2 Timoti 2:10 - Loina Nuahuana

¹⁰ Bewa weyahina 'igu miya mwauwedi 'oidiyega ya'alama'i'ita, ma 'abehega Yehoba taudi 'ihesinuwediya yalemedi, ma 'ane Yesu Keliso 'i'abihetedi, ta yaliyaya miyamiya hatayana siloba.

2 Timoti 2:10 ပူးပေါင်းရင်းမြစ်များ

Madiu 24:22

Mwau nage 'ana sabwelowao 'eguma Yehoba sahena 'i'abi'abi heto'uto'upadi, nata tomota mabwaiyadi si'amasa, ma hesi Yehoba sabwelowedi 'i'abihe to'uto'upadi beno 'ina boda hehe'asaidi weyahidi.

Madiu 24:24

Weyahina Keliso 'abo'abodi ma palopita 'abo'abodi 'abwa silatu ma 'ila'ilala waiwaidi tomota matadiya sipaihowaidi, ma 'oidiyega 'eguma sawasawahidi Yehoba 'ina bodao hehe'asaidi wete sida 'abihe'wanidi.

Madiu 24:31

Ma wete yoguli simu'a ma 'igu aneloseyao yahesumanedi ma 'igu boda hesihesinuwaidi sihe'autedima bale'u mabwaiyana ma yaumai mabwaiyana 'idi tupwa 'oidiyega.

Luke 18:7

Wete gide Yehoba 'ina tomotaiyao hehesinuwaidi nata 'ilemedi, 'eguma si'ahwanoi hilahila 'oina, sabwelo ma nihuwana 'oidiya.

Luke 22:57

Ma Pita 'iuhala ta 'igwaeya, “Wahine, geya yasanapu taiya tauna weyahina 'ugwaegwae.”

Yoni 11:52

Ma geya 'abehega meYudiya siboidimo weyahidi, ma hesi Yehoba 'ina tomotaiyao mabwaiyadi gogo gabulena 'oina simiyamiya, 'ihemiya 'autedi boda 'aigeda tuwa 'oina.

Yoni 17:24

“Tamagu, tomotaedi 'u'ebwaegauwa, nuwanuwagu ma 'asainaina 'oina yatautauya taudi wete 'asainaina 'oina mahetegwao 'ada miyamiya ma 'oinega 'igu wasawasaina 'u'ebwaegauwa nage 'oina si'ita. Weyahina muliyetega ma bale'u bewa 'upaihoweya, taugu 'uhelauwe nugetegauwa.

Yoni 17:9

Coinega bewa tuwa weyahidi ya'ahwa 'ahwanoiwa 'oiuwa. Ta geya 'abehega mebale'u weyahidi, ma hesi tomotaedi taudi 'u'ebwaegauwa weyahidi, weyahina taudi 'ino tomotaiyao.

Loma 2:7

Ma 'eguma tuta mabwaiyana tapaihowa bwebwe'ana ma'ida he'alama'i'ita, ma gide tuwa tapaipaihowa 'esa, ma 'abehega 'ahwa bwebwe'ana ma nata yawasi miyamiya hatayana ta'ewa Yehoba 'oinega, beno moisa tuwa 'abwa yawasida miyamiya hatayana 'i'ebwaegita,

Loma 9:23

Ma nuwanuwana wete 'ina wasawasaedi mwalo 'i'atububudiya tauda 'ihelauwegita weyahida, 'ihe'itae.

1 Kolinita 1:21

Weyahina sanapu bale'uwa gesowana 'oinega Yehoba tasanapu, ma hesi Yehoba 'ina nuwatuhu ta 'ina tetela 'ana lohatotomo 'oinega 'ana tohemisao tauda 'ilemegita. Tetelinaina mebale'u siheginaula bwagabwagaeya.

1 Kolinita 9:22

Ma wete 'eguma taudi 'idi hemisa we'awe'ana ba'idagwao 'amiyamiya, yamumuga 'esa taudi gidemusa ma 'abehega ya'abihetedi. Coinega tomota mabwaiyadi ba'idagwao weyahidi yatoho waiwai ma yamanasamwedi, ma 'oinega tupwadi 'oidiyega 'abihetena siloba Keliso 'oinega.

2 Kolinita 1:6

Ma 'eguma tauma muya 'aloba, beno 'omi 'ami 'abi he'atepatu ma 'ami 'abihetena weyahidi. Ma wete 'eguma 'ama 'ebe 'abihe'atepatu 'aloba, beno 'omi 'imi 'atepatu weyahina, 'eguma 'imi miyamwau gide tauma 'ima miyamwau, ma wete 'eguma 'oidiyega wa'alama'i'ita nata 'omi wa'atepatu.

2 Kolinita 12:15

Yatagwala pwaiya ma 'igu tobwatobwa ma 'igu tuta mayawasigu wete yada 'eheleya yaluyaluwami sabi 'abihetedi. Taugu 'igu helau 'oimiya madouna, 'oinega togidega ta 'oinega 'omi 'imi helau 'oiguwa 'i'iuna tuwa?

2 Kolinita 4:15

Bewa mabwaiyana 'omi weyahimi, ma 'oinega Yehoba 'ina helau 'ilelelelewana tomota mabwaiyadi 'oidiya, taudi ba'idadao taloyauwedo madouna, ma wete Yehoba 'ana hepwatu ta 'ina wasawasa 'imadou hedada.

2 Kolinita 4:17

Muyamuyaedi bewa meyameyahadi tuwa, ma tuta to'uto'upanamo 'oidiya talobalobadi, ta hesi si'abihe waiwaigita ma 'abehega 'ida wasawasa bwebwe'ana hedade ma miyamiya hatayana 'abwa ta'ewa.

Epeso 3:13

Coinega 'igu 'emuyamuyao bewa weyahimi sahena weyahidi 'atemi siwe'awe'a, ma hesi wada sanapu 'abehega 'igu 'emuyamuyaowedi 'omi 'imi bwebwe'ana weyahina.

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

Kolose 1:27

Weyahina Yehoba nuwanuwana ma sanapu bewa mwalo dahwadahwaina ma bwebwe'ana hedade, 'abehega 'ilagulatuhe 'omi ganamuli 'oimiya, beno Keliso nuwamiya 'imiyamiya, ma tauna 'oinega wanuwatuhuyahi 'abehega tupwa wasawasa 'oina waluhu.

1 Tesalonaika 5:9

Weyahina Yehoba geya 'abehega 'iloinegita ma tatauya 'ebeyatala 'oina, ma hesi nuwanuwana 'ida Bada Yesu Keliso 'ina paihowega 'i'abihetegita.

2 Tesalonaika 2:14

Tetelina mwalo 'aguguyaeya 'oimiya ta wahemiseya, ma bewa 'oinega 'ida Bada Yesu Keliso 'ina 'asilala 'i'ebwaegomiya.

2 Timoti 1:1

Yauwedo Timoti 'owa natugu moisa, 'ino leta bewa taugu Paulo 'oiguwega. Taugu Yesu Keliso 'ana tohepwaila, Yehoba 'ina nuwatuhu gide ta yahepwaila yawasida bwebwe'ana weyahina, beno Yesu Keliso 'oinega. Tamada Yehoba ma 'ida Bada Yesu Keliso sihelauwego ta si'atemuyamuyaego ma 'oinega 'umiya daumwala.

2 Timoti 2:1

Natugu Timoti, Yesu Keliso 'ina 'abihetenega 'uhewaiwai, ma

2 Timoti 2:3

Mabwaiyada Yesu Keliso weyahina miyamwau talobaloba, 'oinega 'ino miyamwauina 'oinega 'utagwalego, ma 'ane 'owa Yesu Keliso 'ina tolo'aleha bwebwe'ana.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

1 Pita 2:10

Tuta mwalo 'oidiya 'omi geya waheboda 'aigeda, ma sauga bewa Yehoba 'oina waheboda 'aigeda pwaiya, ma mwalo wete Yehoba 'ina 'atemuyamuya geya 'oimiya 'imiyamiya, ma sauga bewa waloba pwaiya.

1 Pita 5:10

Yehoba tauna 'atemuyamuya huhuna ma 'ibwau pwaigita ma 'abehega 'ina wasawasa miyamiya hatayana 'oina tamiyamiya Keliso mahetedai. Ma 'imi muya tuta 'i'iunamo ma sigumwala, ma muliyetega Yehoba 'igihe 'ehaugomi ma 'igihepa'aligomi ma 'igihe waiwaiyegomi ma 'abehega wamiya bwebwe'ana.