Galetiya 2:11 - Loina Nuahuana

¹¹ Ta muliyetega tutaina Pita 'itauyama Anitioki 'oina, ma nobwa 'ina mumuga geya 'idumwalu, 'oinega yagwae debeya 'ina mumuga galana weyahina.

Galetiya 2:11 ပူးပေါင်းရင်းမြစ်များ

Madiu 16:23

Ma Yesu 'itehinowa, ta Pita 'oina 'igwae, “Cowa Seitani, bewa tuwa 'u'ebesinegau! Sahena 'u'au'ausigau! Cino nuwatuhu tomota 'idi nuwatuhu, ma geya Yehoba 'ina nuwatuhu gide.”

Yoni 1:42

Eeta Anduluina tasina Saimoni 'itoeya ma mahetena sitauya Yesu 'oina. Ma Yesu Saimoniina 'i'ebubuya, 'ihegwaeya, 'igwae, “Cowa saniu Saimoni, tamau Yoni. Bewa tuwa saniu hauhauna yabwauwe Pita.” (Pita 'ana bui beno da'ule.)

Paihowa 11:19

Mwalo tohekalesiyao 'adi 'alehao Sitibeni silohe'amasiya, ma wete sitoho ma tohekalesiyao mabwaiyadi sida mutudi, 'oinega tohekalesiyaowedi sidena hali 'asa ma hali 'asa 'oidiya, ma tupwadi silatuwa Pinisiya ma Saipilosi ma Anitioki 'oidiya, ma wasa bwebwe'ana sihehepwaila meYudiya 'oidiya, ma hesi geya sihepwaila taudi tomiya ganamuli 'oidiya.

Paihowa 11:20

Ma muliyega tupwadi tohekalesiyao taudi meSaipilosi ma meSailini silatuwa 'asa Anitioki 'oina ma Bada Yesu wasana siloguguyaeya taudi meYudiya ma taudi geya meYudiya wete 'oidiya,

Paihowa 11:22

Tupwadi taudi tomiya ganamuli sihemisa Badaina 'oina, 'oinega wasadi 'i'elelewana, ta tohekalesiyao Yelusalema 'oina sihesagoheya, 'oinega Banaba sihewasaeya ma 'ihabo'enedi.

Paihowa 11:27

Tuta nage 'oina tupwadi palopitao Yelusalema 'oinega sisuluma Anitioki 'oina,

Paihowa 15:1

Ma tupwadi loheloheya Yudiya 'oinega sisuluma, ta sihehe'ita tohekalesiyao meAnitioki 'oidiya, sigwaegwae, “Mosese mwalo 'iloinaemaiya 'wapima 'ana 'upwa weyahina. Ma 'eguma 'omi 'wapi 'upwaina geya wa'ewa, nata geya 'abihetena walobaloba.”

Paihowa 15:5

Ma tupwadi Yesu 'ana tohemisao Palisi bodaedi 'oidiyega sitoholowa, ma sigwaeya, “Ceguma 'asa ganamuli 'adi tomiyao sihemihemisa, 'ilobwainediya ma 'wapi 'upwa si'ewa, ma wete taloinedi ma Mosese 'ina loinao simuliya nugetedi, ta 'oinega sowasowana sihekalesiya moisa.”

2 Kolinita 11:5

Cimi tologuguyao hauhaudiyedi 'omi wanuwatuhuya 'abehega sihane sinegauwa, ma hesi geya sowasowahidi.

2 Kolinita 12:11

Moisa, 'omi 'imi gwae weyahina yahepwaila pwaiya gide yauyauleigu. Cilobwainegomiya wa'ahwa bwebwe'anegau, ma hesi wa'ahwa galegalegauwa, eeta 'imi tohepwailao hauhaudi wa'ahwa bwebwe'anediya.

2 Kolinita 5:16

Mwalo, 'igu nuwatuhu 'abehega Keliso loheya galana ma hesi yanuwabui pwaiya, 'oinega sahena tahesihesinuwa tomota 'oidiya 'abehega bwebwe'adi bo galadi, beno mebale'u 'idi nuwatuhu gide,

Galetiya 1:18

Coinega bolime 'etoi mulina yahaneya Yelusalema ta Pita yahabo'eneya, eeta nobwa mahetegu sabwelo pipitini 'amiyamiya.

Galetiya 2:14

Coinega taugu yasanapuya 'abehega Pita ma bodaedi Keliso tetelina geya simuliya moisa, eeta mabwaiyadi matadiya Pita yahesilaleya, yagwaeya, “Ciyagu, 'owa Yudiya gwamaina ma tupwana tuta meYudiya 'idi mumuga wa'ebe'ebesine, ma 'asa ganamuli mumugadi 'umulimuliyedi, 'oinega togidega ma taudi hali 'asa tomotaedi 'ugilohihili 'esedi 'abehega Yudiya mumugaina simuliye?”

Galetiya 2:5

Coinega 'idi loina mabwaiyana 'alogwahatediya, ma geya 'eta to'aha 'oina 'atagwala. Geya'abwa 'ida tetelaina moisa weyahimi silagulagubui.

Galetiya 2:7

Moisa, tohanugetaedi Yehoba 'ina heguheguyai 'oima si'ita lobeya 'abehega taugu tetela bwebwe'ana yalologuguyae taudi toguguyou 'oidiya, ma Pita hesi meYudiya daisidimo 'oidiya 'ilologuguya.

Galetiya 2:9

Coinega tohanugetaedi, Yemesa ma Pita ma Yoni, taudi Yehoba 'ina helau 'oiguwa si'ita lobeya, eeta sitagwala Banaba ma taugu 'oima, ta mahetemayao 'anima'abiya. Ee, sitetoiyedi tohekalesiyao si'ahwa tonugetaediya, sitetoiyedi sitagwala 'oima ma 'abehega taugu ma Banaba 'atauya tomiya ganamuli 'oidiya, ma taudi hesi sitauya meYudiya dimo 'oidiya.

1 Timoti 5:20

Ma 'eguma tohanugeta 'ina pui 'u'italobeya 'uheliye boda matadiya, ma 'ane taudi wete simatauta ma sahena puiina 'oina siluhuluhu.

Yemesa 3:2

Moisa tuwa mabwaiyada pui tapaipaihowa. Ta 'eguma taiya tauna geya gwae galana 'ahwanega 'ida hapwesa, tauna loheya 'ehauna ta dumwadumwaluna, weyahina sawasawahina ma wahinao mabwaiyana 'iloinaedi.

Yude 1:3

Ciyagwao, nuwanuwagu ma 'ada 'abihetenaina weyahina yaleleyawa, ma hesi geya sawasawahina, weyahina 'aigeda mwau 'ihapwesa pwaiya 'oimiya, 'oinega 'ilobwaineya ma leta bewa 'oinega yalohatotogomi ma 'abehega geya'abwa 'ida tapwalolo dumwadumwaluna walologwahate, ma hesi wahetapewa weyahina. Weyahina 'ida tapwaloloina tauda Yehoba 'ana tohemisao 'i'ebwae pwaigita.