2 Timoti 1:12 - Loina Nuahuana

¹² Bewa weyahina 'igu miyamwau yalobeya, ma hesi geya weyahina yadeba mwadina, weyahina 'ida Cinapwanaina yahemiseya tauna yasanapuya, ma to'aha 'i'ebwaegauwa sowasowana 'i'itayahiya nimanega, eema sabweloina madouna 'inaonaoma 'oina.

2 Timoti 1:12 ပူးပေါင်းရင်းမြစ်များ

Madiu 12:21

ma 'ane tauna saninega tomiya ganamuli sihemise.”

Madiu 24:36

“Geya 'eta taiya 'isanapu to tuta, nuwana to sabwelo 'oina yahilama, ma wete aneloseyao galewa geya sisanapu. Taugu wete geya yasanapu. Tamagu 'iboinamo 'isanapuya.

Madiu 7:22

Tuta 'inaonaoma 'oina tomota baibaiwadi 'abwa 'oiguwa sigwae, “Bada, 'apaihowa weyahiu ma saniuwega 'alologuguya ma hi'ahi'a tomota 'oidiyega 'aula latuwediya, ma wete paihowa 'ebe henainaida 'apaihowediya.”

Luke 10:12

Yagwae moisa 'oimiya, 'abwa bwa'omatana 'ana tuta 'oina taudi gogowedi silogwahategomiya loina madou hedadena siloba, ma geya gide meSodoma 'adi loina.”

Luke 23:46

Coinega Yesu 'enana madounega 'ibwauwa, 'igwaeya, “Tamagu yo, yaluyaluwagu nimauwa yalagulagu.” Cina gwae bewa 'igwaeneya ma yawasina 'igumwala.

Yoni 17:15

Ma geya 'abehega ya'ahwa'ahwanoi ma bale'uwega 'u'ewa yahuledi, ma hesi nuwanuwagu ma 'abehega togalaina 'oinega 'u'ahu su'wasu'wanidi.

Yoni 6:44

Weyahina Tamagu 'ihesumanegauma ma 'oinega taiyawedi 'omi 'ilisigomi ma wanaoma 'oiguwa, 'omi nata tuta 'ana 'ebe losaloha 'oina 'amasa 'oinega ya'abihetoho hilegomi. Ma taiyawedi 'eguma geya 'ilisidima taudi nata geya'abwa 'oiguwa sinaonaoma.

Paihowa 13:46

Ta Paulo ma Banaba ma'idi 'atepatu sigwae latuwa meYudiyaedi 'oidiya sigwaeya, “Cilobwaineya ma Yehoba 'ina gwae 'ahepwaila nugete 'oimiya, ma bewa tuwa walogwahateya, nuwana 'omi waboi waloinaegomi 'abehega geya sowasowahimi ma yawasimi hataya waloba, 'oinega 'alogwahategomiya, ma tomiya ganamuli 'oidiya 'aloguguya, taudi geya meYudiya 'oidiya.

Paihowa 13:50

Ta hesi meYudiya Paulo ma Banaba silo'alehedi, ma silolomugiyedi wahiwahine 'alawatao taudi totapwalolo 'oidiya, ma wete 'asa 'ana babadao 'oidiya, ta taudi wete silolo'aleha Paulo ma Banaba 'oidiya, ta sipa'idiya, ma tupwaina si'ebesineya.

Paihowa 21:13

Ta Paulo 'ihegwaemaiya, “Sahena wadoudou ma wahehe 'ateyohogau. Yatagwala pwaigauwa ma silagugau deliya, nuwana silohe 'amasigau Yelusalema 'oina, Bada Yesu weyahina.”

Paihowa 7:59

Eema Sitibeni siloloda'uleyeya, ma hesi 'ibwau haneya 'igwae, “Bada Yesu, yaluyaluwagu 'u'eweyawa.”

Paihowa 9:16

Ma 'abwa taugu yahe'itae muyao madoudi nata 'ilobadi 'agu hepwaila weyahina.”

Loma 1:16

Tetelaina 'ana loguguya weyahina geya yada debamwadina, weyahina Yehoba 'ina waiwai 'oina 'imiyamiya, eeta 'eguma taiyawedi sihemisa 'i'abihetedi, beno tauma meYudiya 'oima ma muliyetega 'omi tomiya ganamuli 'oimiya.

Loma 9:33

Ma Yehoba 'ina Buki 'oina da'ule 'ebe tupaina weyahina 'ihepwaila, 'igwaeya, “Wa'itayahi bwaibwainigomi, weyahina da'uleina nata Saiyoni 'oina yalagu, ma tomota nata 'oina situpa ma sibe'u, ma 'eguma taiyawedi tauna tuwa da'uleinaina sihemisaeya nata geya'abwa siwe'awe'a.”

1 Kolinita 1:8

Ma tauna 'i'abi'abi hepa'aligomi, ta geya 'eta 'imi puimo, ma 'ana siga sabweloina 'ilohihilama.

1 Kolinita 3:13

Coinega 'abwa bwa'omatana 'ana sabwelo 'oina 'ida Badaina hadaedi 'ihadadadi ma 'ida tohodi, nuwana bwebwe'adi bo galadi.

Pilipai 1:20

Taugu wete yahehemisa ma wete yanuwatuhu yahiya 'abehega geya'abwa yadebadeba mwadina, ta hesi yanuwatuhu yahiya 'abehega ma'igu 'atepatu bewa tuwa ma sauga mabwaiyana Keliso sanina yagihemadouwe, nuwana 'igu miya mayawasigu bale'u 'oina, nuwana 'igu 'amasa 'oina.

Pilipai 3:10

Nuwanuwagu wete Keliso yada sanapu ma 'ina toholohila 'ana waiwai yalotoho, ta 'ina muya wete tauna gidemusa yada lotohodi, wete gide 'igu 'amasa gide tauna,

Pilipai 3:21

Ma tutaina 'ihilama wahida 'ida buidi, nige we'awe'adi, ma 'ida buidi gide tauna wahina waiwaina ta 'ehauna gidemusa, ma 'ina paihowaina bewa tauna 'ina waiwaiyega, weyahina tauna sawasawahina ma ginaula mabwaiyadi 'oidiya 'ihetoloina.

Pilipai 3:8

Moisa tuwa, 'igu Bada Yesu Keliso 'ana sanapu bwebwe'ana hedada, eeta wasawasa bale'u 'ibwebwe'ana sinediya, 'oinega wasawasaedi ya'ahwa ginaula besobesowediya, eeta Keliso weyahina ginaula mabwaiyadi yaulediya ta ya'ahwa galaediya, weyahina nuwanuwagu Keliso namo,

1 Tesalonaika 2:16

Eeta hali boda wete si'ausidi, ta 'ima hepwaila 'omi 'asa ganamuli 'oimiya sitohotoho ma si'ausimai, weyahina geya nuwadi ma Yehoba 'i'abihetegomi, 'oinega Yudiyaedi 'idi puiyao sisinabwa hedada, ma 'ana maisa beno muya madouna Yehoba 'i'ebwaedi.

1 Tesalonaika 5:4

Ma 'iyamayao 'omi geya tupwa guguyou 'oina wamiyamiya, 'oinega Bada 'abwa 'ina hilama sahena wa'ate'ateyoho, ma hesi guguyou 'ana tomiyanao 'ilohe'ateyohodi, gide tuwa toyagaha.

1 Timoti 6:20

Timoti yo, ginaulaedi Yehoba 'i'ebwaegowa 'u'itayahi bwaibwainidi, ma sanapu 'abo'abodi ma he'ahwa panapanawa besobeso sahena 'umulimuliyedi.

2 Timoti 1:14

Ma Yaluyaluwa Tabuna tauna nuwada 'imiyamiya, ta sanapu moisa 'i'ebwae pwaigowa, 'oinega sanapuina 'unuwatuhuyahi.

2 Timoti 1:16

Ma Onesipolo hesi geya weyahigu 'ideba mwadina 'igu miyamiya deliya weyahina, ma tauna tuta mabwaiyana 'i'abi'abihetegau, 'oinega 'agu lotohona 'i'abi'abihe bwebwe'ani, 'oinega Yehoba 'oina ya'ahwa'ahwanoi ma 'ane Onesipolo ma 'iyanao 'i'atemuyamuyaedi.

2 Timoti 1:18

Cowa 'ina paihowa madouna weyahigu Epeso 'oina 'usanasanapu, 'oinega nuwanuwagu, ma Cinapwana 'ina tuta yatala 'oina 'atemuyamuya 'ida loba Cinapwanaina 'oinega.

2 Timoti 1:8

Coinega sahena 'ida Cinapwana tetelina 'ana hepwaila weyahina 'uhedeba mwadimwadina. Taugu wete 'igu luhu deliya Cinapwana 'ina paihowa weyahina sahena weyahina 'udebadeba mwadina. Ma 'owa wete 'abwa Yesu tetelina weyahina tupwana miyamwau 'oiuwa silatu, ma 'ilobwainegowa Yehoba 'ina waiwai 'oinega 'utoholo pa'ala.

2 Timoti 2:9

Cigu guguyaina weyahina taugu miyamwau bo'i yalobeya 'oinega deliya sipaigauwa, gide 'abwa taugu topui 'aigeda. Ma hesi Yehoba 'ina gwaeina gesowana 'eta taiya 'i'etobode.

2 Timoti 4:8

Coinega 'abwa 'ida Bada 'agu maisa, mumuga dumwaluna weyahina, 'i'ebwaegau. Ta maisaina weyahigu 'igibubu pwaiya ta 'imiyamiya. Badaina 'ina loina dumwaluna, ma 'eguma to sauga 'ilatuma, tauda ma wete taiyawedi 'ina hilama weyahina siyamwayamwana, mabwaiyada nata 'ada maisa 'i'ebwaegita.

Taito 3:8

Gwae bewa mabwaiyana gwae moisa, 'oinega 'uhewaiwai 'adi lohatoto 'oidiya, ma 'ane taudi Yehoba 'ana tohemisao gwaeyedi sihemisedi ma simuliyedi, ma paihowa bwebwe'adi sipaihowadi, bewa ginaula bwebwe'ana ta tomota 'adi 'ebelema.

Ibeliu 12:2

Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.

Ibeliu 2:18

Ta wete Yesu bale'uwa miyamwau ta 'ebetohona baibaiwana 'ilobediya, 'oinega 'eguma Tomudulele 'itohogita Yesu 'ebetohowedi 'isanapu pwaidiya, ta sawasawahina 'oidiyega 'i'abihetegita.

Ibeliu 7:25

Yesuina tuta mabwaiyana sawasawahina 'i'abihetegita 'eguma 'ana hemisega taluhu Yehoba matana, weyahina Yesu miyamiya hatayana, ta tuta baibaiwana weyahida 'i'ahwa'ahwanoi Yehoba 'oina.

1 Pita 1:5

Ma 'omi helauwedi wada lobadi, 'eguma Yehoba wahemisae 'abehega 'ina waiwaiyega 'ida 'itayahigomi, ta tuta 'ana 'ebelosaloha 'oina 'abihetenaina 'igibubuya weyahimi 'i'ebwaegomi.

1 Pita 4:16

Ma ginaula bwebwe'ana hesi 'eguma 'omi Keliso 'ina bodao ma muya waloba. Beno geya 'ebe debamwadina, ma hesi Yehoba wahepwatuwe, weyahina 'omi Keliso 'ina bodao moisa.

1 Pita 4:19

Coinega 'eguma 'omi Yehoba 'ina nuwatuhu 'oinega muya walobalobadi, yawasimi watagwaledi tauna 'oina, ma 'ane 'i'itayahigomi, weyahina tauna 'ada Topaihowa bwebwe'ana moisa, ma 'omi wete gidemusa wamumuga bwebwe'ana.

Yude 1:24

Yehobaina sawasawahina 'ilomata yahigomi ma geya'abwa wabe'ube'u ee 'ana siga tutaina tauna matana 'inaolegomi 'ina 'asa 'asi'asilalaina 'oina, ma'imi mumuga bwebwe'ana, ma wete ma'imi yaliyaya madouna.