Epeso 4:11 - Loina Nuahuana

¹¹ Ta 'ina heguheguyai bewa gidemusa, 'abehega tomota tupwadi sihetohepwaila, ma tupwadi sihepalopita, ta tupwadi sihetologuguya, ma tupwadi sihetohanugeta, ma tupwadi sihetohe'ita.

Epeso 4:11 ပူးပေါင်းရင်းမြစ်များ

Madiu 28:20

Loina mabwaiyana ya'ebwaegomiya ma wahe'itaedi, ma taudi wete sida muliyedi. Ma moisa, taugu ba'idamiu tamiyamiya sauga mabwaiyana 'oidiya, sauga bewa ma 'ana siga bale'u 'ana 'ebelosaloha 'oina.”

Paihowa 13:1

Casa Anitioki 'oina, tohekalesiyao 'idi palopitao ma tohe'itao bewa: Banaba ma Saimoni (tauna sibwauweya Dubaduba) ma Lusiyasi (tauna gwama Sailini) ma Manaeni (tauna kini Helodi 'ana yaso 'aigeda) ta wete Saulo.

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

Paihowa 21:8

Ta gona 'i'adaleya 'atauya Sisaliya, ma 'aluhuwa Pilipi 'ina hada, tauna mwalo tologuguya site sebeni 'aigeda 'oidiyega, ta mahetemai 'amiyamiya.

Loma 12:7

Ma 'eguma taiya 'abihetena 'isanapuya, nata 'iyanao 'i'abihetedi. Ma 'eguma taiya he'ita 'isanapuya, 'ihe'ita tuwa.

1 Kolinita 12:4

Yaluyaluwa Tabuina 'aigeda tuwamo, ma hesi 'ina heguyai 'oida hagana ma hagana.

Epeso 2:20

Comi wete si'abigomiya, 'oinega tauda gide tuwa hada, ma Yesu Keliso tauna 'ida wahuwahu, tauna 'oina logidi madoudi beno Yesu 'ana tohepwailao ma palopitao,

Epeso 3:5

Ma sanapuina tomota nugenugetadi geya sisanapu, eeta bewa tuwa Yaluyaluwa Tabuna 'igihelatuheya 'ina tohepwailao hesihesinuwadi ma palopitao 'oidiya,

Epeso 4:8

Bewa weyahina Buki He'asisi 'ina gwae 'igwaeya: “Tutaina 'ihaneya tabwana 'ana 'alehao 'ihewaiwai sinediya, eema tomota 'adi heguheguyai 'i'ebwaedi.”

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

Ibeliu 5:12

Tuta bewa 'ilobwainegomiya ma hali tomota 'oidiya wahe'ita, ta geya sawasawahimi, weyahina Yehoba wasana huhuna geya wasanapu, 'oinega 'abwa 'ahehe'itegomi. Comi susumo 'ilobwainegomiya weyahina 'e'ahai pa'alina geya 'ilobwainegomi.

Yude 1:17

Ciyagwao, 'ida Bada Yesu Keliso 'ana tohepwailao 'idi gwae hemisa wanuwatuhuyahi tutaina mwalo sigwaeya, sigwae, “Tuta 'ana 'ebelosaloha 'oina tupwadi tomota nata mumuga dumwadumwaluna silotuyane, weyahina taudi 'adi lotohona galana 'iloiloinedi.”

Heꞌitaꞌita 18:20

Wayaliyaya 'omi galewa Yehoba 'ina loheloheyao, ma wete palopitao, ma 'ana tohepwailao wayaliyaya, weyahina mwalo 'imi muyamuya 'asaina 'oinega walobeya, ma bewa tuwa Yehoba muya 'oinega 'ihemaisediya.

Heꞌitaꞌita 21:14

Casaina madouna si'abiya wahuwahu 'aigeda bwebwe'ana 'oina, beno dimwa tuwelo pa'alidi tabwadiya, ma dimwaedi 'oidiya Lami 'ana tohepwaila tuwelowedi sanidiyao silelediya.