Epeso 4:28 - Loina Nuahuana

²⁸ Toyagaha 'ilobwainediya ma silolagu, ma hesi paihowa bwebwe'ana nimadiyega sida paihowadi ma paihowaina 'ana maisa 'oinega lema sida 'ebwa'ebwaya towewelohe 'oidiya.

Epeso 4:28 ပူးပေါင်းရင်းမြစ်များ

Luke 19:8

Ma Sakiusaina 'itoholowa ta Yesu 'ihegwaeya, 'igwae, “Bada, bewa 'oinega 'igu tobwatobwa mabwaiyana ya'upwaluwa ma 'aigeda tupwa towewelohe ya'ebwaedi. Ta wete 'eguma taiya 'oinega mwalo ya'ewa puiya, yada hemaise ma'ana lohepoi 'ehata wete ya'ebwae.”

Luke 3:8

Coinega 'ilobwainegomiya ma 'imi nuwabui moisa wahe'itae 'imi paihowa bwebwe'adi 'oidiyega. Ma sahena wagwaegwae 'abehega 'omi Ebalahamo tubunao 'oinega Yehoba 'i'atemuya muyaegomiya. Geya hene! Ma wa'ita Yehoba sowasowahina ma da'ule bewa 'oidiyega Ebalahamo tubunao 'ihemasalahadi.

Yoni 12:6

Yudasa 'ina gwae geya 'abehega moisa wewelohe weyahidi 'ihehegwaegwae, ma hesi tauna tuwa weyahina 'ihehegwaegwae. Tauna tuwa toyagaha 'aigeda ma Yesu 'ana tomuliyao 'idi mane 'ana to'ita yahina tauna. Coinega 'idi maneina 'i'ita'ita yahi ma maneinaina 'oinega 'iyagayagaha.

Yoni 13:29

Yudasaina tauna 'idi mane 'ana to'itayahina, 'oinega 'idi nuwatuhu 'abehega Yesu Yudasa 'ihegwaeya ma 'itauya guyaina weyahina ginaula 'igimwane, bo nuwana 'itautauya wewelohe 'oidiya ma 'idi mane 'i'ebwaedi.

Loma 12:13

Ma 'eguma tasimiyao 'eta to'aha mwau 'ilatu 'oidiya, beno 'imi tobwatobwega wa'abihetedi, ma wete wabwauwedi 'imi hada.

1 Kolinita 4:12

Tauma nimamega 'apaipaihowa, ma 'eguma taiyewedi si'ahwa galagalaemai gwae helauwega 'ahemaisadi, ma wete 'eguma si'abi hemuyamuyaemai tuwa 'a'alama'i'ita.

2 Kolinita 8:12

Sahena wagwaegwae ma wagwae, “Geya 'eta ginaula 'oima ma 'oinega 'ahelau.” Hesi tuwa wahetapewa ma to'aha 'oimiya 'imiyamiya 'oidiyega wahelau, ma Yehoba wa'abihe yaliyaya.

2 Kolinita 8:2

Taudi towewelohe gide tuwa 'ebetohona silobeya 'idi miya 'ana mwau 'oinega, ma hesi tuwa ma'idi yaliyaya helau bwebwe'ana hedade silaguya.

Galetiya 6:10

Coinega 'ilobwainegita ma tuta mabwaiyana 'oidiya tomota baibaiwadi talemedi, ma hesi Yehoba 'ana tohemisao talemedi madouna.

1 Timoti 6:18

Ma wete wasawasaedi 'uhemataluwedi ma paihowa bwebwe'adi ta helau ta 'ebwaya 'oidiyega sihewasawasa moisa.

Taito 3:14

Ta 'idi bodao mabwaiyadi 'uhe'itadi ma siguibiga, ta sawasawahidi tomiyamwau si'abihetedi, ma sahena simiyamiya daidaita.

Taito 3:8

Gwae bewa mabwaiyana gwae moisa, 'oinega 'uhewaiwai 'adi lohatoto 'oidiya, ma 'ane taudi Yehoba 'ana tohemisao gwaeyedi sihemisedi ma simuliyedi, ma paihowa bwebwe'adi sipaihowadi, bewa ginaula bwebwe'ana ta tomota 'adi 'ebelema.