Epeso 6:10 - Loina Nuahuana

¹⁰ Ciyagwao, Bada 'ina waiwai madounega wahewaiwai,

Epeso 6:10 ပူးပေါင်းရင်းမြစ်များ

1 Kolinita 16:13

Ciyagwao wa'itayahigomi, ma ma'imi hemisa moisa watoholo pa'ala ma wahewaiwai,

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.

Epeso 1:19

ma wete wada sanapu Yehoba 'ipaipaihowa waiwai tauda 'ana tohemisao weyahida.

Epeso 3:16

ta ya'ahwa'ahwanoi 'oina ma 'abehega 'ina wasawasa ma 'ina waiwai 'itagwala 'oimiya, ma 'ane Yaluyaluwana 'atemi 'igihewaiwaiyedi,

Pilipai 3:1

Ciyagwao, 'ilobwainegomiya wete ma 'ida Bada 'oina wada yaliyaya. Mwalo 'ami loina yaleleyawa, ta bewa tuwa wete nuwanuwagu ma yalele hilawa, ma 'oinega wamiya bwebwe'ana.

Pilipai 4:13

sawasawahigu miya mabwaiyana 'oidiya yada yaliyaya tuwa, weyahina tauna mahetegu 'igihe waiwaiyegauwa.

Pilipai 4:8

Ciyagwao, bewa 'aigeda wete loguguya 'abehega wada nuwatuhu ginaula moisadi ma'adi he'asisi weyahidi, ma ginaula dumwadumwaludi weyahidi, ma ginaula 'ehaudi weyahidi, ma ginaula 'adi 'ita 'ausaladi weyahidi, ma ginaula helahelauidi weyahidi, ta 'eguma to'aha bwebwe'ana 'oidiya bo nuwana 'ebe hepwatu 'oidiya.

Kolose 1:11

Ma wete tauna 'ina waiwai madounega 'i'abihe waiwaiyegomi, ma 'imi paihowa mabwaiyadi 'oidiya wahe'alama'i'itanegomi, ma watoholo pa'ala, ta wete ma'imi yaliyaya,

2 Timoti 2:1

Natugu Timoti, Yesu Keliso 'ina 'abihetenega 'uhewaiwai, ma

2 Timoti 4:17

Ta 'igu yatalaina 'oina Yehoba 'i'abihetegauwa ta waiwai 'i'ebwaegauwa, ma tetelina mabwaiyana yahepwaileya tomiya ganamuli baibaiwadi 'oidiya, ma Yehoba 'ina 'abihetena 'oinega geya laiyoni 'oidiya siulegau.

1 Pita 3:8

Bewa 'igu gwae 'ana 'ebelosaloha 'oimiya 'abehega 'imi nuwatuhuwega ma 'ami lotohonega wahe'aigeda ma wahelau hilegomi, ma ma'imi nuwadobi wa'atemuya muyaegomi.

1 Pita 4:11

Ceguma taiyawedi 'omi wahetohepwaila, wahetohepwaila tuwa gidemusa Yehoba 'ina gwae wahepwaileya, ma 'eguma taiyawedi 'omi walemalema, walema tuwa 'imi waiwai mabwaiyanega, gidemusa waiwaiina 'i'ebwaegomiya, ma 'oinega paihowa mabwaiyadi 'oidiyega tomota Yesu Keliso sisanapu ma Yehoba sihepwatuwe, weyahina tauna wasawasa moisa ma tohewaiwai moisa, tuta mabwaiyana 'oidiya. Emeni.

1 Pita 5:10

Yehoba tauna 'atemuyamuya huhuna ma 'ibwau pwaigita ma 'abehega 'ina wasawasa miyamiya hatayana 'oina tamiyamiya Keliso mahetedai. Ma 'imi muya tuta 'i'iunamo ma sigumwala, ma muliyetega Yehoba 'igihe 'ehaugomi ma 'igihepa'aligomi ma 'igihe waiwaiyegomi ma 'abehega wamiya bwebwe'ana.

1 Yoni 2:14

Ma 'omi gwagwama madoumi, gwae bewa yaleleyawa weyahina Tamada wasanapu pwaiya. Babadao yo, gwae bewa yaleleyawa weyahina 'omi tauna mwalohene ta bewa tuwa 'imiyamiya wasanapu pwaiya. Hewahewaliyao yo, gwae bewa yaleleyawa, weyahina 'omi tohewaiwai ta Yehoba 'ina gwae 'imiyamiya 'oimiya, 'oinega tauna topuiina wahewaiwai sineya.