2 Timoti 3:3 - Loina Nuahuana

³ Mumugadi guguyou 'oinega gesowana si'atemuyamuya, ma hesi sihe'ahwa panapanawa besobeso, ma toganawala hedade. Ma sigamwasowala besobeso wete, ta wete mumuga bwebwe'ana 'ana tologwahatao,

2 Timoti 3:3 ပူးပေါင်းရင်းမြစ်များ

Madiu 10:21

“Ma wete tuta sinaonaoma 'oidiya tomota 'idi susu 'alona lo'aleha 'ilatu weyahigu, beno loheya tasina 'itebae ma silohe'amasi. Gide wete tamana natuna 'itebae ma silohe'amasi. Wete gwagwama sinadiyao ma tamadiyao 'oidiya silo'aleha ma silohe'amasidi.

Madiu 4:1

Bewa 'oinega Yehoba Yaluyaluwana Yesu 'itoeya ma 'itauyeya tupwa balabala 'awawa ma 'abehega 'ana tohona Seitani 'oinega 'iloba.

Luke 10:16

Ta 'ana tomuliyaowedi 'oidiya 'igwaeya, “Ceguma taiya 'imi gwae 'ihesagohedi, beno taugu 'igu gwae 'ihesagoheya. Ma 'eguma taiya 'ilogwahategomi taugu wete 'ilogwahategauwa. Ma wete 'agu Tohewasaina 'ilogwahateya.”

Luke 16:14

Saugaina Palisiyao gwaeina sihesagoheya ta Yesu silotuyaneya, weyahina taudi mane nuwanuwadi madouna.

Yoni 6:70

Coinega Yesu 'ihegwae hilediya, 'igwae, “Moisa tuwa, 'omi wate tuwelo yahesinuwa pwaigomiya, ma hesiyage 'oimiyega nata 'aigeda Seitani 'ina boda.”

Loma 1:29

Ta gala mabwaiyana 'ilohemahediya, gide tobwatobwa 'ana henuhenuwa, ma mumuga galagala ma he'ipi'ipi ma lohe'amasa ma he'alagwaegwae ma 'e'abo'abo ma sosomane ma hetalapili,

Loma 1:31

Ta moisa geya 'i'iuna mumugadi 'ida bwebwe'ana, 'oinega geya wete 'adi hemisamo, ta geya 'eta wete helau nuwana 'atemuyamuya 'oidiya.

1 Kolinita 7:5

Ma wete geya'abwa wa'eno'eno wasiwasi mwanemiyao 'oidiyega. Beno tuwa 'eguma tohai siteluwaedi 'idi nuwatuhu mahemahetena ma sabwelo tupwadimo 'oidiya sida 'ahwa'ahwanoi Yehoba 'oina ma muliyetega wete si'enoluwa hila, ta geya'abwa wamiyamiya wasiwasi hedade tabu ta nuwatuhu dahwanaedi 'oimiya sihapwesa ma 'oidiyega Seitani 'itoho ma 'imi hai 'i'abihegaladi.

1 Kolinita 7:9

Ma 'eguma geya sawasawahimi wa'alama'i'itanegomi, ta nuwanuwami wahai, beno bwebwe'ana wete, wada hai tuwa, ma 'oinega geya'abwa nuwatuhu dahwana 'i'abi'abihe galegomi.

1 Tesalonaika 4:8

Ma hesi 'eguma taiya loinaina 'iligehi, geya 'abehega tomota 'idi loina, ma hesi Yehoba 'ina loina 'iligeligehi, weyahina Yaluyaluwa Tabuna tauna nuwatuhu 'ana to'abihe'ehau, beno Yehoba 'ina 'ehele 'oida.

1 Timoti 3:11

Mwanediyao wete gide ma'idi nuwatuhu dumwadumwaluna, ma sahena 'iyadiyao si'ahwa'ahwa galagalaedi, sahena bwasi galana sinumanuma hedade, ma hesi siguibiga moisa.

Taito 1:8

Ma hesi 'adi lobwaina ma taumanao si'itayahidi, ma mumugadi tuwa 'ausaladi, ta 'idi nuwatuhu matuhadi. Ma wete mumugadi dumwaludi, ma 'ehaudi, ta taudi to'alama'i'itana.

Taito 2:3

Cai'aihaleyao wete 'uhegwaedi ma mumugadi ma'idi he'asisi, ta sahena tomota si'ahwa'ahwa galagalaedi, ma wete sahena waini sinumanuma hedade, ta 'ilobwainediya mumuga 'ausalana sihehe'ita wahiwahine hauhaudi 'oidiya,

Yemesa 2:6

Ta hesi towewelohe geya wada he'asisiyanediya, ma hesi taudi tohewasawasao loina pa'alina si'ebwa 'ebwaegomi, ta wete siloloheso hesoiyegomi 'ebe yatala 'oidiya.

2 Pita 2:14

Ma 'idi pui 'ebedeba mwadina 'oinega sihemata ganawala, ma 'idi pui hilahila weyahina geya tani'odi 'ida towa. Ma towe'a sihanuhanugetedi 'eda galana 'oina, ma tobwatobwa 'ana nuwa'ewa 'oidiya 'imadou hedada. Ma Yehoba 'abwa 'ihemaisa 'idi mumuga galana weyahina.

2 Pita 2:19

Cadi tomuliyao 'oidiya sigwae, “Ceda bewa 'oina wanaoma, 'eda bwebwe'ana, ma geya 'eta wete 'etoboda 'imiyamiya.” Ma geya, taudi 'idi mumuga galana 'oinega siboimo sipai hilediya.

2 Pita 3:3

Ma nuwatuhu 'aigeda sowasowana wada sanapu nugeta 'abehega tuta 'ana 'ebe losaloha 'oina tupwadi tolotuyeya silatu, ma Bada 'ina 'eda weyahina sigwaegwae besobeso, ma taudi 'idi nuwatuhu galadi simuliyedi,

Yude 1:16

Tomotaedi tolomugi ma tosinala, ma taudi 'adi lotohona 'oinega sitautauya. Wete togwaehanehane, ma 'eguma 'iyadiyao 'oidiya sigwae helau, beno tobwatobwa weyahina.

Heꞌitaꞌita 13:15

Eeta sipaihoweya, ta hebaiina hauhauna ma'ina loina, 'oinega da'ule tagitagina yawasina 'i'ebwaeya, ta sawasawahina 'igwae, 'oinega 'iloina 'abehega 'eguma taiyewedi geya 'oina si'etuluha nata 'amasa siloba.

Heꞌitaꞌita 13:17

Ma 'oidiya loina pa'alina 'ilaguya, ma taudi 'eguma 'ila'ilalaina geya 'oidiya, geya'abwa wete sihegimwane, bo sigimwagimwane, 'ana siga hebaiina 'ana 'ila'ilala si'ewa he'i, beno sanina, nuwana saninaina 'ana namba.

Heꞌitaꞌita 16:6

ta Yehoba 'ina topaihowao ma wete 'ina palopitao sihunudiya, ta bweyahidi si'abi hedauya. Coinega 'adi maisa 'u'ebwae pwaidiya ma 'abehega bweyaha sinuma, ta maisaina beno 'ilobwainediya moisa.”

Heꞌitaꞌita 17:6

Ma wahineina ya'iteya, Yehoba 'ina topaihowao ma Yesu 'ana tohepwailao 'idi 'amasega bweyahidi 'inumediya ma 'oinega 'ihebuwa, ta yahenainaida wahineina 'ana 'ita weyahina.