Epeso 2:1 - Loina Nuahuana

¹ Ma 'omi mwalo gide 'ama'amasimi 'imi puiyao 'oidiyega ma Yehoba 'igihetoholo hilegomiya.

Epeso 2:1 ပူးပေါင်းရင်းမြစ်များ

Madiu 8:22

Ta Yesu 'ihegwaeya, “Tuwa! Nobwa tamau, ma hesi 'umuliyegau, ma taudi to'amasao 'idi to'amasa silagu galiha.”

Luke 15:24

Weyahina natugu bewa mwalo 'i'amasa, ta nige mayawasina taloba hileya.’ Coinega sihegaina ma siguyai ma'idi yaliyaya.

Luke 15:32

ma hesi tasiu bewa 'i'amasa, ta bewa tuwa mayawasina taloba hileya, 'oinega 'ilobwainegita ma mahetedai tayaliyaya.’” Tetela bewa 'oinega Yesu Palisiyao ma loina 'ana tohe'itao 'igwae hegehegediyediya.

Yoni 10:10

Ma hesi toyagaha 'idi paihowa beno nata sitauyama siyagaha ma silohe'amasa, ma wete sipi si'abi hegaladi. Taugu hesiyage yatauyama ma 'oinega 'oiguwega tomota yawasidi bwebwe'ana ma mahamahana siloba.”

Yoni 14:6

Coinega Yesu Tomasi 'ihegwaeya 'igwae, “Taugu 'eda, ma gwae moisa, ma wete yawasimi huhudi. Weyahina geya 'eta taiya sowasowahina ma Tamagu 'oina 'itauya 'eguma loheyainaina geya 'oiguwega 'itauya.

Yoni 5:21

Gide Tamagu to'amasa 'i'abi'abi hetoholo hiledi ma yawasidi 'i'ebwa'ebwaedi. Coinega taugu wete gide yawasi hauhauna tomota ya'ebwa'ebwaedi taiyawedi taudi yahesinuwedi.

Yoni 5:25

“Ma wete yahegwae bwaibwainigomi 'abehega tuta bewa tuwa 'ilatulatuma, bo tagwae tuta 'ilatu pwaima ma to'amasa Yehoba natuna 'enana sihesagohe, beno taugu tuwa 'enagu. Ma 'eguma taiyawedi 'omi 'enagu wahesagohe, nata yawasi hauhauna waloba.

Loma 8:2

Yesu Keliso mahetedai, 'oinega Yehoba Yaluyaluwanaina 'ilihasigita pui ma 'amasa 'idi loina 'oidiyega, ma yawasida 'ehauna talobeya.

1 Kolinita 15:45

Buki He'asisi 'ina hepwaila wete gidemusa 'igwaeya, “Loheya nugenugetaina, Adama wahina mayawasina; ma loheya heluwena yaluyaluwana 'oinega sowasowana yawasida 'i'ebwaegita.”

2 Kolinita 5:14

Keliso 'ina helauwega 'agwaegwae, weyahina tauna tuwa 'ama toloina. Moisa tuwa, tauna mabwaiyada weyahida 'i'amasa, 'oinega mabwaiyada gide to'amasao.

Epeso 4:18

'idi sinasinapu siguguyouwa, ma geya Yehoba yawasina 'oidiya 'imiyamiya, weyahina 'idi debapa'ala 'oinega siheyauyaule pwaiya.

Epeso 5:14

ma 'eguma ta'ita pwaiya, tauna hesi 'asilalaina. Bewa weyahina Buki He'asisi 'oina 'igwaeya, “Cowa to'eno'eno 'amasega 'utoholo ma Keliso 'ina 'asilala 'oinega 'u'asilala.”

Kolose 2:13

Comi mwalo geya 'wapi'upwa* waloba, ta 'imi puiyao weyahidi gide 'ama'amasimi, ma hesi Keliso ba'idadai yawasi bwebwe'ana Yehoba 'i'ebwaegita, beno 'ida puiyedi 'inuwasamudiya.

1 Timoti 5:6

Ma taudi hesi yaliyaya besobeso weyahina sinuwanuwatuhu, beno taudi wahidi mayawasidi, ma yaluyaluwadi si'amasa pwaiya.

1 Yoni 3:14

Ma tasanapuya 'abehega 'amasa 'ina tupwa ta'ebesine pwaiya, weyahina 'atedega 'iyadao tahelauwedi, ta yawasida miyamiya hatayana taloba pwaiya, ma 'eguma taiyawedi taudi geya helau 'atediyega, taudi tuwa 'abwa 'amasa 'ina tupwa 'oina simiyamiya.

Heꞌitaꞌita 3:1

Aneloseina totapwalolowedi Salidisa 'oina 'i'ita'itayahidi, 'ina leta 'ulele meSalidisa weyahidi, ma 'ugwae: Wasa bewa 'itauyama loheyaina 'oinega, tauna loheyaina Yehoba Yaluyaluwana sebeni ma wete 'ipwala sebeni 'oina simiyamiya. Tauna bewa 'ina hepwaila 'oimiya 'igwaeya, “Cimi paihowao yasanapu pwaidiya, ta tetelimi yahesagoheya 'abehega mayawasimi wamiyamiya, ma geya, weyahina yaluyaluwami bo'i si'amasa.