Heꞌitaꞌita 1:3 - Loina Nuahuana

³ Wayaliyaya 'owa tohasilanaina ma 'omi tohesagoha, 'eguma gwae bewa wahesagohe ma wamuliye, weyahina ginaulaedi 'ihepwailediya 'abwa nata silatu.

Heꞌitaꞌita 1:3 ပူးပေါင်းရင်းမြစ်များ

Madiu 24:15

“Cabwa 'ila'ilalaina palopita Daniyela 'ihepwaila nugetaeya 'ilatu, beno ginaula gala hedade ma didiga tupwa he'asisi 'oina 'itoholo. (Ceguma taiya gwae bewa 'ihasili 'inuwasabwalena.)

Luke 11:28

Ma Yesu wete 'igwaeya, “Taudi hesi 'eguma Yehoba 'ina gwae sihesagohe ma 'ina gwae sihematamatane, taudi toyaliyaya moisa.”

Loma 13:11

Ee 'oinega bewa tutaina sawasawahina tuwa 'eguma gide wapaihowa 'esa, weyahina 'ida tuta 'i'iunamo ma 'igumwala. Yesu bo'i wahemiseya, ee 'oinega sahena wa'eno'eno ma hesi wa'o'oyatola, weyahina 'ida tuta 'i'iunamo ma 'ada To'abiheteina 'ilatuma.

Loma 13:12

Ta moisa tuwa 'i'iunamo gona 'i'adale, eema 'ane nihuwana 'ana paihowa ta'ebesine, ma ta'atububugita sabwelo 'ana paihowa weyahina.

1 Pita 4:7

Muhemuhena ginaula mabwaiyana sigumwala. Coinega wa'itayahigomi ma 'imi nuwatuhuwao wagihepa'alidi, ma tuta baibaiwana wa'ahwa'ahwanoi Yehoba 'oina.

2 Pita 3:8

Ciyagwao, 'aigeda wete ginaula wanuwatuhuyahi, 'abehega bolime tausani gide sabwelo 'aigeda 'ida Badaina 'oina, ma wete bolime tausani tauna 'oina gide sabwelo 'aigeda mahemahetena.

Heꞌitaꞌita 22:10

Ma wete 'ihegwaegauwa, 'igwaeya, “Geya'abwa gwae nugetaedi buki bewa 'alona 'udahwadahwadi, weyahina tuta deina tuwa.

Heꞌitaꞌita 22:12

Coinega Yesu 'igwaeya, “Nata yanaowa ma 'ami maisa ya'ewediwa, ma yaheguyai 'oimiya, gide 'imi paihowa 'adi madou.

Heꞌitaꞌita 22:20

Gwae bewa 'ana tohepwaila 'igwaeya, “Moisa! Bewa ma yanaowa.” Gide Bada, 'unaoma, 'owa Yesu.

Heꞌitaꞌita 3:11

“Cabwa yatauyawa, ma to'aha gide 'oimiya 'imiyamiya, wa'abiyahi momosidi ma geya'abwa taiya maisaina 'oimiyega 'i'ewa'ewa yahule.