Epeso 6:19 - Loina Nuahuana

¹⁹ ma taugu wete weyahigu, ma 'oinega ma'igu 'atepatu tetela bwebwe'ana 'ana sanapu 'wai'waihina yahehepwaila.

Epeso 6:19 ပူးပေါင်းရင်းမြစ်များ

Paihowa 13:46

Ta Paulo ma Banaba ma'idi 'atepatu sigwae latuwa meYudiyaedi 'oidiya sigwaeya, “Cilobwaineya ma Yehoba 'ina gwae 'ahepwaila nugete 'oimiya, ma bewa tuwa walogwahateya, nuwana 'omi waboi waloinaegomi 'abehega geya sowasowahimi ma yawasimi hataya waloba, 'oinega 'alogwahategomiya, ma tomiya ganamuli 'oidiya 'aloguguya, taudi geya meYudiya 'oidiya.

Paihowa 14:3

Ma 'iyamo tuta dudulena Paulo ma Banaba simiyamiya tupwaina 'oina ta ma'idi 'atepatu silologuguya Bada weyahina. Ma Badaina 'ina waiwaiyega paihowa 'ebe henainaida ta hedehedede sipaihowediya, ma 'oidiyega Badaina 'ina helau wasana 'ana moisa tauna 'ihe'itediya tomota 'oidiya.

Paihowa 18:26

Ta tutaina Epeso 'oina 'ilatuma, 'iluhuwa meYudiya 'idi hada tapwalolo 'oina, ta ma'ina waiwai 'iloguguya. Ma Akuila ma Pilisila 'ina guguya sihesagoheya 'abehega 'ina sanapu tupwanamo tuwa, 'oinega sitoeya, ta Yehoba 'ina 'eda mabwaiyana sihe'itaeya.

Paihowa 19:8

Ma wai'ena 'etoi 'oidiya meYudiya 'idi hada tapwalolo 'alona Paulo 'iluhuluhu, ma Yehoba 'ina hetoloina weyahina ma'ina 'atepatu 'igwaegwae, ta 'i'ohe'ohe 'i'i'i'imidi.

Paihowa 2:4

Coinega mabwaiyadi Yaluyaluwa Tabuna 'ilohemahediya, ta sihegaina ma hali 'enana ma hali 'enana 'oidiyega sigwaegwae, beno Yaluyaluwa Tabuna 'ina waiwaiyega.

Paihowa 28:31

ta Yehoba 'ina loina weyahina 'iguguguyae ma 'ihehe'itae Bada Yesu Keliso weyahina, ta geya 'aigeda taiya 'itoho ma 'ina guguyaina 'i'ausi.

Paihowa 4:13

Ma toloinaowedi si'iteya Pita ma Yoni 'idi 'atepatu, ma sisanapuya 'abehega taudi tuwa tomiya 'asa, ma 'ebe se'ulu madouna 'oidiya geya siluhuluhu, 'oinega nuwadi sihepwanopwanowa ma sinuwatuhuya 'abehega mwalo Yesu ba'idadiu simiyamiya.

Paihowa 4:29

Bada yo, 'u'ita 'idi heliya tauma 'ino topaihowao 'oima, ma hesi 'uda 'abi hewaiwaiyemai ma ma'ima 'atepatu 'ino gwae 'ada hepwaile latuhe.

Paihowa 4:31

Cidi 'ahwanoi bewa silosalohiya, ma hadaina 'oina simiyamiya 'ilonihuwa, ma mabwaiyadi Yaluyaluwa Tabuna 'ina waiwai 'oinega si'atepatu, ma Yehoba 'ina gwae sigwae latuheya.

Paihowa 9:27

Ma Banaba 'iboimo 'ilemeya Saulo, ma 'itoeya Yesu 'ana tohemisao 'oidiya, ma 'ihe'ote'otetela 'abehega Saulo 'edai 'idi Badaina 'ilobeya ma 'enana 'ihesagoheya, 'oinega Damasiko 'oina ma'ina 'atepatu Yesuina weyahina 'iguguya.

Paihowa 9:29

Ma meYudiya taudi to'ena Gilisi Saulo ba'idadiu sihegwaegwae ma sihe'ohe'ohena, 'oinega taudimo siloiloina ma togidega ma silohe'amasi 'ese.

Loma 15:30

Ciyagwao, 'ida Bada Yesu Keliso saninega ma Yehoba Yaluyaluwana 'ina helauwega ya'ahwanoi 'oimiya, ma 'omi mahetegwao Yehoba 'oina ta'ahwanoi waiwai,

Loma 16:25

Coinega tuta bewa Yehoba tahepwatuwe, weyahina tauna sawasawahina 'i'abihe waiwaiyegomi, 'igu loguguyaina 'oinega, Yesu Keliso tetelina weyahina. Mwalona tetelaina dahwadahwaina,

1 Kolinita 2:7

Ma hesi sanapuina Yehoba 'oinega mwalo dahwadahwaina, ta bewa tuwa 'i'abilatuheya, weyahina muliyetega ma gogo gabulena 'ihemasaleheya, nugeta nuwanuwana ma 'ida 'ebeyaliyayaina 'ida 'ebwaegita.

1 Kolinita 4:1

Sowasowana ma wasanapumai 'abehega tauma Keliso 'ina topaihowao, weyahina tetelaina Yehoba 'oinega mwalo dahwadahwaina ma bewa tuwa 'ahehepwaile 'oimiya.

2 Kolinita 1:11

Comi wete 'imi 'ahwanoiyega walememai ma 'oinega maisa bwebwe'ana Yehoba 'oinega nata 'aloba, mabwaiyada 'ida 'ahwanoi 'oidiyega, 'oinega mabwaiyada taloyauwedo 'abihetenaina 'alobeya weyahina.

2 Kolinita 3:12

Tanuwatuhu yahiya 'abehega loina hauhauna 'oinega tabwebwe'ana hataya, ma weyahina ta'atepatu,

2 Kolinita 6:11

Ciyagwao meKolinita 'omi, 'agu lotohona mabwaiyana yahepwaila latuwa 'oimiya,

2 Kolinita 7:4

Yayaliyaya pwaiya weyahimi ma yahehepwatu, ta 'igu nuwatuhu 'ibwebwe'ana pwaiya weyahimi. Bewa tuwa 'ima miyamwau, ma hesi tuwa weyahimi yayaliyaya madouna.

2 Kolinita 8:7

Comi wamumuga 'ausala pwaiya 'imi paihowa baibaiwana 'oidiyega, beno hemisa ma hepwaila ma sanapu ma hepwatu ma wete 'imi helau 'oima, 'oinega sowasowahimi ma 'ehele 'ausalana wete wapaihowa.

Epeso 1:9

Wete sonoga ma sanapu mabwaiyadi 'i'ebwaegita, eeta tauna 'ina nuwatuhu dahwadahwanidi tasanapudiya weyahina bewa 'iloina nugeteya ma 'abehega Keliso 'oinega 'ilosalohidi,

Epeso 3:9

ma wete tomota mabwaiyadi sida sanapu 'abehega Yehoba tauna ginaula mabwaiyadi 'adi to'abihemasalaha, ma tuta dudulena 'oidiya 'ina nuwatuhu 'idahweya, ta sauga bewa 'igihe hapwesa pwaiya,

Kolose 2:2

Ma 'ane wete taudi helauwega sihe'iya'iyagu moisa, ma'adi lotohona bwebwe'ana ta ma'idi sanapu moisa, 'oinega siyaliyaya madouna, weyahina sinuwa sabwalena sanapuina mwalo dahwadahwaina, beno Keliso.

Kolose 4:3

Tauma wete weyahima wa'ahwanoi, ma 'oinega Yehoba 'ima 'eda 'i'abilatuhe 'oima, ma 'oinega Keliso wasana dahwadahwaina 'ahepwaila latuhe tomota 'oidiya. Tauna wasaina bewa 'ana hepwaila weyahina silagu luhuwegauwa deliya.

1 Tesalonaika 2:2

Wanuwatuhuyahi wete mePilipai mwalo simumuga geyogeyoiyemaiya ta si'abihedeba mwadinemaiya, ma tuwa Yehoba tauna 'i'abihe'ate patuwemaiya ma tetelina bwebwe'ana 'ahepwaileya 'oimiya, bwagana tomota silolo'alehemai, ma 'alologuguya 'oimiya,

1 Tesalonaika 5:25

Ciyamayao, wa'ahwanoi weyahima Yehoba 'oina.

2 Tesalonaika 3:1

Ciyamayao, nuwatuhu 'aigeda wete, nuwanuwama ma weyahima wa'ahwanoi Yehoba 'oina, ma Bada tetelina 'ima guguyega 'ihewaiwai tomota baibaiwadi 'oidiya, gide mwalo 'oimiya.

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

Pilimoni 1:22

Ginaula 'aigeda wete nuwanuwagu, beno 'igu 'ebe'eno 'ino hada, 'u'atububu, weyahina yanuwatuhuya 'abehega 'ino 'ahwanoi Yehoba 'oina 'oinega ma muhemuhena ma deliyega silihasigau ta yatauyawa 'oiuwa.

Ibeliu 13:18

Nuwanuwama wete tauma weyahima wa'ahwanoi Yehoba 'oina. Bewa tuwa 'anuwatuhuya 'abehega 'ima mumuga 'ausalana, ta nuwanuwama mumuga 'ausalanaina 'oina 'atoholo hataya.