2 Timoti 1:8 - Loina Nuahuana

⁸ Coinega sahena 'ida Cinapwana tetelina 'ana hepwaila weyahina 'uhedeba mwadimwadina. Taugu wete 'igu luhu deliya Cinapwana 'ina paihowa weyahina sahena weyahina 'udebadeba mwadina. Ma 'owa wete 'abwa Yesu tetelina weyahina tupwana miyamwau 'oiuwa silatu, ma 'ilobwainegowa Yehoba 'ina waiwai 'oinega 'utoholo pa'ala.

2 Timoti 1:8 ပူးပေါင်းရင်းမြစ်များ

Maki 8:38

“Ma 'eguma taiya 'owa weyahigu 'uhedeba mwadimwadina, wete 'igu he'itao weyahidi 'uhedeba mwadimwadina, ma 'uuhalegau yaso bewa galadi ma ganaganawalidi matadiya, 'abwa taugu Loheyaiguina wete yauhalego, tutaina Tamagu 'ina wasawasa maemaedanaina 'oinega yahilama ma aneloseyao wete ba'idagwao.”

Luke 9:26

Taugu Loheyaiguina, ma 'eguma taiya 'owa weyahigu 'udebamwadina ma wete 'igu he'ita weyahina 'udebamwadina ma 'uuhalegau, 'abwa yauhalego tutaina 'eguma yahilama ma'agu hepwatu ta ma'igu 'asilalaina, ta wete Tamagu ma'ina aneloseyao 'idi 'asilalaina 'oiguwa.

Yoni 15:27

Ma wete 'omi weyahigu wahetohepwaila. Weyahina 'omi 'igu paihowa hauhau 'ebe hegaina eema 'ana siga bewa, 'omi mahetegwao.”

Yoni 19:35

Taugu tuwa mataguwega ya'iteya, 'oinega weyahidi 'oimiya yahehewasa, ma 'oinega gwaeyedi bewa moisadi wahesagohedi ma wahemisaedi.

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

Loma 1:16

Tetelaina 'ana loguguya weyahina geya yada debamwadina, weyahina Yehoba 'ina waiwai 'oina 'imiyamiya, eeta 'eguma taiyawedi sihemisa 'i'abihetedi, beno tauma meYudiya 'oima ma muliyetega 'omi tomiya ganamuli 'oimiya.

Loma 16:25

Coinega tuta bewa Yehoba tahepwatuwe, weyahina tauna sawasawahina 'i'abihe waiwaiyegomi, 'igu loguguyaina 'oinega, Yesu Keliso tetelina weyahina. Mwalona tetelaina dahwadahwaina,

Loma 8:36

Mwauwedi weyahina Yehoba 'ina Bukiya 'aigeda gwae gide 'igwaeya, “Sauga mabwaiyana 'ebe 'amasa 'oina 'amiyamiya, gide guyai bawedi sabi lohe'amasimai, beno 'ino paihowa weyahina.”

Loma 9:33

Ma Yehoba 'ina Buki 'oina da'ule 'ebe tupaina weyahina 'ihepwaila, 'igwaeya, “Wa'itayahi bwaibwainigomi, weyahina da'uleina nata Saiyoni 'oina yalagu, ma tomota nata 'oina situpa ma sibe'u, ma 'eguma taiyawedi tauna tuwa da'uleinaina sihemisaeya nata geya'abwa siwe'awe'a.”

1 Kolinita 1:6

Ta wete yaloyauwedoweya weyahina Kelisoina wa'ahwa moiseya ma tetelina wahemisaeya.

2 Kolinita 6:7

ta 'ima gwae moisa, ma wete Yehoba 'ina waiwai 'oima, ma 'ima 'ebe'aleha 'ebeulaulamega ma 'adigeyegeyemega, beno 'ima mumuga bwebwe'ana.

Epeso 3:1

Bewa weyahina taugu Paulo ya'e'etuluha ma ya'ahwa'ahwanoi Yehoba 'oina, tauna 'igu paihowa 'i'ebwaegauwa 'omi tomiya ganamuli 'oimiya, ma bewa tuwa Keliso 'ina paihowa weyahina deliya silagu luhuwegauwa ta yamiyamiya.

Epeso 3:13

Coinega 'igu 'emuyamuyao bewa weyahimi sahena weyahidi 'atemi siwe'awe'a, ma hesi wada sanapu 'abehega 'igu 'emuyamuyaowedi 'omi 'imi bwebwe'ana weyahina.

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

Epeso 4:17

Bewa wete Bada saninega yaloguguya 'oimiya 'abehega mumuga tomiya ganamuli gidemusa walolagu, weyahina 'idi nuwatuhu besobeso 'oidiyega,

Pilipai 1:7

Moisa tuwa, 'ilobwaineya ma to'aha gidemusa weyahimi yalolotoho, eema nuwagu wete wa'eweya, weyahina 'omi mahetegwao Yehoba 'ilemelemegita bewa tuwa deliya yamiyamiya, ma 'ilemelemegita wete wasa bwebwe'ana 'ana he'ita ma 'ana 'abihewaiwai 'oidiya.

Pilipai 3:10

Nuwanuwagu wete Keliso yada sanapu ma 'ina toholohila 'ana waiwai yalotoho, ta 'ina muya wete tauna gidemusa yada lotohodi, wete gide 'igu 'amasa gide tauna,

Pilipai 4:13

sawasawahigu miya mabwaiyana 'oidiya yada yaliyaya tuwa, weyahina tauna mahetegu 'igihe waiwaiyegauwa.

Kolose 1:11

Ma wete tauna 'ina waiwai madounega 'i'abihe waiwaiyegomi, ma 'imi paihowa mabwaiyadi 'oidiya wahe'alama'i'itanegomi, ma watoholo pa'ala, ta wete ma'imi yaliyaya,

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

1 Tesalonaika 3:4

Weyahina mwalo tauma 'amiyamiya ba'idamiyao, ma 'ahepwaila nugeta 'oimiya, nata miyamwauwedi silatu 'oimiya, ta nige bewa silatulatu.

1 Timoti 2:6

Weyahina Keliso 'itagwaleya ta 'iboi 'ipwaoliyeya mabwaiyada weyahida, ta wasaina bewa tuta 'ana lobwaina moisa 'oina, Yehoba 'i'ebwaegita.

2 Timoti 1:10

Ma bewa tuwa 'ina helauina 'oida 'i'abilatuheya, 'ada To'abihetena Yesu Keliso 'oinega. Ta Kelisoina 'amasa 'ilohesawaliya, ma tetelina bwebwe'ana 'oinega yawasi hataya 'i'eweyama 'oida.

2 Timoti 1:12

Bewa weyahina 'igu miyamwau yalobeya, ma hesi geya weyahina yadeba mwadina, weyahina 'ida Cinapwanaina yahemiseya tauna yasanapuya, ma to'aha 'i'ebwaegauwa sowasowana 'i'itayahiya nimanega, eema sabweloina madouna 'inaonaoma 'oina.

2 Timoti 1:16

Ma Onesipolo hesi geya weyahigu 'ideba mwadina 'igu miyamiya deliya weyahina, ma tauna tuta mabwaiyana 'i'abi'abihetegau, 'oinega 'agu lotohona 'i'abi'abihe bwebwe'ani, 'oinega Yehoba 'oina ya'ahwa'ahwanoi ma 'ane Onesipolo ma 'iyanao 'i'atemuyamuyaedi.

2 Timoti 2:3

Mabwaiyada Yesu Keliso weyahina miyamwau talobaloba, 'oinega 'ino miyamwauina 'oinega 'utagwalego, ma 'ane 'owa Yesu Keliso 'ina tolo'aleha bwebwe'ana.

2 Timoti 2:8

Ma Yesu Keliso 'unuwatuhuyahi, tauna Debida 'ina susu, ta 'amasa 'oinega 'itoholo hila, gide tuwa yahepwaileya 'igu guguya 'oina.

2 Timoti 2:9

Cigu guguyaina weyahina taugu miyamwau bo'i yalobeya 'oinega deliya sipaigauwa, gide 'abwa taugu topui 'aigeda. Ma hesi Yehoba 'ina gwaeina gesowana 'eta taiya 'i'etobode.

2 Timoti 4:17

Ta 'igu yatalaina 'oina Yehoba 'i'abihetegauwa ta waiwai 'i'ebwaegauwa, ma tetelina mabwaiyana yahepwaileya tomiya ganamuli baibaiwadi 'oidiya, ma Yehoba 'ina 'abihetena 'oinega geya laiyoni 'oidiya siulegau.

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

1 Pita 1:5

Ma 'omi helauwedi wada lobadi, 'eguma Yehoba wahemisae 'abehega 'ina waiwaiyega 'ida 'itayahigomi, ta tuta 'ana 'ebelosaloha 'oina 'abihetenaina 'igibubuya weyahimi 'i'ebwaegomi.

1 Yoni 4:14

Ma tauma matamega Yehoba Natuna 'a'iteya, ta weyahina 'ahehepwaila 'abehega Tamana 'ihetuneyama bale'uwa 'abehega 'ada To'abihetena.

Yude 1:24

Yehobaina sawasawahina 'ilomata yahigomi ma geya'abwa wabe'ube'u ee 'ana siga tutaina tauna matana 'inaolegomi 'ina 'asa 'asi'asilalaina 'oina, ma'imi mumuga bwebwe'ana, ma wete ma'imi yaliyaya madouna.

Heꞌitaꞌita 1:2

Yoniina Yesu 'ina 'ali'e 'aigeda, ma ginaulaedi 'i'ita pwaidiya mabwaiyana, 'oinega 'ilagu latuweya, beno Yehoba 'ina gwae, ma wete Yesu Keliso 'ina tetela.

Heꞌitaꞌita 1:9

Taugu tasimiu Yoni. Taheboda 'aigeda pwaiya Yesu ba'idada, ta 'ina 'ebeloina 'alona 'omi ma taugu tahe'alama'i'itanegita, muyamuya ma mwau 'oidiya. Taugu mwalo sipaigauwa ma silagugauwa bwanabwana Patimo 'oina, weyahina yaguguya Yehoba 'ina gwae ma Yesu 'ina tetela.

Heꞌitaꞌita 12:11

“Ma tasidaowedi hesi tuwa yawasidi sitagwaleya ma Keliso weyahina si'amasa, 'oinega Tomuduleleina ma'iyadiu silo'aleha ta taudi sihewaiwaiya. Ma 'idi hewaiwai Lami bweyahinega, ma wete 'idi hepwailega Lami weyahina.

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.