2 Timoti 2:12 - Loina Nuahuana

¹² Ceguma Keliso ba'idada ta 'ida miyamwau 'oidiyega ta'alama'i'ita, 'abwa ba'idada tahetoloina. Ceguma Keliso tauhale 'abwa wete 'iuhalegita.

2 Timoti 2:12 ပူးပေါင်းရင်းမြစ်များ

Madiu 10:33

Ma 'eguma taiyawedi siuhalegau tomota matadiya, taugu wete 'abwa galewa Tamagu matana yauhaledi.

Madiu 26:35

Ma Pita 'igwaeya, “Bada, sahena hede yauhauhalego! Ceguma silohe'amasigo taugu ba'idau wete silohe'amasigita.” Tomuliyao mabwaiyadi wete gide sihehegwaegwae.

Madiu 26:75

ma Pitaina 'inuwatuhuya Yesu 'ina gwaeina 'abehega “Muliyetega ma 'am'am 'idou ma 'owa matoi 'umwehihiyegau.” Cinuwatuhuya, ma'ina nuwagala 'ihapwesa, ta 'idouwa madouna.

Maki 10:33

'igwaeya, “Bewa tuta tahane Yelusalema, ma nobwa 'agu totebaina taugu Loheyaiguina 'itebaegau topwaoli madoudi ta loina 'ana tohe'itao 'oidiya, ma 'igu 'amasa weyahina siloina, ma muliyetega sihe'ebwaegau taudi geya meYudiya 'oidiya,

Maki 8:38

“Ma 'eguma taiya 'owa weyahigu 'uhedeba mwadimwadina, wete 'igu he'itao weyahidi 'uhedeba mwadimwadina, ma 'uuhalegau yaso bewa galadi ma ganaganawalidi matadiya, 'abwa taugu Loheyaiguina wete yauhalego, tutaina Tamagu 'ina wasawasa maemaedanaina 'oinega yahilama ma aneloseyao wete ba'idagwao.”

Luke 12:9

Ma 'eguma taiyawedi siuhalegau tomota matadiya, taugu wete 'abwa Yehoba 'ina aneloseyao matadiya yauhaledi.

Luke 22:29

Coinega to'aha gide Tamagu 'igu 'ebeloina 'i'ebwaegauwa 'omi wete gide ya'ebwae 'esegomi,

Luke 22:30

ma 'oinega 'omi 'igu 'ebeloina 'oina ba'idagwao 'abwa ta'ai ma tanuma, ta wete wagahata wasawasa 'oidiya wamiyatoi ma meIsileli 'idi susuwao tuwelo waloinaedi.”

Luke 9:26

Taugu Loheyaiguina, ma 'eguma taiya 'owa weyahigu 'udebamwadina ma wete 'igu he'ita weyahina 'udebamwadina ma 'uuhalegau, 'abwa yauhalego tutaina 'eguma yahilama ma'agu hepwatu ta ma'igu 'asilalaina, ta wete Tamagu ma'ina aneloseyao 'idi 'asilalaina 'oiguwa.

Paihowa 14:22

Ta 'idi lohihilaina 'oina Yesu 'ana tohemisao sigihe pa'alidiya 'asa 'aigeda 'aigeda 'oidiya, ta siguguyediya ma gesowana 'idi hemisa 'ida we'awe'a, ma sigwaeya, “Moisa 'abwa 'ida muya baibaiwadi 'oidiyega taluhu Yehoba 'ina 'ebeloina 'oina.”

Loma 5:17

Ta loheya 'aigeda tuwamo 'ina pui 'oinega 'amasa 'ilatuma, ta tomota mabwaiyadi 'i'abi hegalediya. Ma loheya heluwena hesi 'ina paihowa waiwai hedadena, tauna Yesu Keliso, Yehoba 'ina helau 'i'ebwaya daisidiya tomota mabwaiyadi weyahidi, eema 'ane taiyewedi sitagwala si'ewa helauina ma 'i'ahwa bwebwe'anedi, ma yawasidi bwebwe'ana 'i'ebwaedi.

Loma 8:17

Eema helauwedi 'i'atububuya natunaina Yesu Keliso weyahina, nata Yesu mahetedai helauwedi talobadi Yehoba 'oinega. Weyahina 'eguma Keliso mahetedai muya ta'ahali, nata wete mahetedai wasawasa taloba.

Pilipai 1:28

ma geya'abwa wete wamatamatauta 'ami 'alehao 'oidiya. Ma 'eguma 'ami 'alehaowedi 'imi 'atepatu si'ita, beno taudi sisanapu moisa 'abehega sida hesilae, ma 'omi 'abihetena waloba Yehoba 'oinega.

1 Timoti 5:8

Ma 'eguma taiya 'ina susuwao bo natunao geya 'ida 'itayahidiya, beno tauna Yehoba 'ina he'ita 'ilogwahateya, ma tauna togala hedada 'abwa taudi Yehoba 'ana touhalao.

Yude 1:4

Mwauina 'ihapwesa pwaiya 'oimiya, beno tupwadi togala si'abowegomiya ma 'imi boda 'oina siluguwa, 'oinega Yehoba 'ina helau 'oida taudi 'idi he'itega sibuiya ma ganawala, ma wete 'ida Yehoba ma Bada Yesu Keliso silogwahatediya. Taudi 'idi galao weyahidi 'adi loina mwauna mwalohene Yehoba 'ina buki 'oina silele pwaiya.

Heꞌitaꞌita 1:6

Coinega 'ihegogonegita ma 'abehega tahetoloina ma tapwaoli Tamana Yehoba 'oina. Yesuina tauna 'ina wasawasa ta 'ina waiwai miyamiya hatayadi. Emeni.

Heꞌitaꞌita 1:9

Taugu tasimiu Yoni. Taheboda 'aigeda pwaiya Yesu ba'idada, ta 'ina 'ebeloina 'alona 'omi ma taugu tahe'alama'i'itanegita, muyamuya ma mwau 'oidiya. Taugu mwalo sipaigauwa ma silagugauwa bwanabwana Patimo 'oina, weyahina yaguguya Yehoba 'ina gwae ma Yesu 'ina tetela.

Heꞌitaꞌita 2:13

“Tupwaina 'oina wamiyamiya beno yasanapuya, beno Seitani 'ina 'ebeloina. Ma hesi wahemisa bwaibwainigau, weyahina geya wada uhalegauwa. Mwalo Seitani 'ina tupwaina 'oina 'aigeda 'agu tohepwaila moisa silohe'amasiya, sanina Anitipasa, ma tuwa wa'abiyahigauwa pa'alina.

Heꞌitaꞌita 20:4

Ma wete tupwana wagahata wasawasa ya'itediya, ma 'oidiya taudi Yehoba loina 'i'ebwaediya simiyatoiya. Ta wete tomotaedi tani'odi si'upwediya, weyahina taudi Yesu 'ana tohepwailao ma Yehoba 'ina gwae 'ana tohepwailao, yaluyaluwadi ya'itediya, taudi geya hebaiina ma'ina dimwa tagitagina 'oidiya sida 'etuluha, ta geya 'ana 'ila'ilala manidiya ma nimadiya silagudi. Taudi bewa 'amasega sitoholo pwaiya, ta Keliso ba'idadiu siloiloina bolime tausani 'oidiya.

Heꞌitaꞌita 20:6

Ta taudi totoholo nugenugetaedi 'asi'asilaladi, 'oinega ma'idi yaliyaya, ma 'amasa heluwena geya'abwa silobaloba, ta taudi hesi Yehoba ma Keliso 'idi topwaoliyao, ta Keliso ba'idadiu sihetoloina bolime tausani 'oidiya.

Heꞌitaꞌita 3:10

“Ma 'abwa tuta mwau 'ilatu bale'uwa, ma tomota mabwaiyadi 'itohodi, ma hesi 'omi mwauina 'oina ya'itayahigemi, weyahina 'igu gwae wahematamataneya, ma weyahigu wa'alama'i'ita.

Heꞌitaꞌita 3:21

“Ma 'eguma 'oimiyega taiya 'ihewaiwai, 'abwa yatagwala 'oina ma ba'idagu 'amiyatoi 'igu wagahata wasawasa 'oina, gide tuwa taugu yahewaiwaiya, ta Tamagu 'ina wagahata wasawasaina 'oina ba'idagu 'amiya toiya.

Heꞌitaꞌita 3:8

Tauna bewa 'ihepwaila 'oimiya, 'igwaeya, “Cimi paihowao yasanapu pwaidiya, ma wete yasanasanapu 'imi waiwai tupwana 'imiyamiya, weyahina 'igu he'itao wamuliyediya, ma wete sanigu geya wauhale. Coinega 'ahwa'eda yaso'e pwaiya weyahimi, ta geya 'aigeda taiya sawasawahina ma 'igudu.

Heꞌitaꞌita 5:10

Weyahina 'owa 'uhesinuwediya ma 'abehega 'ino 'ebeloina 'alona sihetopwaoli Yehoba weyahina, ma wete bale'uwa sihetoloina.”