Galetiya 2:4 - Loina Nuahuana

⁴ Ma 'iyadao tupwadi 'abo'abodi silugu pwaima, nuwanuwadi si'ita 'ida miya bwebwe'ana Yesu Keliso mahetemai, ta taudi geya tohemisa moisa, weyahina nuwanuwadi ma loina mwauna si'ebwaemai.

Galetiya 2:4 ပူးပေါင်းရင်းမြစ်များ

Luke 5:38

Ma hesi tasiwa 'wapi 'ebesiwa 'ehau daisinamo 'oidiya.

Paihowa 15:1

Ma tupwadi loheloheya Yudiya 'oinega sisuluma, ta sihehe'ita tohekalesiyao meAnitioki 'oidiya, sigwaegwae, “Mosese mwalo 'iloinaemaiya 'wapima 'ana 'upwa weyahina. Ma 'eguma 'omi 'wapi 'upwaina geya wa'ewa, nata geya 'abihetena walobaloba.”

Paihowa 15:24

Mwalo tetelimi 'ahesagoheya 'abehega tupwadi loheloheya tauma 'oimega sinaowa ma hali tetela 'oinega si'abihe 'wanigomiya, beno siboi 'idi nuwatuhuwega, ta geya tauma 'ima hemataluwa.

Paihowa 20:30

Ta wete 'omi nata 'oimiyega tupwadi sihegaina ma sihe'ita 'abo'abo 'oimiya, ta tupwana tomota silisidi taudi 'idi bodao 'oidiya.

Loma 8:15

Eeta Yehoba sahena tamatamataute weyahina 'i'ahwa natunegita, ta tauda geya gide 'ina topaihowao, ma hesi gide natunao ma ma'ida 'atepatu tagwaegwae 'oina, “Tamagu!”

2 Kolinita 11:13

Weyahina to'abowedi 'adi 'ita gide Keliso 'ana tohepwailao ma hesi galana sipaipaihowa.

2 Kolinita 11:17

Cigu gwae gagasa bewa geya 'ida Bada 'ina loinega, ma hesi yauyaulegu tuwa.

2 Kolinita 11:20

'eguma paihowa mwaudi si'ebwaegomi, ma 'oinega 'oimiyega siyagayagaha, ma si'abowegomiya, ma ma'idi nuwahane manimiya sisapi.

2 Kolinita 11:26

Ma wete 'igu 'adau 'oidiyega 'ebehesilae yalobediya we'aha madoudi ma toyagahao 'oidiyega, ma 'igu bodao meYudiya 'oidiyega, ma taudi geya meYudiya 'oidiyega, ta 'asa madoudi 'oidiyega, ta pwatula 'oidiya, ta wete ni'u 'awawa, ma wete tasidao 'abo'aboidi 'oidiyega,

2 Kolinita 3:17

Ma Bada tauna Yaluyaluwa, ma Badaina Yaluyaluwana 'ada tolihasa.

Galetiya 1:7

Moisa, Tetela Bwebwe'ana 'aigeda tuwa, ma geya wete 'eta tetela 'imiyamiya, ma hesi tupwana tomota sigihe'wanigomiya weyahina nuwanuwadi ma Keliso tetelina sigibuidi ma 'oinega si'abowegomi.

Galetiya 4:25

ta 'idi 'asa Alebiya 'alona, 'oya 'aigeda, sanina Sainai, ta Sainai 'ana sanapu 'abehega gide taudi meYelusalema sauga bewa, weyahina taudi paipaidi Mosese 'ina loinao 'oidiyega.

Galetiya 4:3

Tauda gidemusa, weyahina mwalo 'ida 'ebe hemisao nugenugetaidi weyahidi tapaipaihowa,

Galetiya 5:1

Tamiya bwebwe'ana weyahina Keliso 'ilihasigita 'ada paiyao 'oidiyega, 'oinega watoholo pa'ala ma geya'abwa watagwatagwala hilegomi Mosese 'ina loina paipaina 'oina.

Galetiya 5:10

Taugu Bada yahemisaeya ma 'igihenuwa sabwalenigomi, ma 'igu loinamo wamuliya, ma 'eguma loheyaina 'ami tolohe'wadalele 'ana maisa galana 'abwa Yehoba 'oinega 'iloba.

2 Timoti 3:6

Weyahina tupwadi 'oidiyega hadai siluhuluhu wahiwahine geya 'idi nuwatuhu pa'alidi sabi 'abowedi, ma wahiwahineyedi sisanasanapu taudi topui, 'oinega 'amna hagana ma hagana silolotoho soladiya ta simulimuliyedi,

Yemesa 1:25

Ma Yehoba 'ina loina dumwadumwaluna 'oinega 'ida puiyao 'oidiyega 'ilihasigita. Ta 'eguma taiya loinaina weyahina 'inuwanuwatuhu ma 'ipaipaihowa, ma geya 'ida nuwanaideya, tauna loheyaina 'ina paihowa mabwaiyana yaliyayamo.

1 Pita 2:16

Ma 'omi hesi Yehoba 'ilihasi pwaigomiya ma 'abehega waboi waloinaegomi, ma hesi geya'abwa paihowa galadi 'oidiya watautauya, ma wapaihowa tuwa gidemusa 'omi Yehoba 'ina topaihowao.

2 Pita 2:19

Cadi tomuliyao 'oidiya sigwae, “Ceda bewa 'oina wanaoma, 'eda bwebwe'ana, ma geya 'eta wete 'etoboda 'imiyamiya.” Ma geya, taudi 'idi mumuga galana 'oinega siboimo sipai hilediya.

1 Yoni 4:1

Ciyagwao, sahena yaluyaluwa mabwaiyadi wahemihemisaedi, ma hesi watohodi, bwebwe'adi bo nuwana galadi. Ceguma taudi bwebwe'adi tasanapuya 'abehega Yehoba 'oinega sitauyama, ma taudi galadi hali tupwega sitauyama, weyahina bewa tuta palopita 'abo'abowao sihapwehapwesa mayaluyaluwadi geya Yehoba 'oinega.

Yude 1:4

Mwauina 'ihapwesa pwaiya 'oimiya, beno tupwadi togala si'abowegomiya ma 'imi boda 'oina siluguwa, 'oinega Yehoba 'ina helau 'oida taudi 'idi he'itega sibuiya ma ganawala, ma wete 'ida Yehoba ma Bada Yesu Keliso silogwahatediya. Taudi 'idi galao weyahidi 'adi loina mwauna mwalohene Yehoba 'ina buki 'oina silele pwaiya.