Epeso 5:8 - Loina Nuahuana

⁸ weyahina 'omi guguyou mwalo 'oinega wahabala pwaima Yehoba 'ina 'asilala 'oina, 'oinega ma'imi mumuga 'asi'asilalaina wapaipaihowa,

Epeso 5:8 ပူးပေါင်းရင်းမြစ်များ

Madiu 3:8

Coinega 'ilobwainegomiya ma 'imi nuwabui moisa wahe'itaedi 'imi paihowa bwebwe'adi 'oidiyega.

Madiu 4:16

Taudi guguyou 'ina tupwa 'oina simiyamiya, ma hesi bewa tuwa maedana madouna si'ita pwaiya, weyahina mwalo 'amasa 'ina tupwa galana 'oina simiyana, ma bewa tuwa 'asilala 'oidiya 'isaehaneya.”

Luke 1:79

ma 'oinega taudi wete guguyou ma 'amasa 'idi tupwa 'oina simiyamiya 'ida 'abihe'asilaladi, ma 'oinega mabwaiyada 'ihanugetegita miya daumwala 'ana 'eda 'oina.”

Luke 16:8

“Coinega 'ina badaina 'ina paihowa bewa wasana 'ihesagoheya, ma 'ihepwatuweya, weyahina mebale'u sihewaiwai 'idi wasawasa 'ana paihowa 'oina, ma hesi Yehoba 'ina bodao geya sihewaiwai 'idi paihowao 'asilala weyahina.”

Yoni 1:9

Ma 'asilalaina 'asilala moisa. Gogo gabulena mabwaiyada 'oida 'ihe'asilala.

Yoni 12:35

Cidi gwaeina Yesu 'ihemaiseya 'igwae, “Sauga 'i'iuna 'oina maedana 'oimiya 'imiyamiya, 'oinega bewa tuwa maedanaina 'oina watauya. Weyahina guguyou 'eguma 'ilatuma, nata geya sowasowahimi ma 'eda wa'ita. Weyahina taiya 'eguma guguyou 'oina 'itauya, geya sawasawahina ma 'isanapu to'eha 'itautauya.

Yoni 12:36

Coinega tuta bewa 'oina watoho ma maedanaina 'ina miyana 'oimiya wahemisae ma 'oinega 'omi maedanaina natunao ma maemaedanimi.” Yesu 'ina gwae bewa 'oidiya 'igumwala, ma 'itauya, eeta 'oidiyega 'i'waiha.

Yoni 12:46

Taugu bewa maedanaina yatauyama bale'uwa ma 'oinega taiyawedi 'omi 'eguma wahemisaegau, nata geya'abwa guguyou 'oina watautauya.

Yoni 8:12

Coinega Yesu wete 'ihegwae hilediya 'igwae, “Taugu gogo gabulena 'ana 'asilala. Ma taiyawedi 'omi 'eguma wamuliyegau, nata taugu 'asilalaina yawasimi 'oidiya yasae hane, ma 'oinega geya'abwa guguyou 'oina watautauya.”

Paihowa 17:30

“Tutaina mwalo tomota Yehoba sihemwage mwageyeya, 'oinega geya 'ida gamwasowalediya, ma hesi bewa tuwa tauda tomota tupwa mabwaiyana 'oidiya 'iloinaegita ma 'ida pui 'oidiyega tanuwabui.

Paihowa 26:18

Weyahina taudi tomiya ganamuli 'oidiya 'abwa yahewasaego, ma matadi 'u'abi he'asilaladi, ma guguyou 'oinega si'ita hila 'asilala 'oina, ta wete Tomudulele 'ina 'ebeloina waiwaina 'oinega sihapwesama, ma Yehoba 'idi puiyao 'inuwasamudi, ma siluhu taudi 'agu tohemisao 'oidiya, beno taudi 'oiguwega si'ehauwa.’

Loma 1:21

Ma sisanapuya tauna tuwa Yehoba, ma geya sida he'asisineya bo sida loyauwedowa 'oina, ma nuwatuhu besobeso 'oina sihewaiwai, 'oinega 'eda'eda guguyou 'atedi 'ilohemaheya.

Loma 13:12

Ta moisa tuwa 'i'iunamo gona 'i'adale, eema 'ane nihuwana 'ana paihowa ta'ebesine, ma ta'atububugita sabwelo 'ana paihowa weyahina.

Loma 2:19

Ma waboi wa'ahwa tosanapuwegomiya 'abehega tomata gibugibu 'adi tohanugetao, ma taudi tomiya guguyou wa'atuhe 'asilalediya,

1 Kolinita 1:30

Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

2 Kolinita 3:18

Coinega geya 'aigeda 'ahubodaboda manida 'imiyamiya, ma Bada 'ina wasawasa 'asi'asilalana 'oina ta'e'ebubuna, ta tupwana ma tupwana 'ibuibuigita tauna 'ana 'ita 'asi'asilalana gide. Paihowa bewa Badaina 'oinega, tauna yaluyaluwa tuwa.

2 Kolinita 4:6

Weyahina Yehobaina 'igwaeya, “Guguyou 'oina 'asilala 'ida saehane,” ma Yehoba 'atema 'isaesaehane, 'oinega tauna 'ina 'asilala Keliso manina 'a'ita'ita.

2 Kolinita 6:14

Sahena watubwetubwegomi taudi geya sihemisa Keliso 'oina ba'idamiyao, weyahina geya sowana mumuga bwebwe'ana ma galana ma'aigeda wapaihowa. Wete geya sowana 'asilala ma guguyou ba'idana sihe'iya'iyagu.

Galetiya 5:25

Ma yawasida bwebwe'ana 'i'ebwaegita Yaluyaluwa Tabuna 'oinega, ta sowasowana ma Yaluyaluwaina 'ihanugetegita.

Epeso 2:2

Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

Epeso 4:18

'idi sinasinapu siguguyouwa, ma geya Yehoba yawasina 'oidiya 'imiyamiya, weyahina 'idi debapa'ala 'oinega siheyauyaule pwaiya.

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

Epeso 6:12

Weyahina 'ida lo'aleha geya tomota mahetedao, ma hesi toloina galadi ba'idadao, taudi guguyou bewa tuwa bale'uwa 'adi toloinao, ma galewa 'ana yaluyaluwao galadi.

Kolose 1:12

waloyauwedo Tamadai 'oina, weyahina tauna 'ina tagwalega tupwa 'asi'asilalaina 'oina tamiyamiya, 'ina tomotaiyao ba'idadao.

Kolose 1:13

Moisa, tupwa guguyou 'oinega 'i'etolihasigita ma 'ilagubuigita Natuna 'ina 'ebeloina bwebwe'ana 'oina.

Taito 3:3

Moisa tauda mwalo yauyauleida ta tologwahata hedada, 'oinega henuhenuwa ma yaliyaya besobeso nuwada si'ewa'ewa ma 'eda bwebwe'ana ta'ebesineya. Ma wete nuwanuwada lo'aleha ma he'ipi'ipi, 'oinega tomota tupwadi silo'alehegita, ma wete tauda talo'alehediya.

1 Yoni 1:7

Ma hesi 'eguma tupwa 'asilala 'oina tamiyamiya, gidemusa Yehoba 'ina tupwa 'asilala 'oina 'imiyamiya, beno ta'ahwa 'iya'iyagu moisa, weyahina Natuna Yesu bweyahinega 'igihe'ehaugita 'ida puiyao mabwaiyadi 'oidiyega.