2 Timoti 3:2 - Loina Nuahuana

² Weyahina tutaedi 'oidiya nata tomota taudimo weyahidi sinuwanuwatuhu, ma wasawasa 'ana hamwa nata 'imadou 'oidiya, ta sinuwa hanehane ta sigagasa ma wete siheliya. Ma sinadiyao ma tamadiyao 'enadi nata geya sihematamatana, ta tomota 'idi paihowa bwebwe'adi weyahidi nata geya siloyauwedo.

2 Timoti 3:2 ပူးပေါင်းရင်းမြစ်များ

Madiu 15:6

Tubumiyao 'idi loinaina 'oinega Yehoba 'ina loina waheginaula besobesoweya.

Luke 12:15

Ma wete 'ina gwaeina 'itubweya ma boda mabwaiyadi 'oidiya 'igwaeya, “Wa'itayahigomi ma sahena wasawasa nuwami 'i'ewa'ewa. Geya sowasowahina ma wasawasa 'oinega yawasimi bwebwe'ana waloba.”

Luke 16:14

Saugaina Palisiyao gwaeina sihesagoheya ta Yesu silotuyaneya, weyahina taudi mane nuwanuwadi madouna.

Luke 6:35

Ma 'omi hesi 'ami 'alehao wahamwadi, ma wahelauwedi, ta wa'ebwaya 'oidiya, ma sahena hemaisa weyahina wayamwayamwa. Ma 'abwa 'ami maisa madouna waloba, ma 'oinega 'omi Tomiya tabwana hedada natunao. Weyahina tauna tohopa'alao ma togalao 'ihehelauwedi.

Paihowa 5:36

Wanuwatuhuyahi tuta mwalo Tudasi 'ihapwesa 'abehega tauna hali tohanugeta 'aigeda, ma loheloheya 'adi baibaiwa gide powa handeledi siluhu 'ina boda 'oina, ma hesi gabemani Tudasiina silohe'amasiya, ma 'ana tomuliyao sisawaleya, ta 'idi boda 'isawala.

Loma 11:18

Ma hesiyage 'ina helauina sahena weyahina wagwaegwae hanehane, weyahina laha geya sowasowahina lamu 'iloinae, ma lamu hesiyage sawasawahina laha 'iloinaedi.

2 Kolinita 5:15

Ta 'ina 'amasa mabwaiyada weyahida huhuna, 'abehega 'abwa mayawasida, geya tauda 'ida paihowao sabi paihowaidi, ma hesi Keliso weyahina, tauna weyahida 'i'amasa ta wete 'itoholo hila.

Pilipai 2:21

ma 'iyamo 'agu tolemao baibaiwadi taudimo weyahidi sinuwanuwatuhu, ta geya Yesu Keliso 'ina paihowa weyahina sida nuwanuwa.

Kolose 3:5

Coinega gogo gabulena mumugana 'oimiya walohe'amasidi, beno logwali, pui, ma henuhenuwa galadi ma hewasawasa, beno hali 'ebehemisao 'adi tuluha.

2 Tesalonaika 2:4

Yehoba 'ana 'aleha ma wete 'ebehemisa mabwaiyadi 'adi 'aleha, 'oinega tauna 'i'abihanehe ma Yehoba 'ina Hada He'asisi 'oina 'imiyatoi, ma 'ihetoloina gide Yehoba.

1 Timoti 1:20

Tobe'uwedi 'aigeda sanina Aimenio, ma wete 'aigeda sanina Alekisana. Siteluwaedi bo'i Seitani 'oina ya'ebwaediya ma 'ihematasabuwedi ma sisanapu ma 'ane sahena 'ida Badaina si'ahwa'ahwa galagalae.

1 Timoti 1:9

Weyahina loinaedi geya Yehoba 'ilagudi todumwalu weyahidi, ma hesi taudi loina 'ana toligehao weyahidi ma todeba pa'ala weyahidi, taudi geya Yehoba sihe'asisiyane, ma togala, ma bi'ibi'idi, ma toheliya, ma taudi sinadiyao ma tamadiyao ma hali tomota wete 'adi tolohe'amasao,

1 Timoti 3:3

ma sahena bwasi galana 'inumanuma yauyaule, ma wete sahena 'ihehegamwagamwagu, ma hesi mumugana nuhana, ma geya 'ida 'ahwa panapanawa, wete sahena wasawasa nuwana 'i'ewa'ewa.

1 Timoti 6:10

Weyahina wasawasa 'ana nuwa'ewa beno puiyao huhudi, ma wete 'iyadao tupwadi wasawasa si'ebesa hedadeya, 'oinega tapwalolo moisa si'ebesineya, ma 'ebenuwagala mabwaiyana silobeya.

1 Timoti 6:4

tauna 'ina nuwahane 'oinega 'ihenainaida moisa, ma nuwanuwana 'ihe'ahwa panapanawa. Taudi nage gide tohe'ipi'ipi moisa ma tohegamwagamwagu, wete toheliya ma tosiwapa.

2 Timoti 3:4

to'wayama, ma galana 'oina sihewaiwai, ma gwae hane hedada, ma geya Yehoba sihelauwe, ta hesi taudimo 'idi yaliyaya weyahina sinuwanuwatuhu.

Yemesa 2:8

Ta 'ida Bada 'ina loina madouna Buki He'asisi 'oina 'igwaeya, “Ciyamwao 'uhelauwedi gidemusa 'owa 'uhehelauwego.” Loina bewa 'eguma 'umuliya bwaibwaini, beno mumuga bwebwe'ana.

Yemesa 4:16

Nata bewa wagagasa ma wagwaehane, ma hesi gwae haneina galana.

Yemesa 4:6

Ma hesi Yehoba 'ina lema 'oida 'imadou hedade, weyahina Buki He'asisi 'oina 'ihepwaila 'igwaeya, “Yehoba togagasa 'i'ausidi, ma hesi tonuwasulu 'oidiya 'itagwala ma 'ilemedi.”

1 Pita 5:5

Coinega wete 'omi tubu hanehaneyao sowasowana babadao wahe'asisiyanedi, ma mabwaiyami wanuwadobi ma 'aigeda 'aigeda 'oimiya wahelemalema hilegomi. Gidemusa tuwa Buki He'asisi 'ina gwae gide, 'igwaeya, “Yehoba tonuwahane 'i'ausidi, ma hesi tonuwadobi 'ihelauwedi.”

2 Pita 2:10

Moisa, 'eguma togalaedi Yehoba 'ina loina silogwahate, ma 'idi nuwa'ubunao bi'ibi'idi simulimuliyedi, beno 'adi maisa gala hedadena nata 'i'ebwaedi. Togalaedi wete gagasa huhudi, ma geya 'idi he'asisimo megalewa 'asi'asilalaidi 'oidiya, ma hesi si'ahwa'ahwa galaedi.

2 Pita 2:12

Moisa togalaedi gide hebai. Hebai 'adi lotohonamo simulimuliyedi, ma geya sida nuwanuwa bwebwe'ana, 'oinega tomota hebaiyedi si'abiyahidi ma sihunudi. Togalaedi wete sanapu moisa geya sisanapu ma hesi si'ahwa galae, 'oinega taudi wete sihesilae, hebai gidemusa,

2 Pita 2:18

Tohe'itaowedi 'idi mumuga galadi ma'idi gwae gagasa sihe'ote'oteli, ma wete nuwa'ubuna galadi 'oidiyega tonuwabui hauhau silisidi ma sihila 'idi mumuga nugenugetana 'oina.

2 Pita 2:3

Ma togalaedi tobwatobwa nuwadi 'i'eweya, 'oinega 'idi gwae hotohotowega 'abwa si'abowegomi ma 'imi tobwatobwa si'ewadi. Mwalo hene 'adi maisa Yehoba 'ilaguya eema 'iyamwayamwa namo, ma geya 'ida buiya.

Yude 1:16

Tomotaedi tolomugi ma tosinala, ma taudi 'adi lotohona 'oinega sitautauya. Wete togwaehanehane, ma 'eguma 'iyadiyao 'oidiya sigwae helau, beno tobwatobwa weyahina.

Heꞌitaꞌita 13:1

Citotoholo ta ya'e'ebubuna, ta 'aigeda wete hebaiina tauna holega 'ihanema, donanao 'adi baibaiwa nima 'eluwa, ma mwagunao 'adi baibaiwa sebeni, ma donanaedi mabwaiyadi ma'adi pasa wasawasa, ta wete mwagunaedi 'oidiya sani galadi silelediya.

Heꞌitaꞌita 16:11

Ma Yehoba galewa siheliyeya, bwe'aedi muyamuyadi weyahidi, ma hesi geya sida nuwabuiya 'idi paihowa puiyedi 'oidiyega.

Heꞌitaꞌita 16:21

Ma wete dohi madoudi ma patupatudi, gide da'ule madoudi, galewega sigubagubalama tomota 'oidiya. Coinega tomotaedi Yehoba siheliyeya dohiina gala hedadena weyahina.

Heꞌitaꞌita 16:9

Ma yahiyahiina madouna tomota 'i'ala'alasidi, 'oinega Yehoba siheliyeya, weyahina tauna 'ina loinega ma mwauwedi silatuma. Ma tuwa geya sida nuwabuiya ta 'abehega Yehoba sihepwatuwe.