2 Tesalonaika 3:2 - Loina Nuahuana

² Ta wa'ahwanoi ma 'ane togala 'oidiyega Yehoba 'i'abihetemai, weyahina Bada 'ana touhalao baibaiwa hedada.

2 Tesalonaika 3:2 ပူးပေါင်းရင်းမြစ်များ

Madiu 17:17

Coinega Yesu 'ihegwaediya, “Hede 'omi togidega? Tonuwa potapotami 'iya. Nuwana geya wahemisaegau, 'awa? Cimi nuwapotapota 'oinega yawahi dabalala. Hana gwamaina wanaoleyama 'oiguwa, ma ya'ita.”

Madiu 23:23

“Comi loina 'ana tohe'itao ma Palisiyao 'atemuyamuyaimi hesi, weyahina to'abo 'omi. Moisa 'imi helauwedi 'ausala weyahina 'imi helauwedi 'imi ginaula mabwaiyadi 'oidiyega, tobwatobwa madoudi ma wete ginaula 'i'iudi, gide hali pam ma hali pam 'oidiyega, ma hesi loina 'etoi madoudi wanuwanaidediya, beno mumuga dumwaluna ma 'atemuyamuya ma hemisa. Sowasowana ma ginaula bewa madoudi wapaihowadi, ma wete sahena ginaula 'i'iudi wanuwanuwa naidedi.

Luke 18:8

Moisa tuwa, 'ina lemaina dumwaluna nata 'ipaihowa 'oidiya. “Ma togidega 'omi wanuwatuhu 'eseya 'eguma saugaina taugu Loheyaiguina yahilama bale'u bewa 'oina, hisa tomota ma'idi hemisa yalobadi sitoholo pa'ala?”

Paihowa 13:45

Ma hesi meYudiya, boda madouna si'iteya, 'oinega sihe'ipi'ipiyeya, ma Paulo 'ina guguya si'ahwa 'abo'aboweya, ma si'ahwa galagalaeya.

Paihowa 13:50

Ta hesi meYudiya Paulo ma Banaba silo'alehedi, ma silolomugiyedi wahiwahine 'alawatao taudi totapwalolo 'oidiya, ma wete 'asa 'ana babadao 'oidiya, ta taudi wete silolo'aleha Paulo ma Banaba 'oidiya, ta sipa'idiya, ma tupwaina si'ebesineya.

Paihowa 14:2

Ta tupwadi meYudiya he'itaina geya sihemisae, ta sisinaliya, ma si'ahwa galagalaeya, ta silomugi taudi tomiya ganamuli 'oidiya ma taudi wete Yesu 'ana tohemisao silolo'alehedi.

Paihowa 17:5

Ta meYudiya Paulo ma Sailasa sihe'ipi'ipiyediya ma si'ahwa galagalaediya, ma tupwana toyawala besobeso galadi siloinedi ma boda madouna sihegogonediya ta nuwanuwadi silo'alehedi. Coinega Yesoni 'ina hada sihaneiya, 'idi nuwatuhu 'abehega Paulo ma Sailasa hadai simiyamiya, ma 'abehega sida 'abiyahidi, si'ewa latuwedi boda 'oidiya.

Paihowa 25:27

Weyahina geya 'ana 'ita bwebwe'ana 'eguma paipaina 'aigeda tahewasae, ma geya 'aigeda to'aha he'ewa weyahina tagwae.”

Paihowa 28:24

Ta tupwadi sihemiseya ma tupwadi sipa'ala.

Loma 10:16

Ma tupwadi geya sihemisa, weyahina Aiseya 'ihepwaila pwaiya weyahidi, 'igwaeya, “Bada yo, 'ino gwaeina weyahina geya si'ahwa moisaegau.”

Loma 15:31

ma 'ane taudi Yesu 'ana tologwahataedi Yudiya 'oina geya sowana si'abi'abi hegalegau, eema tohekalesiyao wewelohedi Yelusalema 'oina wete weyahidi, eema helauina yatauye 'oidiya 'ane siyaliyaya weyahina, ma sahena siguiguipaila.

1 Kolinita 15:32

Ta wete mwalo Epeso 'oina loheloheya gamwagamwasowalidi totopwatula gide silolo'alehegau, ma hesi lo'alehaina geya 'ana bwebwe'anamo 'oiguwa 'eguma geya 'amasega yatoholo hila! Coinega tupwana tomota sigwae 'abehega 'ilobwainegita ma tuta bewa bale'uwa tayaliyaya 'ida 'ai ta 'ida numa 'oidiyega, weyahina nata 'amasa 'ana tuta, gesowana 'aigeda wete to'aha talobaloba.

1 Tesalonaika 2:18

Moisa, taugu Paulo yatohotoho waiwai ma 'abehega 'atauyawa ma 'abo'enegomi, ta yatoho'asaya, weyahina Seitani 'ima 'eda 'igibodeya.

2 Timoti 4:17

Ta 'igu yatalaina 'oina Yehoba 'i'abihetegauwa ta waiwai 'i'ebwaegauwa, ma tetelina mabwaiyana yahepwaileya tomiya ganamuli baibaiwadi 'oidiya, ma Yehoba 'ina 'abihetena 'oinega geya laiyoni 'oidiya siulegau.