Epeso 5:20 - Loina Nuahuana

²⁰ ma tuta mabwaiyana waloyauwedo ginaula mabwaiyadi weyahidi, 'ida Bada Yesu Keliso saninega, Tamada Yehoba 'oina.

Epeso 5:20 ပူးပေါင်းရင်းမြစ်များ

Yoni 15:16

“Comi geya wahesinuwegau ma 'oimiya yahe'inapwana. Taugu hesiyage yahesinuwanegomiya ma 'abehega yahesumanegomi, wapaihowa, ma 'imi paihowaedi 'oidiyega huwaimi bwebwe'adi silatu, ma wete 'oimiya simiya hataya. Ma 'oinega to'aha nuwanuwami, ma saniguwega wa'ahwanoi, nata wete Tamagu 'i'ebwaegomi.

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

Loma 1:8

Nugeta, yaloyauwedo Yehoba 'oina Yesu Keliso saninega, weyahina baibaiwami 'omi 'imi hemisa tetelina 'i'edadana 'asa mabwaiyana 'oidiya.

1 Kolinita 1:4

Moisa, Yehoba 'ihelauwegomiya ma ginaula mabwaiyana bwebwe'ana 'i'ebwaegomiya, gidemusa 'imi gwae bwebwe'adi ta 'imi sanapu bwebwe'adi Yesu Keliso 'oinega. Eeta tuta mabwaiyana weyahimi yaloyauwedo Yehoba 'oina.

1 Kolinita 15:24

Ma muliyetega Kelisoina nata toloinao mabwaiyadi 'ihewaiwai sinedi gide welabana ma hi'ahi'a ma yaluyaluwa galadi mabwaiyadi 'ihewaiwai sinedi, ma tuta 'ana 'ebe losaloha 'oina Keliso 'ina 'ebeloina 'i'ebwae Tamana 'oina.

Epeso 5:4

Wete geya'abwa 'ahwasewa bo 'ahwa galagala bo gwae besobeso, weyahina gwaeyedi geya 'adi lobwaina solamiya, ma hesi 'imi gwaeyega Yehoba wahepwatuwe.

Pilipai 1:3

Tuta mabwaiyana Yehoba 'oina yahelau, 'eguma tutaina yanuwatuhugomi,

Pilipai 4:6

Geya'abwa 'aigeda to'aha weyahina wanuwanuwa, ma hesi ma'imi loyauwedo ginaula mabwaiyadi weyahidi, Yehoba 'oina wa'etuluha, ta 'imi nuwatuhuwao weyahidi wa'ahwanoi,

Kolose 3:17

Ma mumugami mabwaiyadi, beno 'imi gwaeyao nana 'imi paihowao mabwaiyadi 'ida Bada Yesu saninega wapaihowa ma'imi loyauwedo Yesu saninega, Tamada Yehoba 'oina.

1 Tesalonaika 3:9

Coinega 'ima loyauwedo Yehoba 'oina geya sowasowahina 'alolagu, weyahina Yehoba 'oina 'ima yaliyaya weyahimi 'imadou hedada.

1 Tesalonaika 5:18

Ma wete tuta mabwaiyana waloyauwedo Yehoba 'oina, 'eguma 'imi miya bwebwe'adi 'oidiya ma wete miya galadi 'oidiya, 'imi yaliyayaina beno Yehoba 'ina nuwatuhu, tauda Yesu Keliso 'ina bodao weyahida.

2 Tesalonaika 1:3

Ciyamayao, 'ilobwainemaiya tuta mabwaiyana 'aloyauwedo Yehoba 'oina, 'imi hemisao ma 'imi helauwao waboi 'oimiya 'adi madou weyahina.

2 Tesalonaika 2:13

Ciyamayao, 'ida Bada 'ihelauwegomiya, weyahina tuta nugeta 'oina 'ihesinuwegomiya ma 'ane Yaluyaluwa Tabuna 'oinega 'i'abihe 'ehaugomi, ma tetela moisa wahemisae 'ami 'abihetena weyahina, 'oinega sowasowana tuta mabwaiyana weyahimi 'aloyauwedo Yehoba 'oina.

Ibeliu 13:15

Eeta Yesu 'ina lema 'oinega tuta baibaiwana 'oidiya Yehoba tahepwatuwe. Bewa 'ida pwaoli nonohana, 'eguma tauna sanina ta'ahwa madouwe.

1 Pita 2:5

Coinega 'omi wete gide yowayowana mayawasina, yaluyaluwami watagwaledi, ma 'oimiyega Yehoba 'ina Hada 'ida 'abi, ma nage 'oina wahetopwaoli 'ehaumi, ma Yesu Keliso 'ilemegomi ma yaluyaluwamiyega wahetopwaoli bwebwe'ana Yehoba 'oina.

1 Pita 4:11

Ceguma taiyawedi 'omi wahetohepwaila, wahetohepwaila tuwa gidemusa Yehoba 'ina gwae wahepwaileya, ma 'eguma taiyawedi 'omi walemalema, walema tuwa 'imi waiwai mabwaiyanega, gidemusa waiwaiina 'i'ebwaegomiya, ma 'oinega paihowa mabwaiyadi 'oidiyega tomota Yesu Keliso sisanapu ma Yehoba sihepwatuwe, weyahina tauna wasawasa moisa ma tohewaiwai moisa, tuta mabwaiyana 'oidiya. Emeni.