Heꞌitaꞌita 11:3 - Loina Nuahuana

³ Ma tohepwaila 'eluwa 'abwa yahewasaedi, ma 'adi 'ale'o gide hiwahiwape 'adi 'ale'o, ta palopitaedi Yehoba 'ina gwae 'abwa sihepwaile sabwelo wan tausani tuhandeledi sikistiyedi (1260) 'alodiya.”

Heꞌitaꞌita 11:3 ပူးပေါင်းရင်းမြစ်များ

Madiu 11:21

“Comi meKolasini ma meBedeseida 'atemuyamuyaimi hesi. Weyahina 'ebe henainaidaedi yapaihowa pwaidiya 'oimiya, ma hesi geya wanuwabui. Ma hesi 'eguma meTaiya ma meSaidoni 'oidiya yada paihowediya, beno mwalo hene sida nuwabuiya, ma sibasibauwa 'adi 'ale'o sida 'otedi ma giba 'oidiyega sida gibadi ma sida he'itaedi 'abehega 'idi mumuga galadi 'oidiyega sinuwabui pwaiya.

Madiu 18:16

Ma 'eguma geya nuwana ma 'enau 'ihesagohe, tomota 'aigeda, nuwana 'eluwa wete, 'utoedima ba'idamiyao tasiu nina 'oina wagwae ma 'ina pui 'ana moisa 'inuwasabwaleni.

Luke 10:13

Coinega tupwaedi 'ana tomiyao 'ihegwaediya, 'igwae, “MeKolesini ta meBedeseida 'atemuyamuyaimi. Weyahina 'igu paihowa 'ebe henainaidaedi yapaihowa pwaidiya matamiya ma hesi geya wanuwabui, ma hesi 'eguma meTaiya ta meSaidoni 'oidiya yada paihowediya, beno mwalohene sida nuwabui pwaiya, ma sibauwa 'adi 'ale'owega sida 'otedi ta giba 'oidiyega sida gibediya, ta sihe'itaedi 'abehega mumuga galana 'oidiyega sinuwabui pwaiya.

Luke 24:48

Ginaula bewa 'omi tuwa 'adi tohepwailao.

Yoni 15:27

Ma wete 'omi weyahigu wahetohepwaila. Weyahina 'omi 'igu paihowa hauhau 'ebe hegaina eema 'ana siga bewa, 'omi mahetegwao.”

Yoni 3:27

Ma Yoni 'ana tomuliyaedi 'enadi 'ihemaiseya 'igwae, “Geya 'eta taiya sowasowahina ma 'iheloheya madou 'eguma Yehoba geya 'oina 'itagwala.

Paihowa 1:8

Ma 'omi hesi 'abwa Yaluyaluwa Tabuna 'inaowa 'oimiya ma 'i'abihe waiwaiyegomi, ma taugu weyahigu wahetohepwaila Yelusalema 'oina, ma Yudiya ma Sameliya gogonao mabwaiyadi 'oidiya, ta wete gogo gabulena mabwaiyana 'oidiya.”

Paihowa 13:31

ta sabwelo tupwana baibaiwana 'ilatulatu 'ana to'wayabuwao 'oidiya, taudi mwalo mahetenao Galiliyega ma Yelusalema 'oina sinaoma. Taudi bewa tuwa To'abihetenaina weyahina sihehepwaila tomota 'oidiya.

Paihowa 2:32

Bewa Yesu 'ina 'amasega Yehoba 'i'abihetoholo hila pwaiya, ma tauna mabwaiyama 'a'iteya.

Paihowa 3:15

Coinega yawasi bwebwe'ana 'ana to'ebwaya walohe'amasiya, ma Yehoba tauna 'amasega 'i'abihetoholo hileya, ta mabwaiyama 'a'iteya.

1 Kolinita 12:28

weyahina 'ida paihowao hekalesiya 'alona hagana ma hagana. Yehoba 'iheguyaiyediya 'oida, nugeta tauma Keliso 'ana tohepwailao, ta muliyetega palopitao taudi Yehoba 'ina nuwatuhuwao sihehepwaile nugete, muliyetega tohe'itao, ma ginaula 'ebe henainaida 'adi topaihowao, ma to'abi hebwebwe'ana, ma to'abihetenao, ma tohanugetao, ta taudi hali 'enana 'adi tohegwaegwaeyao.

2 Kolinita 13:1

Nata yahabo'enegomi, beno hetoina 'igu habo'ena 'oimiya. Ceguma taiyawedi nuwanuwadi ma 'iyadaina 'aigeda 'oina siyatala, 'ilobwaineya ma tomota 'eluwa bo 'etoi sihepwaila mahemahetena 'ina pui weyahina.

Epeso 4:11

Ta 'ina heguheguyai bewa gidemusa, 'abehega tomota tupwadi sihetohepwaila, ma tupwadi sihepalopita, ta tupwadi sihetologuguya, ma tupwadi sihetohanugeta, ma tupwadi sihetohe'ita.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Heꞌitaꞌita 11:2

Ma hesi Hada He'asisi papalina geya'abwa 'ulihelihe, weyahina mulimuli beno tomiya ganamuli weyahidi, taudi beno geya meYudiya, ta 'ahediyega Yehoba 'ina 'asaina si'abihebi'iya, wai'ena potitu (42) 'alodiya.

Heꞌitaꞌita 11:6

Siteluwaedi ma'adi loina, ma tutaedi Yehoba 'ina gwae sihehepwaile, dohi galewega si'etobodedi. Wete ma'idi loina bidala 'oidiya, ma sihebweyaha. Wete ma'idi loina mwau ta muya weyahidi, ma 'eguma to tuta 'oina nuwanuwadi ma mwauwedi silatu, tuwa sida latu.

Heꞌitaꞌita 12:6

Ma wahineina 'idena tupwa yoho 'awawa. Nage 'oina wahineina 'ina tupwa Yehoba 'i'atububuya, ma 'oina 'i'itayahi sabwelo 'adi baibaiwa gide wan tausani tuhandeledi sikisti (1260).

Heꞌitaꞌita 13:5

Ma hebaiina tagwala 'iloba pwaiya ma ginaula gala hedade 'i'inanedi, ta wete ma'ina loina wai'ena potitu (42) 'alodiya.

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.

Heꞌitaꞌita 20:4

Ma wete tupwana wagahata wasawasa ya'itediya, ma 'oidiya taudi Yehoba loina 'i'ebwaediya simiyatoiya. Ta wete tomotaedi tani'odi si'upwediya, weyahina taudi Yesu 'ana tohepwailao ma Yehoba 'ina gwae 'ana tohepwailao, yaluyaluwadi ya'itediya, taudi geya hebaiina ma'ina dimwa tagitagina 'oidiya sida 'etuluha, ta geya 'ana 'ila'ilala manidiya ma nimadiya silagudi. Taudi bewa 'amasega sitoholo pwaiya, ta Keliso ba'idadiu siloiloina bolime tausani 'oidiya.