Heꞌitaꞌita 10:6 - Loina Nuahuana

⁶ ta 'ibwau haneya, Yehoba sanina 'i'inaneya, tauna miyamiya hatayana, ta ginaula mabwaiyadi 'adi togihemasaleha, beno galewa ma ginaula mabwaiyadi 'alona, ma wete gogo gabulena ta ginaula mabwaiyana 'alona, ma hola wete ta ginaula mabwaiyadi 'alona. Ma aneloseina 'igwaeya, “Tuta 'ilatu pwaima.

Heꞌitaꞌita 10:6 ပူးပေါင်းရင်းမြစ်များ

Heꞌitaꞌita 4:11

“Cowa 'ima Bada ta 'ima Yehoba, 'ilobwainemaiya ma 'ahepwatuwego ma 'ahe'asisiyego, weyahina 'ino waiwaiyega ginaula mabwaiyana 'u'abi hemasalehediya. Cuboi 'ino nuwatuhuwega 'upaihowediya, ta nige mayawasidi.”

Heꞌitaꞌita 16:17

Ma anelose hesebenina 'ina biyo 'i'eweya ta galewa ma bale'u gamwagamwanidiya 'isiweya, ma wagahata wasawasa Hada He'asisi 'alonega 'aigeda 'enana madouna 'ilatuma, 'igwaeya, “Cigumwala pwaiya.”

Heꞌitaꞌita 4:9

Tomiya hatayaina 'ina wagahata wasawasa 'oina 'imiyatoi, ma tuta baibaiwana hebaiyedi bewa siwaliwali hepwatu, ma si'ahwa'ahwa wasawasa, ma wete siloloyauwedo 'oina.

Heꞌitaꞌita 1:18

Mayawasigu yamiyamiya. Mwalo ya'amasa, ma 'u'ita taugu yamiyamiya ta geya'abwa yagumwagumwala. Eeta nimaguwa 'amasa ma Bwebweso 'adi kihi ma sowasowahigu yaso'edi.

Heꞌitaꞌita 4:10

Ma tuta baibaiwana, 'eguma hebaiyedi bewa siwaliwali, babadao site tuweniti powaedi sibe'u talutalubu'i tauna miyamiya hatayana 'ina wagahata wasawasaina matana, ma si'etuluha 'oina. Ma debadi 'adi pasa goula wagahata wasawasaina matana silagu suluhediya, sigwaegwae,

Heꞌitaꞌita 6:11

Coinega yaluyaluwaedi 'adi 'ale'o wa'ewa'e'edi 'i'ebwaediya, ta 'ihegwaediya ma tuta 'i'iunamo si'aiyawasi, 'ana siga tupwadi wete 'iyadiyao mebale'u silohe'amasidi, gide tuwa mwalo taudi silohe'amasidiya Yehoba 'ina paihowa weyahina, ma 'eguma 'adi hasihasila sawasawahina, 'oinega Yehoba mebale'u tolohe'amasaedi 'iloinaedi.

Heꞌitaꞌita 12:12

Ee 'oinega tomiya galewa mabwaiyami wayaliyaya, ma hesi 'omi bale'u ma hola 'ana tomiyao mwau madouna 'oimiya, weyahina Seitani 'isulu pwaiya 'oimiya ta ma'ina gamwasowala, weyahina 'isanasanapu 'abehega 'ina tuta to'uto'upana tuwa 'imiyamiya.”

Heꞌitaꞌita 21:6

Ta wete 'ihegwaegauwa, 'igwaeya, “Cigumwala pwaiya. Taugu tuwa 'ebe hegaina ma 'ebe losaloha, ma 'eguma taiyewedi taudi tani'odi 'iyahala, nata we'aha bidalega ya'ebwae tuwa, yawasidi weyahina.