2 Timoti 3:12 - Loina Nuahuana

¹² Moisa, 'eguma Yesu Keliso tahemisae, ma tatagwalegita 'ina 'eda bwebwe'adi 'oina, nata miyamwau tomota 'oidiyega taloba.

2 Timoti 3:12 ပူးပေါင်းရင်းမြစ်များ

Madiu 16:24

Muliyetega Yesu 'ana tomuliyao 'ihegwaediya, 'igwae, “Taiya 'eguma nuwanuwana ma 'imuliyegau, 'ilobwaineya ma tauna 'ina nuwatuhuwao 'ilogwahatedi, ma tauna 'ana kelose 'i'ahali, ma 'oinega 'i'amasa, beno gide 'agu muliyaina 'ana 'eda.

Madiu 23:34

Coinega palopitao ma tosanapuwao ma loina 'ana tohe'itao yahesumanediwa ma nata tupwadi walohe'amasidi, nuwana kelose 'oina watutu hepa'inedi, ma tupwadi 'imi hada tapwalolo 'oidiya balaeyega wahunudi, ma 'asa 'aigeda 'aigeda 'oidiyega wapa'idi.

Yoni 16:2

Weyahina 'abwa nata hada tapwalolo 'oidiyega sipa'igomi, ma wete tuta sinaonaoma 'oidiya taiyawedi silohe'amasigomi nata taudi 'idi nuwatuhu 'abehega ginaula bwebwe'ana sipaipaihowa Yehoba 'ina 'ebe yaliyaya.

Yoni 16:33

Gwae bewa ya'inanediwa 'oimiya ma 'oiguwega wanuwa daumwala. Ma hesiyage 'imi miya gogo gabulena 'oina nata 'igala. Ma hesiyage wa'atepatu, weyahina taugu gogo gabulena 'ana loina mabwaiyana yahewaiwai sinediya.”

Yoni 17:14

Cino gwaeyedi ya'ebwaya pwaidiya, ma hesiyage mebale'u 'ino tomotaedi silogwahatediya. Weyahina taudi mebale'u 'idi boda geya 'oina simiyamiya. Taugu tuwa wete gidemusa mebale'u geya 'idi boda 'oina yamiyamiya.

Paihowa 14:22

Ta 'idi lohihilaina 'oina Yesu 'ana tohemisao sigihe pa'alidiya 'asa 'aigeda 'aigeda 'oidiya, ta siguguyediya ma gesowana 'idi hemisa 'ida we'awe'a, ma sigwaeya, “Moisa 'abwa 'ida muya baibaiwadi 'oidiyega taluhu Yehoba 'ina 'ebeloina 'oina.”

1 Kolinita 15:19

Ta wete tauda Keliso 'ana tohepwailao nuwa'ole'oleda, 'eguma Keliso 'ina 'abihetena 'oida tuta bewa bale'umo weyahina, ta geya tuta 'inaonaoma 'ida 'amasa mulina weyahina.

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

2 Kolinita 4:9

Cama mwau loheloheya si'ebwaemaiya, ma tuwa Keliso 'abwa ba'idamai 'amiyamiya. Wete sihunuhunumai, ma hesi geya silohe'amasimai.

1 Timoti 2:2

Gide kiniyao ma toloinao weyahidi wa'ahwanoi, ma 'ane 'idi loina 'idumwalu ma 'oinega tamiya daumwala ma'ida mumuga mabwaiyana bwebwe'ana.

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

1 Timoti 6:3

Ma 'eguma taiya 'ina he'ita hagana, ma 'ida Bada Yesu Keliso 'ina gwae dumwaludi geya 'ida muliyediya, ma he'itaedi mumuga bwebwe'ana weyahina 'ilogwahatedi,

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Taito 2:12

ta 'ihe'itaegita ma mumuga besobeso ma nuwatuhu galadi talogwahatedi, ma hesi tamiya mumuga bwebwe'adi ma dumwaludi 'oidiya.

1 Pita 3:14

Ma geya'abwa tomota wamatamatautedi bo nuwana wanuwanuwa mwau 'oidiya, ma hesi wayaliyaya, 'eguma ginaula bwebwe'ana wapaipaihowa ma si'ehe'ehe muyegomi,

2 Pita 3:11

Ceguma ginaulaedi mabwaiyana 'abwa sisawala, 'ilobwaineya ma'imi mumuga 'ehauna ma ma'imi he'asisi Yehoba 'oina wapaihowa.

Heꞌitaꞌita 12:4

Ma subwenega 'ipwala baibaiwadi 'i'ahusapidiya ta 'iulediya bale'uwa. Ceguma 'ipwalaedi mabwaiyadi tawatahidi 'etoi tupwa 'oidiya, 'aigeda tupwa 'oina 'ihunu hegumwalidiya, ta 'eluwa situpwa. Ta hebaiina bwehabwehalina wahineina matana 'itoholowa, ma 'eguma 'ihenatune, nata gwamaina 'i'ai.

Heꞌitaꞌita 7:14

Ma 'oina yagwaeya, “Bada 'owa 'usanasanapudi. Taugu geya.” Ta 'ihegwaegauwa, 'igwae, “Bewa bodaedi bale'u 'ana muyamuyao 'oidiyega situpwa, ma 'adi 'ale'owedi Lamiina bweyahinega 'ideulidiya ta siwa'e'eya.