Galetiya 5:1 - Loina Nuahuana

¹ Tamiya bwebwe'ana weyahina Keliso 'ilihasigita 'ada paiyao 'oidiyega, 'oinega watoholo pa'ala ma geya'abwa watagwatagwala hilegomi Mosese 'ina loina paipaina 'oina.

Galetiya 5:1 ပူးပေါင်းရင်းမြစ်များ

Madiu 23:4

“Taudi 'aha'ahala mwaudi tomota si'ebwa'ebwaedi, ma hesi taudi geya sitagwala ma 'aha'ahalaedi 'oidiyega si'abihetedi.

Luke 5:38

Ma hesi tasiwa 'wapi 'ebesiwa 'ehau daisinamo 'oidiya.

Paihowa 15:10

“Sahena Yesu 'ana tohemisao hauhaudi tupwa ganamuliya 'oidiyega 'adi 'aha'ahala mwauna wa'ebwa'ebwaedi, tabu ma Yehoba wa'abihe gamwasowali, weyahina 'aha'ahalaina tubudao meYudiya geya sowasowahidi ma si'ahali, ta tauda wete geya sowasowahida.

Loma 6:14

Coinega bewa tutaina pui nata geya wete 'iloiloinaegomi, weyahina Yehoba 'ina 'atemuyamuya 'alona wamiyamiya, ma geya Mosese 'ina loina 'alona.

Loma 7:3

Ma 'eguma wahineina mwanena 'imiyamiya ma 'ihaibala hali loheya 'oina, beno pui 'ipaihoweya. Ma 'eguma mwanenaina 'i'amasa ma hali loheya 'oina 'ihaibala, beno geya pui, weyahina mwanena nugenugetanaina 'ina loina 'oinega 'igumwala.

Loma 7:6

Ma bewa tuta loinaina 'oida 'igumwala, weyahina mwalo loinaina 'oinega gide 'ipaigita ma ta'amasa Keliso mahetedai, 'oinega Kelisoina 'ada paina 'oidega 'ilihasiya, ma bewa tutaina sowasowahida tapaihowa bwaibwaina. Weyahina Yehoba Yaluyaluwana 'ina waiwai 'oida 'imiyamiya, ma hesi Mosese 'ina loina leleleinaina geya 'ina waiwaimo, geya sowasowahina 'i'abi hedumwalugita.

Loma 8:15

Eeta Yehoba sahena tamatamataute weyahina 'i'ahwa natunegita, ta tauda geya gide 'ina topaihowao, ma hesi gide natunao ma ma'ida 'atepatu tagwaegwae 'oina, “Tamagu!”

Loma 8:2

Yesu Keliso mahetedai, 'oinega Yehoba Yaluyaluwanaina 'ilihasigita pui ma 'amasa 'idi loina 'oidiyega, ma yawasida 'ehauna talobeya.

1 Kolinita 15:58

Ma wete 'iyagwao yaloyauwedo madouna 'oimiya ta yaguguyegomi ma watoholo pa'ala ma tuta mabwaiyana wada hetapewa Bada 'ina paihowa 'oina, weyahina 'abwa Bada 'ina paihowaina 'oinega huwaina taloba.

1 Kolinita 16:13

Ciyagwao wa'itayahigomi, ma ma'imi hemisa moisa watoholo pa'ala ma wahewaiwai,

1 Kolinita 7:22

Moisa, topaihowa bale'uwa 'eguma Keliso 'oina sihemihemisa, Yehoba sawasawahina 'idi puiyao 'oidiyega 'ilihasidi, ta wete loheya madoudi 'eguma Keliso 'oina sihemisa, sihe'ali'e tauna weyahina.

2 Kolinita 11:20

'eguma paihowa mwaudi si'ebwaegomi, ma 'oinega 'oimiyega siyagayagaha, ma si'abowegomiya, ma ma'idi nuwahane manimiya sisapi.

2 Kolinita 3:17

Ma Bada tauna Yaluyaluwa, ma Badaina Yaluyaluwana 'ada tolihasa.

Galetiya 2:4

Ma 'iyadao tupwadi 'abo'abodi silugu pwaima, nuwanuwadi si'ita 'ida miya bwebwe'ana Yesu Keliso mahetemai, ta taudi geya tohemisa moisa, weyahina nuwanuwadi ma loina mwauna si'ebwaemai.

Galetiya 3:25

Bewa tuwa Keliso 'inao pwaima, 'oinega loinaina 'ana 'itayahi 'oida 'igumwala,

Galetiya 4:26

Ma hesi tauda geya paipaida, eeta 'ida 'asa Yelusalema galewa, gide sinadai 'ihenatunegita Yehoba 'ina gwae hemisa 'oinega.

Galetiya 4:31

Tauda geya Isimeli gidemusa, weyahina topaihowa paipaina natuna, ma tauda Aisake gidemusa eeta tamiya bwebwe'ana.

Galetiya 4:9

Ma bewa tuwa Yehoba wasanapuya, nuwana tagwae Yehoba 'isanapugomiya. Coinega to'aha weyahina Yehobaina walogwahateya ma wanuwahila 'imi 'ebe hemisaowedi belubeluidi 'oidiya, ta nuwanuwami weyahidi wapaihowa hila.

Galetiya 5:13

Ciyagwao, Yehoba 'ihesinuwa pwaigomiya ta lihalihasimi. Lihalihasimi ma hesi geya'abwa mumuga bale'u wamulimuliyedi. Mumugami hesi helau 'ina loinega watauya, ma waboimo wahelemalema hilegomi.

Epeso 6:14

Coinega watoholo ma he'ita moisa walogadiwane ma lumalumami wa'ausidi mumuga dumwaluna 'oinega,

Pilipai 1:27

Ta hesi wa'itayahigomi ma 'ane 'imi paihowao 'oidiyega tomota Keliso tetelina si'ahwa bwebwe'ane, eema 'eguma yahabo'enegomi, bo nuwana 'eguma yamiya hila, tuwa wasami bwebwe'ana yahesagohe 'abehega ma'imi 'atetagwala watoholo pa'ala, ta ma'imi nuwatuhu mahemahetena eema 'oinega wahetahetapewa wasa bwebwe'ana 'ana hemisa weyahina,

1 Tesalonaika 3:8

Coinega 'imi toholo waiwai 'ida Bada weyahina 'amnama 'ibwebwe'ana.

2 Tesalonaika 2:15

Ciyamayao watoholo pa'ala, ma 'ami he'itaedi, 'ima gwaeyega bo 'ima letao 'oidiyega wa'abiyahidi.

Ibeliu 10:23

Coinega tatoholo pa'ala ma 'ida hemisa Yesu 'oina ta'abi'abiyahi, ma tahepwaila latuwe tomota 'oidiya, weyahina Togwae hemisaina geya 'i'abo, ta hesi 'ina gwaeyedi gide 'ipaipaihowa 'esedi.

Ibeliu 3:14

Tauda mwalo 'ida hemisa Keliso 'oina talaguya, ma 'eguma 'ida hemisaina ta'abiyahi bwaibwaini ma 'ana siga tuta 'ana 'ebelosaloha 'oina, Keliso ba'idadai tayaliyaya mahemahetena.

Ibeliu 3:6

Ma 'iyamo Keliso Yehoba 'ina hada 'ihetapewa, geya topaihowa gide, ta hesi tauna natuna moisa. Tauda taboi Yehoba 'ina hadaina tuwa, 'eguma tahemisa hataya ma'ida 'atepatu ta ma'ida yaliyaya.

Ibeliu 4:14

Cida Topwaoli Madouna ma 'ausalana 'imiyamiya, tauna Yesu, Yehoba Natuna, weyahida 'ihane pwaiya galewa, 'oinega 'ida hemisa 'oina ta'abiyahi momosi.

1 Pita 2:16

Ma 'omi hesi Yehoba 'ilihasi pwaigomiya ma 'abehega waboi waloinaegomi, ma hesi geya'abwa paihowa galadi 'oidiya watautauya, ma wapaihowa tuwa gidemusa 'omi Yehoba 'ina topaihowao.

2 Pita 2:19

Cadi tomuliyao 'oidiya sigwae, “Ceda bewa 'oina wanaoma, 'eda bwebwe'ana, ma geya 'eta wete 'etoboda 'imiyamiya.” Ma geya, taudi 'idi mumuga galana 'oinega siboimo sipai hilediya.

Yude 1:3

Ciyagwao, nuwanuwagu ma 'ada 'abihetenaina weyahina yaleleyawa, ma hesi geya sawasawahina, weyahina 'aigeda mwau 'ihapwesa pwaiya 'oimiya, 'oinega 'ilobwaineya ma leta bewa 'oinega yalohatotogomi ma 'abehega geya'abwa 'ida tapwalolo dumwadumwaluna walologwahate, ma hesi wahetapewa weyahina. Weyahina 'ida tapwaloloina tauda Yehoba 'ana tohemisao 'i'ebwae pwaigita.

Heꞌitaꞌita 2:25

Tuwa ma'imi hemisa watoholopa'ala 'ana siga yahilama.

Heꞌitaꞌita 3:3

Ma mwalo he'itaina sihe'itegomiya ta wahesagoheya, sowasowana wanuwatuhuyahi ma wanuwahila eema wamuliya bwaibwaini. Ma 'eguma geya 'enowega wada toholowa, 'abwa 'oimiya yatauyawa ma yalohe'ate yohogomi gidemusa toyagaha, ta geya wasanapu tolahisa yalatuwa.