Epeso 1:13 - Loina Nuahuana

¹³ Ma wete 'omi Keliso 'oinega tetela moisa ma bwebwe'ana beno 'ami 'abihetena weyahina wahesagoheya eeta tauna wahemisaeya, ma wete Yaluyaluwa Tabuna tauna 'igwae hemisaeya ta 'i'ebwaegomiya,

Epeso 1:13 ပူးပေါင်းရင်းမြစ်များ

Luke 11:13

Moisa, 'omi togala ma 'imi 'ebwaya natumiyao 'oidiya wasanasanapu 'abehega ginaula bwebwe'ana wa'ebwa'ebwaedi. Gide wete Tamamiu galewa 'ina 'ebwaya 'oimiya bwebwe'ana hedada, ma 'eguma wa'ahwanoi 'oina, nata Yaluyaluwa Tabuna 'i'ebwaegomi.”

Luke 24:49

Ma hesi taugu nata Tamagu 'ina gwae hemisaina, beno Yaluyaluwana yahesumaneyama 'oimiya ma 'i'abihe waiwaiyegomi, 'oinega Yelusalema 'oina wayamwayamwa weyahina.”

Yoni 1:17

Yehoba 'ina loina Mosese 'oinega silatuwa. Ma hesi helau moisa ma mumuga bwebwe'adi Yesu Keliso 'oinega silatuma.

Yoni 14:26

Ma hesi sauga muliya 'oina 'abwa hesi tolemaina saniguwega Yehoba 'ihesumaneyama 'oimiya, tauna tuwa Yaluyaluwa Tabuna, nuwatuhu mabwaiyana 'ihe'itegomi ma wete 'igu gwaeyedi mabwaiyadi 'oimiya 'i'abi henuwatuhu yahigomi.

Yoni 15:26

“Comi nata 'ami tolema Tamagu 'oinega yahesumaneyama. Tauna Yaluyaluwaina, gwae moisa huhuna. Tauna nata 'ihetohepwaila weyahigu.

Yoni 3:33

Ma hesi taiyawedi 'eguma 'ina gwaeyedi si'abi'abi yahidi, beno taudi sihepwaileya 'abehega Yehoba 'ina gwae moisa.

Yoni 6:27

Coinega bewa tuwa yahegwaegomi, sahena 'e'ahai gumwagumwalidi weyahidi wapaipaihowa, ma hesi 'e'ahai yawasimi miyamiya hatayana weyahidi wapaihowa. Ce'ahainaina bewa weyahina yahehegwaegwae. Loheyaiguina taugu nata ya'ebwaegomi. Weyahina Tamagu 'ina paihowa bewa weyahina 'ihesumanegauma ma yapaihowadi.”

Paihowa 1:4

Cabwa ba'idadiu simiyamiya ta 'adi loina 'i'ebwaediya, 'igwae, “Sahena Yelusalema wa'ebe'ebesine, ma hesi Tamadai 'ina gwae hemisaina mwalo yahegwaegomiya weyahina wayamwayamwa.

Paihowa 13:26

“Tasigwao, 'omi Ebalahamo 'ina susuwao, ma wete 'omi hali tupwega Yehoba 'ana tohe'asisiyao wahesagohe 'abehega 'abihetena tetelina bewa 'oida 'ilatu pwaima.

Paihowa 2:33

Coinega Yehoba 'i'abihaneheya ta tauna 'ina 'ebeulega 'imiyamiya, ma tauna Yaluyaluwa Tabunaina Yehoba mwalo 'igwae hemisaeya, ma bewa tuwa 'i'ebwaya pwaimaiya, 'oinega paihowa bewa wa'ita'itadi ma wahehesagohedi, tauna 'oinega sitauyama.

Loma 1:16

Tetelaina 'ana loguguya weyahina geya yada debamwadina, weyahina Yehoba 'ina waiwai 'oina 'imiyamiya, eeta 'eguma taiyawedi sihemisa 'i'abihetedi, beno tauma meYudiya 'oima ma muliyetega 'omi tomiya ganamuli 'oimiya.

Loma 6:17

Ma 'amo'isamo tuwa, 'omi mwalo mumuga galana 'ana topaihowao, ma tetela bwebwe'ana wahesagoheya, ta 'atemi watagwalediya 'oina, ta 'imi puiyedi 'i'ewa yahulediya. Ma Yesu 'ilihasigomiya ma 'abehega mumuga bwebwe'ana weyahina wahetopaihowa. Coinega 'ilobwainegita taloyauwedo madouna Yehoba 'oina, yaliyaya bewa weyahina.

2 Kolinita 1:22

ma 'ina 'ila'ilala 'oida 'ilaguya, beno Yaluyaluwana 'ateda, ma 'oinega tasanapugita 'abehega tauda 'ina tomotaiyao.

2 Kolinita 6:7

ta 'ima gwae moisa, ma wete Yehoba 'ina waiwai 'oima, ma 'ima 'ebe'aleha 'ebeulaulamega ma 'adigeyegeyemega, beno 'ima mumuga bwebwe'ana.

Galetiya 3:14

Ma Yesu Keliso 'oinega taudi hali boda 'asa ganamuli tomotaedi yaliyaya siloba, gidemusa yaliyayaina Yehoba 'igwae hemisaeya Ebalahamo 'oina, 'abehega mabwaiyada 'ida hemisega to'aha Yehoba 'igwae hemisaeya 'i'ebwaegita, beno Yaluyaluwa Tabuna.

Epeso 4:21

weyahina mwalo he'ita moisa Yesu weyahina wahesagoheya Kelisoina 'oinega.

Epeso 4:30

Geya'abwa Yaluyaluwa Tabuna nuwana wagihegihegala, weyahina Yaluyaluwa Tabunaina gide 'ila'ilala 'oida, 'abehega 'abwa 'ada gihe'ehau taloba.

1 Tesalonaika 2:13

Ciyamayao tuta mabwaiyana 'aloloyauwedo Yehoba 'oina, weyahina Yehoba 'ina gwae bo'i 'a'ebwaegomiya ta 'oina watagwalegomi, geya 'abehega tomota 'idi gwae, ma hesi Yehoba 'oinega. Moisa, gwaeina Yehoba 'oinega, ma wahemiseya, ma 'ana waiwai walotoho pwaiya.

2 Timoti 2:15

Coinega wete 'uhetapewa ma tetela bwebwe'ana 'ana he'ita moisa weyahina 'uguibiga ma 'ane 'owa Yehoba 'ina topaihowa bwebwe'ana, wete 'abwa 'eguma matana 'ulatu 'ihepwatuwego.

2 Timoti 2:19

Ma hesi Yehoba 'ina gwae 'ana wahuwahu waiwaina 'oina, mwalo silelediya 'igwae: “Cinapwana 'ina tomotaiyao 'isanapudiya.” Ma wete 'igwaeya: “Taudi Cinapwana 'oina sitagwala pwaidiya 'ilobwainediya ma mumugadi galadi silogwahatedi.”

2 Timoti 3:15

Ma 'owa 'uboi wete 'ino tuta gwamega ma nige bewa Buki He'asisi 'ina gwae 'ana tohasila, ta 'ihehe'itego 'abehega 'ida hemisa Yesu Keliso 'oina sowasowana 'i'abihetegita.

Taito 2:11

Yehoba 'ina helauina 'ilatu pwaima tomota 'ada 'abihetena weyahina,

Ibeliu 2:3

Tauda wete 'eguma 'abihetenaina madounaina talogwahate, bwa'omatana taloba, ta geya sawasawahina tadenasine. Gwaeina 'abihetenaina weyahina 'ida Bada Yesu 'ihepwaila nugeteya, eeta 'ina gwaeyao 'ana tohesagoha nugetao si'ebwaegita tauda.

Yemesa 1:18

Hesi tauna 'ina nuwatuhuwega, ta wete 'ina gwae moisa 'oinega 'ipaihowa nugetegita ma 'abehega tauda 'ana paipaihowao 'oidiyega tahemadou sinediya.

Yemesa 1:21

Coinega 'imi mumuga bi'ibi'idi ta 'imi puiyao mabwaiyadi wa'ebesinedi, ma watagwalegomi Yehoba 'oina, ta wete gwaeina 'atemiya Yehoba 'ibeguliya wahemisae, ma wahematamatane, ta 'oinega 'i'abihetegomi.

1 Pita 2:10

Tuta mwalo 'oidiya 'omi geya waheboda 'aigeda, ma sauga bewa Yehoba 'oina waheboda 'aigeda pwaiya, ma mwalo wete Yehoba 'ina 'atemuyamuya geya 'oimiya 'imiyamiya, ma sauga bewa waloba pwaiya.

Heꞌitaꞌita 7:2

weyahina Yehoba 'ina tagwala ma 'abehega yaumaiyedi bale'u ta hola sisuba hegaladi. Coinega anelose wete 'aigeda ya'iteya sinala 'ina 'ebe saehaneyega 'inaonaoma, ma ma'ina 'ebe lagu 'ila'ilala, gide basilili, ma 'abehega Yehoba miyamiya hatayaina 'ana 'ila'ilalaina 'ilagu tomota debadiya. Aneloseina 'ibwau anelose 'ehataedi 'oidiya,