Galetiya 4:6 - Loina Nuahuana

⁶ Coinega wete Yehoba Natuna Yaluyaluwana 'ateda 'ilaguya ma Yehobaina 'i'ahwa tamaneya 'igwae, “Tamagu!”

Galetiya 4:6 ပူးပေါင်းရင်းမြစ်များ

Maki 14:36

'igwaegwae, “Tamagu, paihowa baibaiwana sowasowahiu, 'oinega nuwanuwagu ma muya biyoina bewa 'oiguwega 'u'ewayahule, ma hesi geya 'abehega taugu 'igu nuwatuhuwega, ta hesi 'owa 'ino nuwatuhuwega 'upaihowa.”

Luke 11:13

Moisa, 'omi togala ma 'imi 'ebwaya natumiyao 'oidiya wasanasanapu 'abehega ginaula bwebwe'ana wa'ebwa'ebwaedi. Gide wete Tamamiu galewa 'ina 'ebwaya 'oimiya bwebwe'ana hedada, ma 'eguma wa'ahwanoi 'oina, nata Yaluyaluwa Tabuna 'i'ebwaegomi.”

Luke 11:2

Coinega Yesu 'oidiya 'igwaeya, “Bewa gide wa'ahwanoi 'esa, wagwae: Tamama, saniu 'ahe'asisiyane. Ca'ahwanoi 'oiuwa ma 'ane 'uloinemai.

Yoni 14:16

Ma wete Tamagu 'oina ya'ahwanoi ma 'ami tolema 'aigeda 'ihesumaneyama,

Yoni 15:26

“Comi nata 'ami tolema Tamagu 'oinega yahesumaneyama. Tauna Yaluyaluwaina, gwae moisa huhuna. Tauna nata 'ihetohepwaila weyahigu.

Yoni 16:7

Ma hesiyage bewa yagwae moisa 'oimiya 'abehega bwebwe'ana 'oimiya 'eguma ya'ebesinegomi. Weyahina 'eguma geya'abwa ya'ebe'ebe sinegomi, nata geya'abwa wete Tolemaina 'itautauyama 'oimiya. Ma hesi 'eguma ya'ebesinegomi ma yatauya, nata 'ami Tolemaina yahesumaneyama 'oimiya.

Yoni 3:34

“Loheyainaina Yehoba 'ihesumaneyama tauna 'ina gwae 'ihehepwailedi, weyahina Yehoba Yaluyaluwana 'oinega 'ilohemaheya.

Yoni 7:39

Yesu 'ihehegwaegwae Yaluyaluwa Tabuna weyahina, ma muliyetega 'abwa 'ana tohemisaowedi Yaluyaluwa Tabuna 'oidiya 'iluhu. Tutaina beno 'oina, Yaluyaluwa Tabuna 'abwa geya tomota 'oidiya 'iluhu, weyahina Yesu 'abwa geya 'ihane 'ina 'ebeloina 'oina.

Paihowa 16:7

Ma sinaoma Misiya ma sitohoya ma 'abehega Bitiniya 'oina siluhu, ta Yesu yaluyaluwana geya 'itagwaledi.

Loma 5:5

Nuwatuhuyahina bewa geya 'ida 'abihenuwa galegita, weyahina Yehoba Yaluyaluwana 'itagwaleya 'oida. Yaluyaluwanaina 'ina helau madou hedadena 'oinega 'ateda 'ilohemahediya.

Loma 8:9

Ma 'omi Yehoba Yaluyaluwana 'iloiloinegomi, ta 'oimiya wete 'imiyamiya, eeta waboi 'imi nuwatuhu geya 'ida loinegomiya. Weyahina 'eguma taiya Keliso Yaluyaluwana geya 'oina, tauna geya Keliso 'ina boda.

1 Kolinita 15:45

Buki He'asisi 'ina hepwaila wete gidemusa 'igwaeya, “Loheya nugenugetaina, Adama wahina mayawasina; ma loheya heluwena yaluyaluwana 'oinega sowasowana yawasida 'i'ebwaegita.”

2 Kolinita 1:22

ma 'ina 'ila'ilala 'oida 'ilaguya, beno Yaluyaluwana 'ateda, ma 'oinega tasanapugita 'abehega tauda 'ina tomotaiyao.

2 Kolinita 3:17

Ma Bada tauna Yaluyaluwa, ma Badaina Yaluyaluwana 'ada tolihasa.

Epeso 1:13

Ma wete 'omi Keliso 'oinega tetela moisa ma bwebwe'ana beno 'ami 'abihetena weyahina wahesagoheya eeta tauna wahemisaeya, ma wete Yaluyaluwa Tabuna tauna 'igwae hemisaeya ta 'i'ebwaegomiya,

Epeso 2:18

Eeta tauna 'oinega, 'omi ma tauma Yaluyaluwa 'aigeda 'oinega 'itoegita Tamada 'oina.

Epeso 4:30

Geya'abwa Yaluyaluwa Tabuna nuwana wagihegihegala, weyahina Yaluyaluwa Tabunaina gide 'ila'ilala 'oida, 'abehega 'abwa 'ada gihe'ehau taloba.

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Pilipai 1:19

Ma wete yayaliyaya, weyahina yasanapuya 'abehega Yesu Keliso yaluyaluwana 'ina lema 'oinega ta 'imi 'ahwanoiyao weyahigu 'oidiyega nata lema yaloba miyamwau bewa 'oinega.

1 Tesalonaika 4:8

Ma hesi 'eguma taiya loinaina 'iligehi, geya 'abehega tomota 'idi loina, ma hesi Yehoba 'ina loina 'iligeligehi, weyahina Yaluyaluwa Tabuna tauna nuwatuhu 'ana to'abihe'ehau, beno Yehoba 'ina 'ehele 'oida.

1 Pita 1:11

Ma Keliso Yaluyaluwana 'atediya 'ihe'ita nugetediya 'ina muyao ma 'ina wasawasa muliyetega weyahidi eeta palopitaowedi sanapu si'ebeseya to tuta 'oina ma togidega 'abihetenaina 'ida hapwesa 'esa.

Yude 1:20

Ciyagwao, 'ilobwainegomiya ma tapwalolo dumwaluna wa'abiyahi momosi ma 'oinega wagihe pa'aligomi, ma wete Yaluyaluwa Tabuna 'ina waiwaiyega wa'ahwanoi Yehoba 'oina,

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.