Epeso 4:30 - Loina Nuahuana

³⁰ Geya'abwa Yaluyaluwa Tabuna nuwana wagihegihegala, weyahina Yaluyaluwa Tabunaina gide 'ila'ilala 'oida, 'abehega 'abwa 'ada gihe'ehau taloba.

Epeso 4:30 ပူးပေါင်းရင်းမြစ်များ

Maki 3:5

Ma Yesu 'i'ebubu yahiyahidiya ma'ina gamwasowala ma wete ma'ina nuwagala 'idi debapa'ala weyahina, ma loheyaina 'ihegwaeya, “Nimau 'uyasi,” ma nimanaina 'iyasi hedumwaluya ma 'ibwebwe'ana.

Luke 21:28

Ma 'eguma wa'ita 'ila'ilalaedi bewa sihegaina hohau, beno wa'atepatu ma wa'itahane, 'ami 'abihetena 'ilatulatu.”

Yoni 3:33

Ma hesi taiyawedi 'eguma 'ina gwaeyedi si'abi'abi yahidi, beno taudi sihepwaileya 'abehega Yehoba 'ina gwae moisa.

Paihowa 7:51

Ma Sitibeni 'ihegwaediya wete 'igwae, “Moisa, 'omi tonuwa potapota, 'oinega Yehoba 'ina 'ila'ilala 'upwa 'wapimimo 'oina, ma geya 'atemiyega ma wete geya tenamiya, 'oinega tuta baibaiwana Yaluyaluwa Tabuna 'ina loina walologwahate, gidemusa tubumiyao silogwahateya.

Loma 8:11

Ma Yehoba Yaluyaluwanega Yesu 'amasega 'i'abi hetoholo hileya, ma 'eguma 'oimiya 'imiyamiya, nata 'omi Yehoba Yaluyaluwanaina 'oinega yawasi 'ehauna 'i'ebwaya wahimi 'ama'amasidi 'oidiya.

Loma 8:23

Ma tauda Yehoba Yaluyaluwana lotohona bwebwe'ana 'i'iuna 'i'ebwaegita ee 'abwa muliyetega miya bwebwe'anaina taloba moisa. Coinega bewa tuta ma'ada muya tawelawelaha, ma tayamwayamwa tolahisa 'abwa wahida 'i'abi'ehau hila, ma 'i'ahwa natunegita moisa.

1 Kolinita 1:30

Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

1 Kolinita 15:54

Ma 'abwa tuta nage 'oina Buki He'asisi 'ana 'ahwa moisa 'ilatu, beno 'igwaeya, “Tauna 'abwa 'ihewaiwai moisa ma 'amasa 'igumwala.

1 Tesalonaika 5:19

Ma sahena Yaluyaluwa Tabuna 'ina paihowa wa'eto'etobode.

Ibeliu 10:29

Coinega 'eguma taiya Yehoba Natuna 'ilohesohesoiye, ma bweyahina 'i'abihe'ehauya 'i'ahwa galagalae, ma wete 'i'abihe gamwasowali 'ada to'abihetena Yaluyaluwa Tabuna, nata 'ana maisa muya madou hedade 'iloba Yehoba 'oinega.

Ibeliu 3:17

Taudi weteyage bolime poti 'oidiya 'idi mumuga galadi weyahidi Yehoba 'i'ala'i'iwasa, 'oinega togalaedi yoho 'awawa si'ama'amasa hegumwala.