ma Tomuduleleina, beno Seitani, ta 'ipaiya ta 'ana siga bolime tausani sigumwala.