Epeso 2:10 - Loina Nuahuana

¹⁰ Ma hesi Yehoba 'iboimo 'ina paihowa 'ateda 'i'atububudiya Yesu Keliso 'oinega, ma 'abehega tapaipaihowa paihowaedi bwebwe'adi Yehoba mwalo hene 'ihesinuwediya weyahida.

Epeso 2:10 ပူးပေါင်းရင်းမြစ်များ

Madiu 5:16

Comi wete gide, 'ilobwainegomiya ma 'imi 'asilala wa'abi he'asilala tomota 'oidiya, ma 'oinega 'imi paihowa bwebwe'ana si'ita ma Tamamiu galewa sihepwatuwe.

Yoni 3:21

Ma hesi taiyawedi mumugadi bwebwe'adi, nata taudi ma'idi yaliyaya maedanaina 'oina silatu ma maedanaina 'idi mumuga bwebwe'adiyedi 'i'abi latuhedi 'abehega Yehoba 'oinega simumuga 'esa.”

Paihowa 9:31

Nage 'oina tohekalesiyao meYudiya ma meGalili ma meSameliya 'asaedi 'oidiya simiya daumwala, ma sipa'ala, ma'idi he'asisi 'idi Badaina 'oina, ma Yaluyaluwa Tabuna 'ina 'itayahina 'oinega 'adi boda 'imadouwa.

Paihowa 9:36

Ma 'asa Yopa 'oina, Yesu 'ana tomuliya 'aigeda wahine 'imiyamiya, sanina Tabita, ta 'ana bui Dokasa, 'ana bui hebai sanina diya, ma wahineina 'abihetena ta helau huhuna.

Loma 8:1

Coinega 'eguma Yesu Keliso mahetedai, nata geya 'eta taiya 'ina gwae mwauna 'oida 'ilagulagu.

Loma 8:29

Eeta taiyawedi tauda 'ibwauwe pwaigita, beno 'igwae hemisegita ta tauda natunao, gide tuwa natunaina, eeta tauna 'ada tautuwa ma tauda 'ana 'alomauwao.

1 Kolinita 3:9

Bewa tuwa Yehoba ba'idamai 'ina tanoha 'apaipaihowa, ta 'ina tanohina beno 'omi tomota tuwa. Ma wete 'omi Yehoba 'ina hada.

2 Kolinita 5:17

ma hesi wanuwatuhuyahi 'abehega taiya Keliso 'oina 'imiyamiya, tauna 'ihetomota hauhauna. Cina mumuga miyamiyaina 'igumwala pwaiya, ma hauhauna 'ilatuwa.

2 Kolinita 5:5

Bewa mabwaiyana Yehoba 'i'atububuya ma 'i'ebwaegita, ta 'ila'ilala 'i'ebwaegita ma 'oinega 'ana moisa tasanasanapu beno Yaluyaluwa Tabuna.

2 Kolinita 9:8

Ma Yehobaina sowasowahina ma 'ehele mabwaiyana 'ida losiwa 'oimiya, eema tuta baibaiwana sowasowahimi, ma wete ma'ana tupwa madouna 'imi 'ehele weyahina.

Galetiya 6:15

Moisa, 'wapi 'upwa geya ginaula madouna, ma 'eguma geya ta'upwa beno wete geya ginaula madouna. Ginaula madouna 'aigeda tuwamo, 'eguma Yehoba Yaluyaluwana 'igihe'ehaugita.

Epeso 1:1

Yauwedo tohekalesiyao 'omi Yesu Keliso 'ana tohemisao, 'imi leta bewa taugu Paulo 'oiguwega. Yehoba 'ina nuwatuhu 'oinega yahetohepwaila To'abihetena Yesu weyahina.

Epeso 1:4

Weyahina mwalo hene 'abwa bale'u geya 'ihemasalehe ma 'ihesinuwa nugetegita ma 'abehega taheboda 'aigeda Keliso mahetedai, ta Yehobaina matana mumugada 'ehauna, ma geya 'ada 'ebe he'ewamo.

Epeso 2:13

Mwalo wamiya wasiya, ma bewa tuwa Yesu Keliso 'oinega, beno Kelisoina bweyahinega 'itoegomiya deina.

Epeso 2:15

Tauna wahina 'ana lohe'amasa 'oinega Mosese 'ina 'etobodao mabwaiyadi 'igibodeya, eeta tauna 'ihegogonegita ma taheboda 'aigeda tauna mahetedai, ta geya gidemusa mwalo boda 'eluwa simiyamiya, eema bewa tuwa tamiya daumwala,

Epeso 2:2

Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

Epeso 2:6

ma wete Keliso mahetedai, 'igilagasigita, eeta 'ebemiya galewa Yesu Keliso 'oinega 'i'ebwaegita, tauna Yehobaina mahetedai.

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

Epeso 4:24

ma 'oinega mumuga hauhauna wa'ewa Yehoba 'ina mumuga gide, weyahina tauna 'ateda mumuga bwebwe'ana ma 'ehauna 'ilaguya.

Pilipai 1:6

Wete ma'igu hemisa 'abehega Yehoba 'ina paihowa bwebwe'ana 'ihegaineya 'atemiya, 'abwa nata tauna 'ilosalohi Yesu Keliso 'ina sabwelo madouna 'oina.

Pilipai 2:13

weyahina Yehobaina 'atemiya 'ihetahetapewa, ta 'abehega tauna 'ina nuwatuhuwega 'omi wanuwanuwatuhu ma wapaipaihowa.

Kolose 1:10

Ta 'imi paihowaedi 'oidiyega 'ida Badaina wa'abihe yaliyaya. Ma wete mumugami bwebwe'ana 'ihuwahuwa, ta Yehoba 'ana sanapu 'oimiya 'ihemadou.

Kolose 3:10

Ta mumuga 'ehauna walobeya, weyahina 'ada topaihowaina sauga mabwaiyana 'i'abihe 'ehaugita, ma 'ane tauna wasanasanapu ma mumugana wahe'au'aunaowe.

2 Tesalonaika 2:17

Yehoba tauna ta 'ida Bada Yesu Keliso sida 'abihe yaliyayegomi, ma sida 'abihe waiwaiyegomi, ma 'ane waguibiga 'imi paihowa 'oidiya, ta tuta mabwaiyana 'imi hegwaegwae sibwebwe'ana.

1 Timoti 5:10

ma tomota matadiya mumugadi dumwaluna, weyahina natudiyao 'adi 'itayahina 'oina sipaihowa bwaibwaina ma wete taumanao ta tohekalesiyao 'adi 'abihetena 'oina, wete tomiya mwau silemedi ma si'atemuyamuyaedi, beno 'ilobwainediya ma tohekalesiya 'oidiya siluhu, ma tohekalesiyaowedi 'oidiyega 'adi lema, nana 'e'ahai, bo 'ale'o si'ewa.

1 Timoti 5:25

Gide wete paihowa bwebwe'adi tupwadi simiyamiya latu, ma tupwadi 'abwa nata simiya latu, weyahina geya sawasawahina ma simiya dahwana.

1 Timoti 6:18

Ma wete wasawasaedi 'uhemataluwedi ma paihowa bwebwe'adi ta helau ta 'ebwaya 'oidiyega sihewasawasa moisa.

2 Timoti 2:21

Ma 'eguma taiya mumugana galana 'oinega 'i'abihe'ehau hila, beno 'ihegaeba bwebwe'ana, ma 'ina 'inapwana 'ilagu 'ina paihowa bwebwe'adi weyahidi.

2 Timoti 3:17

ta 'ida waiwai talobalobadi Yehoba 'ina paihowao weyahidi, weyahina Buki He'asisi 'ina gwae 'oidiyega Yehoba 'i'atububugita, ta 'ina paihowao bwebwe'adi mabwaiyana sawasawahida.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Taito 2:7

Ta 'owa mumugau mabwaiyana 'oidiyega tomota 'uhe'itadi ma taudi wete simumuga bwebwe'ana. Eeta gwae moisega 'uhe'ita, ma 'ane mumugau ta 'ino he'ita 'ilobwaine.

Taito 3:1

Wete 'uhenuwa lagudi ma 'asa 'ana toloinao 'idi loina 'oidiya sitagwaledi, ma sihematamatana, ta paihowa bwebwe'adi sipaihowadi.

Taito 3:14

Ta 'idi bodao mabwaiyadi 'uhe'itadi ma siguibiga, ta sawasawahidi tomiyamwau si'abihetedi, ma sahena simiyamiya daidaita.

Taito 3:8

Gwae bewa mabwaiyana gwae moisa, 'oinega 'uhewaiwai 'adi lohatoto 'oidiya, ma 'ane taudi Yehoba 'ana tohemisao gwaeyedi sihemisedi ma simuliyedi, ma paihowa bwebwe'adi sipaihowadi, bewa ginaula bwebwe'ana ta tomota 'adi 'ebelema.

Ibeliu 10:24

Cilobwainegita wete ma tauda tada he'abi'abihetena, ma 'ane tahe'iya'iyagu moisa, ma wete paihowa 'ausaladi tapaihowadi.

Ibeliu 13:21

Ma Yehoba sowasowana ginaula baibaiwadi 'ausaladi 'i'ebwaegomi ma 'oidiyega 'ina nuwatuhu wamuliye moisa, ma 'oinega Yesu Keliso 'ina paihowega Yehoba 'i'abihe bwebwe'anigomi to'aha gide 'ina nuwatuhu, ma weyahimi 'iyaliyaya. Coinega Kelisoina tada hepwatu hatae. Emeni.

1 Pita 2:12

Ma wamumuga bwebwe'ana taudi geya meYudiya 'oidiya. Weyahina bewa tuwa 'abwa si'ahwa'ahwa galagalaegomi, ma tuta muliyetega 'imi paihowa bwebwe'ana si'ita, ma 'oinega tutaina Yehoba 'ilatuma Yehobaina sihepwatuwe.

1 Yoni 1:7

Ma hesi 'eguma tupwa 'asilala 'oina tamiyamiya, gidemusa Yehoba 'ina tupwa 'asilala 'oina 'imiyamiya, beno ta'ahwa 'iya'iyagu moisa, weyahina Natuna Yesu bweyahinega 'igihe'ehaugita 'ida puiyao mabwaiyadi 'oidiyega.

1 Yoni 2:6

Eeta 'eguma taiya 'owa 'ugwae, “Taugu Yehoba 'iyagu ma mahetegu 'amiyamiya,” 'ilobwainegowa ma 'umumuga gidemusa Yesu 'ina mumuga.