2 Tesalonaika 2:9 - Loina Nuahuana

⁹ Ma tutaina loheyaina galanaina 'ilatu, nata Seitani 'ina waiwai 'oinega ma hedehedede ma ginaula 'ebehenainaida 'oidiyega tomota 'i'abowedi.

2 Tesalonaika 2:9 ပူးပေါင်းရင်းမြစ်များ

Madiu 12:22

Caigeda loheya, mwalo welabana 'idi paihowega matana sigibuwa, ma wete memenana 'ibuiya, 'oinega si'eweyama Yesu 'oina ta 'i'abihe bwebwe'aniya, ma sawasawahina 'igwae ma 'i'ebubuna.

Madiu 24:24

Weyahina Keliso 'abo'abodi ma palopita 'abo'abodi 'abwa silatu ma 'ila'ilala waiwaidi tomota matadiya sipaihowaidi, ma 'oidiyega 'eguma sawasawahidi Yehoba 'ina bodao hehe'asaidi wete sida 'abihe'wanidi.

Madiu 4:10

Coinega 'iheliyeya 'igwae, “Seitani 'u'ebesinegau. Buki He'asisi 'alona loina 'imiyamiya 'abehega, ‘Cino Bada Yehoba namo 'oina 'u'etuluha ma taunamo 'ina gwae 'uhematamatanedi.’”

Maki 13:22

Weyahina Keliso 'abo'abodi ma palopita 'abo'abodi beno silatulatuma ma 'ila'ilala waiwaidi tomota 'oidiya sihe'itaedi, ma 'oidiyega 'eguma sawasawahidi Yehoba 'ina bodao hesihesinuwaidi si'abowedi.

Luke 11:25

Coinega 'ihila ma 'ebemiyaina 'iloba hileya 'asi'asilalana ma 'atu'atububuna.

Yoni 4:48

Coinega Yesu toloinaina 'ihegwae hileya, “Geya 'eta taiya 'ida hemisaegauwa, beno tuwa 'eguma 'igu paihowa waiwaidi ya'abi latuhedi wa'itadi ee 'abwa wahemisaegau.”

Yoni 8:41

Comi hene waboi tamamiu 'ina paihowa 'oinega watautauya.” Coinega Yesu 'enana sihemaiseya sigwae, “Tauma geya tama budabudaima, tauma hene tamamaina 'aigeda tuwa Yehoba.”

Yoni 8:44

Comi hesiyage Seitani tamamiu, 'oinega nuwanuwami ma tamamiuina 'ina nuwatuhuwedi wapaihowadi. Weyahina sauga 'ebe hegaina hauhau 'oinega 'itauyama, tauna tolohe'amasa moisa. Geya 'eta wete 'eda dumwadumwaluna 'oinega 'ida tauya. Weyahina geya 'eta wete gwae moisa 'oina 'ida miyana. Tuta mabwaiyana 'oidiya 'e'abo'abo 'oidiyega 'ihehegwaegwae, weyahina tauna tuwa beno gidemusa mumugana, ma wete tauna to'e'abo'abowao mabwaiyadi tamadiu.

Paihowa 13:10

ma 'igwaeya, “Cowa Seitani 'ina boda ma to'abo madouna, 'oinega paihowa dumwaluna 'uhe'aleheya, ma Bada 'ina 'eda dumwaluna tuta mabwaiyana 'utohotoho ma 'abehega 'u'abihepwayo'e.

2 Kolinita 11:14

Taudi gide Seitani, mumugana galana, ma hesi 'ana 'ita 'ibuiya gide anelose 'asi'asilalana.

2 Kolinita 11:3

Ma hesi ya'ateyohowa weyahimi, 'amuge ma 'imi nuwatuhu si'wani ma 'imi 'atetagwala Keliso 'oina wa'ebesine, gide mwalo mwata Ibe 'i'aboweya 'ina gwae hotohoto 'oinega, ta Ibeina 'iwe'a.

2 Kolinita 4:4

Taudi geya sihemisa, weyahina bale'u bewa 'ina bada 'i'abihegibu pwaidiya, ma 'oinega 'asilala sahena si'ita'ita, beno Keliso 'ina wasawasa tetelina, tauna 'ana 'ita Yehoba gidemusa.

Epeso 2:2

Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

2 Timoti 3:8

Tomotaedi he'ita moisa silo'aleheya, gide taudi mwalo Yanisi ma Yamilisi Mosese silo'aleheya, ta 'adi 'ita gide taudi tohemisa ma 'atediya 'abo ma nuwatuhu galadi simiyamiya.

Yemesa 3:15

Mumugami bewa bo 'imi sinasinapuwedi bewa geya galewega, ma hesi bale'u mumugaidi Tomudulele 'oinega.

Heꞌitaꞌita 12:17

Coinega hebaiina 'igamwasowala hedadeya wahineina 'oina, ta 'inaowa wahineina 'ina susuwao 'ilo'alehediya, taudi beno Yehoba 'ina gwae 'ana toguibigao ma Yesu 'ana tohepwailao. Eeta hebaiina bwehabwehalinaina nenegwala holai 'itoholo baula.

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

Heꞌitaꞌita 18:23

Eeta mayale 'idi 'asilala 'oina geya'abwa silatulatu. Ma wete geya'abwa tohaiyedi 'enadi 'asaina 'oinega sihehesagohe. “Moisa, bale'u mabwaiyana 'oina bewa 'asaina 'ana towasawasao sihane hedadeya, ta 'idi 'oba 'oidiyega hali tupwa tomotaidi si'abowediya.

Heꞌitaꞌita 19:20

Nage 'oina hebaiina ma'ina palopita 'abo'abo si'abi yahidiya, ta mayawasidi siulediya 'asa 'ala'alata 'alona, beno dimwa hulahulaidi 'oina. Palopita 'abo'aboina tauna mwalo 'ina paihowa waiwaina 'ipaihowediya hebaiina matana, ma 'oinega tomota 'i'abowediya, taudi hebaiina 'ana 'ila'ilala 'oidiya 'imiyamiya, ta 'ina dimwa tagitagina 'ana to'etuluhao.

Heꞌitaꞌita 20:10

Coinega 'adi to'abo Seitaniina si'eweya, 'asa 'ala'alata 'alona siuleya. Yahiyahiina 'alona mwalohene hebaiina ma palopita 'abo'aboina siula pwaidiya, ma tupwaina 'oina sitetoiyedi simuyamuya sabwelo ma nihuwana 'oidiya, ta geya'abwa 'igumwagumwala.

Heꞌitaꞌita 9:11

Ta wete ma'idi toloina, tauna aneloseina gaulaina 'ana to'itayahina, sanina Ibeliu 'enadiyega sigwae, “Abadoni,” ma 'ena Gilisi sigwae “Apaloni,” ma 'adi nuwasabwalena beno “Tolohe'amasa.”