2 Timoti 1:3 - Loina Nuahuana

³ Yehoba 'oina yaloyauwedo, tauna tubugwao mwalo 'idi Yehoba, ma 'oina yahetopaihowa 'igu nuwatuhu 'ehaudi 'oidiyega, gidemusa taudi. Wete 'oina ya'ahwa'ahwanoi weyahiu nihuwana ma sabwelo 'oidiya.

2 Timoti 1:3 ပူးပေါင်းရင်းမြစ်များ

Luke 2:37

Ma mwanena 'i'amasa ta tauna 'ihiwapeya, ma 'imiyamiya 'ana siga 'ana bolime 'eitipowa. Ma wahineina tauna Hada He'asisi geya 'ida 'ebesineya sabwelo ma hinuwana 'oidiya, ma Hada He'asisi 'alona Yehoba 'ihehe'asisiye, ma 'i'ahwa'ahwanoi hegomaleyega.

Paihowa 22:3

“Taugu gwama Yudiya. Tasisi, Silisiya 'asana 'oina yatoleya, ma 'ebwa Yelusalema 'oina yase'uluwa. Cigu tohe'ita sanina Gameliyela, 'ihe'itegauwa tubudao 'idi loinao ma yasanapu bwaibwainidiya, ma Yehoba 'ina paihowa 'oina yatagwalegauwa moisa, gidemusa bewa tuwa 'omi 'imi tagwala.

Paihowa 23:1

Ta Paulo meYudiya 'idi babadaowedi 'i'e'ebubudiya, ta 'ihegwaediya, “Babadao ma tasigwao, mwalona ma nige to'aha yanuwatuhuya 'abehega Yehoba 'ina loinao beno yamuliya bwaibwainidiya.”

Paihowa 24:14

“Ta 'idi gwae 'aigeda tuwa ya'ahwa moisaeya, beno 'edaina sihesaniyeya Wataha 'oinega yalotapwalolo tubumao 'idi Yehoba 'oina. Ma wete Mosese 'ina loinao ma palopitao 'idi lele mabwaiyadi yahemisaediya.

Paihowa 24:16

“Ta tuta mabwaiyana 'oidiya yatohotoho waiwai 'abehega yamumuga bwebwe'ana, Yehoba matana, ma wete tomota 'oidiya.

Paihowa 26:4

“MeYudiya mabwaiyadi sisanasanapugau, mumugagu, 'igu tuta sedaseda 'oina yahegaineya taugu 'igu 'asa, ta muliyetega Yelusalema 'oina,

Paihowa 27:23

weyahina hinuwana 'igu Yehobaina, tauna yahemiseya, 'ina anelose 'inaoma ma deiguwa 'itoholowa,

Loma 9:1

Ciyagwao, geya ya'abo, nuwagu 'igala moisa 'igu susuwao meIsileli weyahidi, ma tuta mabwaiyana 'ategu 'imuyamuya weyahidi, weyahina Keliso geya sida hemisaeya. Cigu gwae bewa Keliso ma Yaluyaluwana Tabuna sisanasanapu 'abehega yagwaegwae moisa.

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

Galetiya 1:14

Coinega 'iyagwao Yudiya 'alona yahewaiwai sinediya, weyahina tubudao 'idi mumuga weyahina yahetapewa madouna ta 'iyagwao 'idi hetapewa tupwana tuwa.

1 Tesalonaika 3:10

Coinega nihuwana ma sabwelo 'oidiya 'a'ahwa'ahwanoi madouna ma 'abehega 'ami 'oleya 'a'itahila, ma wete hisa 'ebewe'a 'oimiya simiyamiya 'oidiyega 'a'abihe pa'aligomi.

1 Timoti 1:19

ma ma'ino hemisa ta ma'ino nuwatuhu bwebwe'ana, tuta mabwaiyana 'oidiya. Weyahina 'iyadao tupwadi nuwatuhu bwebwe'adi silogwahatediya, 'oinega 'idi hemisa siwe'a ta sibe'uwa.

1 Timoti 1:5

Bewa 'igu loina ma 'ane nuwami 'ehaudiyega waboi wahelau hilegomi moisa ma wanuwanuwatuhu bwaibwaini, ma wahemisa moisa Keliso 'oina.

1 Timoti 5:5

Ma taudi hiwahiwapeyedi geya 'idi susumo 'ulemedi, 'eguma Yehoba taunamo sihemiseya ma 'oina si'ahwa'ahwanoi sabwelo ma nihuwana 'oidiya.

2 Timoti 1:5

Ma wete 'ino hemisa moisa Yehoba 'oina yanuwatuhu yahiya, gide sinau Yunisi ma tubuu Loise Yehoba sihemisaeya moisa, ma yasanapugowa 'owa wete Yehoba 'uhemisae moisa.

2 Timoti 3:15

Ma 'owa 'uboi wete 'ino tuta gwamega ma nige bewa Buki He'asisi 'ina gwae 'ana tohasila, ta 'ihehe'itego 'abehega 'ida hemisa Yesu Keliso 'oina sowasowana 'i'abihetegita.

Ibeliu 13:8

Yesu Keliso 'ina mumuga mwalohene ta nige, ta tuta 'inaonaoma 'oidiya, geya 'ida 'abihedumedumeya.