2 Timoti 1:6 - Loina Nuahuana

⁶ Wete tutaina 'oina ya'abidebegowa ta Yehoba waiwai 'i'ebwaegowa, waiwaiina 'u'itayahi ma 'ane 'oiuwega sahena 'igumwagumwala.

2 Timoti 1:6 ပူးပေါင်းရင်းမြစ်များ

Luke 19:13

Mulina ma 'itauya, 'ina topaihowao teni 'ibwau he'autedima ma 'adi heguheguyai kina 'aigeda 'aigeda 'i'ebwaediya ma 'ihegwaediya, ‘Cami heguheguyai bewa wahepaihowadi ma 'ana lohepoi waloba, 'ana siga yalohihilama.’

Paihowa 19:6

Ma Paulo 'i'abi debediya, ma Yaluyaluwa Tabuna 'iluhuwa 'oidiya, ta 'ina waiwaiyega hali 'enana ma hali 'enana 'oinega sigwae latuwa, ma Yehoba 'ina gwae sipalopisai latuweya.

Paihowa 6:6

Coinega loheloheyaedi si'abi lagasidiya Yesu 'ana tohepwailao matadiya, ma si'abi debediya ma weyahidi si'ahwa 'ahwanoiya Yehoba 'oina, ma paihowaina sihegaineya.

1 Tesalonaika 5:19

Ma sahena Yaluyaluwa Tabuna 'ina paihowa wa'eto'etobode.

1 Timoti 4:14

Mwalo tapwalolo 'ana babadao si'abidebegowa, ma weyahiu sipalopisaiya 'ino paihowa Yehoba weyahina, eeta paihowaina weyahina Yehoba 'i'abihe waiwaiyego.

1 Timoti 4:6

Bewa loinaedi 'iyadao 'oidiya 'uhe'itaedi, 'oinega 'owa Yesu Keliso 'ina topaihowa bwebwe'ana, weyahina he'ita dumwaluna Yesu 'ana hemisa weyahina 'umulimuliyedi, ma 'oinega yaluyaluwau 'ihewaiwai.

2 Timoti 2:14

Coinega Yehoba matana 'ino tomotaiyao 'ulohatotodi ma 'uhenuwa lagudi ma gwae bewa sahena sinuwanuwanaide, ma wete sahena gwae tupwadi 'adi bui weyahidi sihe'ahwa panapanawa. Weyahina he'ahwa panapanawa besobeso beno taudi tohesagoha 'oidiya nata geya 'i'abi'abihetedi, ma hesi 'i'abihe galadi.

2 Timoti 4:2

Bewa 'a loinaina: Tuta mabwaiyana 'uhetapewa waiwai ma tetela 'uhehepwaile, tuta mwau ma tuta yaliyaya 'oidiya, ma tomota 'oidiya 'uguguya ma sihemisa, ta wete 'u'abihe dumwaludi, ma 'u'abihe pa'alidi, ma bewa nuwatuhuwedi 'uhe'ita bwaibwainidi ma'ino 'alama'i'ita.

Ibeliu 6:2

babitaiso 'ana he'ita, ta wete 'ada tohanugetao nimadi 'adi lagu debada, ma to'amasa 'idi toholo hila, ma gala 'ana maisa hesilae hataya. He'itaedi wasanapu pwaidiya.

2 Pita 1:12

Coinega nuwanuwagu ma yalohatotogomi ma nuwatuhu bewa wanuwatuhu yahidi, weyahina wasanapu pwaidiya eema sanapu moisa 'oimiya 'imiyamiya.

2 Pita 3:1

Ciyagwao, bewa 'igu leta heluwena 'oimiya, ma 'igu letaedi 'eluwa 'oidiyega yatohotoho ma yahenuwa laguwegomi ma wanuwatuhu bwaibwaini,

Yude 1:5

Sanapu 'aigeda yahegwae hilegomi, weyahina mwalo wanuwa sabwalena, 'oinega wada nuwatuhuyahi, beno mwalohene Yehoba 'ina bodao 'i'abihetediya eeta sihapwesa tupwa Itipita 'oinega, ma muliyetega Yehobaina tupwadi 'ihunudiya, taudi geya sihemihemisa.